Sam 1 - Natqgu

Buk Kc Kai Sam 1—41 Sam Kc Ayrnrngr (1) Nzmnc-zpwxngr

¹ Nzmnc-zpwxngr trvzpxpuu mz nzvz-nqblqngr nqmq kr kxdrka'-ngrng, X nztu-ngrbz mz lrpzki nyz kxnzaleng alwx. X trvzpxpuu mz nzprtr-ngrbz mz kxnzxtrnga-ngrdr Yawe.

² A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe, X mz nzaoti-zvzkr drtwr natqde ngrlx x nrlckxbq.

³ Leplz lcng nzapulr nounc kcng dzbrdr tzkrlzobzlr lue, X leu rdr trnzbloung. X nzdo-zlwzng mz nzvz-krm nrpr angidr. Da kx nzalelr nradr yc-zvzbz.

⁴ A' kxdrka'-ngrng trnzwailru. Nzapulr leu kxglr kcng tztakitrpwzlr nzngcngr.

⁵ Delc trnatu-amqngi-ngrdru mzli kc na-ayzlu-ngrbz Gct da mz leplz. X trnaprtrpwzung mz kxnztubqng.

⁶ Murde lrpzki rdr tutr me nzayrplapxngr. A' Yawe aclvebzle nzti r leplz kxnztubqng.