Sam 128 - Natqgu

Sam Kratrtqki-esz'-nzpnu-li-nrade-rtqmz (128) Trte Kx Mailzle Lr Ma Nyzde

Nabz kx nzngrnelzngr Jerusalem mz nzangiongr.

¹ Yawe sa na-amrlzle trte kx amrluele nide, X o-zli-zvzle nzti rde.

² Murde da kx naokatrle lr ma nyzde navzpxm mz nzwz-krde, X na-abrtz-ngrde nzmnc-zpwx-krdr.

³ Olvz nalzde na-apule nc bia kc nrade tqkqlu, Murde doa nedrng kalr na-apulr nrtr ngr nc brpi mz nzwxbu-ngalelvz-krdr nyr pnrde.

⁴ Delc Yawe tqamrlz-ngrde Trte kx amrluele nide.

^5-6 Yawe, mz nzmncpx-krme Mangr-nzangiongr, Amrlz nigr lr Israel, murde namnc-zpwxkr. X trtegr lcng namc-zvzlr da kxmrlzting kcng tqaleme bagr, nigr lr Jerusalem. X namc-kzlr nzmnckr doa ne doa nedrng, x sc tzbz-ateng.