Sam 133 - Natqgu

Sam Kratrtqki-esz'-nzpnu-tq-nrade-tq (133) Nzesz'tikr Drtwrgu

Nabz ne Devet kx nzngrnelzngr Jerusalem mz nzangiongr.

¹ Lqngipx x mrlzvxi Mzli kc leplz tzmnctr-lxblr-ngrdr mz nzesz'tikr drtwrdr.

² Nzesz'tikr drtwr lqngipx apule nzyrleokr tolo mz nar Eron x nrpnr naode, krlzo-kzpzle lrpzde, Mzli kc tzaelu-ngrde tolo mz nzngini-krde Nardr Pris.

³ X nzesz'tikr drtwr mrlzvxi apule nzdco-krm tewa Mz newz nyzgung mrkc tqmingr zvz. Murde da kc tqmrlzting amrlx tqkam Yawe bagu nzvzpxmqng Jerusalem, Myapxbz nzmnc-zpwx-zvz-krgu mz drtc' nyzgu.