ಪ್ರಕಟನೆ 9 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಪಾಂಚ಼್ವಾ ದೆವ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಯಕ್ಕ ಚಿಕ್ಕಿ ಹಬಾಳಮಾತಿ ಜಿಮಿನಪರ ಪಡಾನು ಮಿ ದೆಕ್ಯೊ. ತೆ ಚಿಕ್ಕಿನೆ ಪಾತಾಳನೆ ಜಾ಼ವಾನಿ ಚಾವಿ ತಿಕನ ದಿದ್ಯಾತಾ.

² ಪಾಚಾ಼ತಾ ತೆ ಚಿಕ್ಕಿ ಪಾತಾಳನೆ ಗೈನ ತ್ಯಾನಿ ಚಾವಿ ಖುಲ್ಲಾ ಕರಿ. ಮ್ಹೊಟಿ ಖಾಡಿಮಾತಿ ಭಟ್ಟಿಮಾನೊ ಧವಾಂಡೊ ಆವಾನಾ ಲಿಂಗತ ತೆ ಖಾಡಿಮಾತು ಧವಾಂಡೊ ಉಪ್ಪರ ಆಯೊ. ತೆ ಖಾಡಿಮಾತೊ ಆಯಲ ಧವಾಂಡಾಕ್ಹು ಸುರ‍್ಯೊಲಕ್ಕಾ ಕಾಳೊ ಥೈ ಗಯೊ.

³ ಪಾಚಲ್ತೊ ಫಿರಕಾ ಧವಾಂಡಾಮಾತಾ ಜಿಮಿನಪರ ಐನ ಉತರ‍್ಯಾ. ತ್ಯುನೊನೆ ಇಚ್ಚಿಯೊ ಲಿಂಗತ ಕಡ್ಡಾನಿ ತಾಕತ ದಿದಲ ರ‍್ಹೈ.

⁴ ಜಿಮಿನಪರ ಚಾ಼ರಾನೆ ರ‍್ಹೈನೆಕಾ ತರಕಾರಿನೆ ರ‍್ಹೈನೆಕಾ. ಝಾಡೊನೆ ಸುಜ಼ ಹಾಳ ಕರೆ ನೈಸೊ. ತೆ ಪ್ಹಿರಕಾವೊನೆ ಕದಲ ರ‍್ಹೈ.

⁵ ಮನಕ್ಹೊನೆ ಪಾಂಚ಼ ಮ್ಹೈನಾ ಲಕ್ಕಾ ತ್ರಾಸ ಕರಾನು ತಾಕತ ಪ್ಹಿರಕಾವೊನೆ ದಿದ್ಯಾ. ತೆನೈಸೊ ಮನಕ್ಹೊನೆ ಖಲಾಸ ಕರಾನಿ ತಾಕತ ಪ್ಹಿರಕಾವೊನೆ ದಿದ್ಯಾ ನೈ. ಎ ಫಿರಕಾ ಕಡ್ತಮಾ ಇಚ್ಚಿಯೊ ಕಡ್ಡಲ ಲಿಂಗತ ದುಖ ಥಾತುತು.

⁶ ತೆ ದಿನೊಮಾ ಮನಕ್ಹೊ ಮರಾನೆ ವಾಟ ಹುಡಕ್ಕಯಾತಬಿ ತ್ಯುನೊನೆ ಮಳ್ತಿ ನೈ. ತ್ಯುನೆ ಮರುಸ ಕದ್ಯಾತಬಿ ಮರಣ ತ್ಯುನೊಕಂತು ದುರ ನ್ಹಾಟಸ.

