Sam 125 - Natqgu

Sam Kratrtqki-esz'-nzpnu-li-nrade-nzlvqn (125) Kxnztubqng X Kxdrka'-ngrng

Nabz kx nzngrnelzngr Jerusalem mz nzangiongr.

¹ Nigu kcng nzabrtrpzlr drtwrdr mz Yawe, Apuku Newz Saeon kx trycngrlru, a' tutx alo.

² X Yawe apule newz kcng tztu-ngalelvzlr Jerusalem, Murde vz zvz nztu-krmle mz nibrgu, nigu leplz nedeng.

³ X tr-rlr-ngrpwzleu mz kxdrka'-ngrng nzaclve-alo-krdr mrnyzgu, nigu kxnztubqng. Murde ma tqvz-nqblqku nqmq krdr kxtrka.

⁴ Delc Yawe, krka'-ngrgr kx na-amrlzq nigr lr Israel kxnztubqng Mz nzyrlq-angidr-krgr natqm.

⁵ A' mzli kc na-ayrplapx-ngrn kxdrka'-ngrng, Mrlzm bagr nzayrplapx-kz-krm kzdung nigr Kcng tzpxtxpx-ngrdr nzvz-nqblqngr nim. A' amnc zpwx nigr lang.