Sam 148 - Natqgu

Sam Kratrtqki-esz'-nzpnu-pwx-nrade-rtqmz (148) Nzrglqlz-zvzngr Yawe

^1-2 Glqlz-zvzamu Yawe, nimu lr Heven amrlx. Nimu enjrl nedeng, glqlz-zvzamu Yawe.

³ Glqlz-zvzamu Yawe, nepi ncdr temz. X nimu vri amrlx, glqlz-zvzamu Yawe.

⁴ Glqlz-zvzamu nide, dalr bongavz amrlx. X nimu lue kcng wq, glqlz-zvzamu nide.

⁵ Glqlz-zvzamu drtqde. Kxrpalz wz-ngrde nimu, Mz natq kx kapxle. Glqlz-zvzamu drtqde.

⁶ Natqde tqyc tqyc. Yrlqti-lxblrbzle Me namnc-alo-ngrnamu. Natqde tqyc tqyc.

⁷ Glqlz-zvzamu Yawe, nimu nc x mepwz amrlx Ngr prla x me boongr. Glqlz-zvzamu Yawe.

⁸ Vz-nqblqamu natqde, bzlrpc x muli aes. Dcbz, nenq x tewa, vz-nqblqamu natqde.

⁹ Glqlz-zvzamu Yawe, newz x nra amrlx. Nimu nounc ngr peto, glqlz-zvzamu Yawe.

¹⁰ Glqlz-zvzamu nide, animol x utc amrlx. X da kx nzngrlaneng, glqlz-zvzamu nide.

¹¹ Naglqlz-kzku Yawe, nigu lr nrlc amrlx. Kxnzetung x kxnzrmailzng, naglqlz-kzku Yawe.

¹² Naglqlz-kzku nide, nigu obla x olvi. Itoto x lrtzlvzng, naglqlz-kzku nide.

¹³ Naglqlzku drtqde, nigu amrlx ngrgu. Drtqde myatxlz-esz'ngr. Naglqlzku drtqde. Nzmyalz-esz'ngr-krde myaszlzle drtc', X bongavz kz. Nzmyalz-esz'ngr-krde!

¹⁴ Naglqlz-zvzku Yawe, nigu lr Israel nedeng. Axplrle x aodule nigu, naglqlz-zvzku Yawe.