Sam 121 - Natqgu

Sam Kratrtqki-esz'-nzpnu-li-nrade-esz' (121) Gct Aclve-zpwxle Nigu

Nabz kx nzngrnelzngr Jerusalem mz nzangiongr.

¹ ?Myx me narmcti-ngrne kxnaokatrle ninge? ?Sa navzom mz newz ngr nrlc ka?

² Trtingr. Murde Yawe Kxrpalz kc tqwz-ngrde bongavz x drtc', Nide txpwz kx naokatrle ninge.

^3-4 Da zpwx! Murde Yawe obq zvz, X aclve-angidrle nigu lr Israel, Mz nzapu-krgu sip nedeng. A' tramau x trmwiu, murde ma tqtaoku.

⁵ Yawe ngi tegu badr, X tu-zvzm mz nibrgu,

⁶ Murde trtxpnzngr doa x da kx na-atrkatile nigu Mz nrlckxgrlx x mz nrlckxbq.

⁷ Yawe arlapxle nigu mz nzkxpu-krgung amrlx, Murde namnc-zpwxku.

⁸ X aclve-zvzle nzvz-krgu x nzmnc-krgu, Mzli ka x tqyc, tqyc.