Sam 11 - Natqgu

Sam Kranzpnu-esz'-nrade-esz' (11) Yawe Nide Me Rlakitrx

Nabz ne Devet kx yrbzle mz kxrmailz ngr dzbe kxnzngrng.

¹ Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.

² Murde leplz kxdrka'-ngrng nzmnc-kapqti-zvzlr leplz kxnztubqng, Mz nzpnz-krdr nidr mz nipna.

³ Trpengr doa x da kx na-abrkitrku drtwrgu, X nigu kxnabzdr lqngi, trpengr da kx na-aleku.”

⁴ Bzkq kxmu nzycmne-krmamu lc bange, murde Yawe kc tqmncbe mz Mangr-nzangiongr nide, X sc tqwxbube mz tron nyzde Heven mz nzobqplx-krde nabz leplz amrlx.

⁵ Yawe sc tqobqtr zvz mz nzmnckr kxnztubqng x kxdrka'-ngrng. X pxtxpx-ngrde nzrmcngr kxnzrnibqng.

⁶ X mz nzayrplapx-krde nidr, sa nartctio-ngrbzle badr muli rplz kxngc na-apule nzdckr tewa. X sa na-abxutile nidr mz nzulr nenq kxpq.

⁷ A' krkcng nabzdr tqlqngi sa namncng badr, Murde Gct tubq-esz'ngr x mrlz bade da kxtubq.