Sam 130 - Natqgu

Sam Kratrtqki-esz'-nzpnu-tq (130) Nzoliq-zvzkr Yawe Mz Nzokatr-krde Leplz Nedeng

Nabz kx nzngrnelzngr Jerusalem mz nzangiongr.

¹ Yawe, kqlex nim mz nzokatr-krm ninge Mz mzlir nzkxpu-krngeng.

² Lalztqm mz nzkrka'-krnge, kx Kxetu, X ayzlum natqnge.

³ Yawe, nzmu napx-ngrn nzipqpx-krm alwx rgrng, Trpnzngr kx narlapxbz mz nzayrplapxngr.

⁴ A' oliq-zvzq nzipq-krm nigr, Murde na-amrluekr nim.

^5-6 Yawe, obqtipxx nzokatr-krm ninge. X brti drtwrnge kx sa na-atutrq natqm. Da kc tzwai kxnzaukzng mz nzaenzli-krdr rngalx nzpnamilxtilz-ani-krmle, Murde nzkrlzlr kx nepi sa naprkilz-zvzm mz nourla kang kqlu. A' suti zlwz drtwrnge nzvz-ani-krme, Myaszpxle nzsutikr drtwrdr nzprtz-krm nepi.

⁷ X nigu lr Israel, na-abrtrpzku drtwrgu mz Yawe, murde aodu-zvzle nigu. X oliq zvz nzarlapx-krde nigu.

⁸ X sa naxpepxle nigu Mz alwx ngrgung amrlx.