⁷ ಫಿರಕಾ ಯುದ್ದನೆ ತಯ್ಯಾರ ಕರಲ ಘೊಡಾವೊ ಲಿಂಗತ ದಿಕ್ಹಾಡ್ಯಾ. ತ್ಯುನಾ ಮಾತಪರ ಕ್ಹೊನಾನಿ ಕಿರಿಟೊ ಲಿಂಗತ ಸು ಯಕ್ಕ ವ್ಹತ್ತು. ತ್ಯುನಾ ಮ್ಹೊಡಾ ಮನಕ್ಹೊನಾ ಮ್ಹೊಡಾ ಲಿಂಗತ ವ್ಹತ್ತಾ.

⁸ ಮಾತಾನಾ ಬಾಲೊ ಬಾಕ್ಡಿನಾ ಬಾಲೊ ಲಿಂಗತ ವ್ಹತ್ತಾ. ದಾತೊ ಶಿಯ್ಯಾನಾ ದಾತೊ ಲಿಂಗತ ವ್ಹತ್ತಾ.

⁹ ಛಾ಼ತಿಯೊ ಲ್ಹೊಡಾಕ್ಹು ಕರಲ ಕವಚ ಲಿಂಗತ ವ್ಹತ್ತಾ. ರಕ್ಕಯಾವೊನಾ ಅವಾಜ಼ ಯುದ್ದಮಾ ಘಾಬ್ರಾ ಥೈನ ನ್ಹಾಟಾನಾ ಕೆಕ್ಕಲಾಕೆ ಘೊಡಾವೊಲಿಂಗತ ವರಿ ರಥನಿ ಅವಾಜ಼ ಲಿಂಗತ ವ್ಹತ್ತು.

¹⁰ ಇಚ್ಚಿಯೊ ಲಿಂಗತ ಪುಚ್ಡಿಯೊ ಕೊಂಡಿಯೊ ವ್ಹತ್ತಿಯೊ. ಮನಕ್ಹೊನೆ ಪಾಂಚ಼ ಮ್ಹೈನಾ ಲಕ್ಕಾ. ತ್ರಾಸ ದಿವಾನು ತಾಕತ ತ್ಯುನಾ ಪುಚ್ಡಿಯೊಮಾ ವ್ಹತ್ತು.

¹¹ ಪ್ಹಿರಕಾವೊಪರ ಯಕ್ಕ ರಾಜೊ಼ ವ್ಹತ್ತೊ. ಪಾತಾಳಮಾ ರ‍್ಹವಾಲೊ ದುತ ತ್ಯುನೊ ರಾಜೊ಼ ಥಯೊತೊ. ತಿನೆ ಹಿಬ್ರುಮಾ "ಅಬದ್ದೊನ; ಕೈನ ನಾಮ ವ್ಹತ್ತೊ. ಗ್ರಿಕ್ಕಮಾ "ಅಪೊಲ್ಲ್ಯೊನ "ಕೈನ ನಾಮ ವ್ಹತ್ತು.

¹² ಪೈಲಾನು ಮ್ಹೊಟಿ ತ್ರಾಸ ಗೈಪಡ್ಯು. ಹಜು಼ನ ಬೆ ಮ್ಹೊಟಿಯೊ ತ್ರಾಸೊ ಆವಾನು ವ್ಹತ್ತು.

¹³ ಛೆವಾ ದೆವದುತ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಕ್ಹುದಾನಿ ಸನ್ನಿಧಿಮಾ ರ‍್ಹವಾಲೊ. ಕ್ಹೊನಾನಿ ಯಗ್ನೆನಿ ಚಾ಼ರೆ ಬಗಲ್ತು ಅವಾಜ಼ ಆವಾನು ಮಿ ಐಕ್ಯೊ.

¹⁴ ತೆ ಅವಾಜ಼ ತುತ್ತುರಿ ರ‍್ಹಯಲ ಛೆವಾ ದೆವದುತನೆ "ಯುಫ್ರಟಿಸ ಕವಾನಿ ಮ್ಹೊಟಿ ನದಿಕನ ಭಾಂದಿನ ಮ್ಹೆಲಲ ಚಾರ ದೆವದುತೊನೆ ಛೊಡಿಪಾಡ "ಕೈನ ಕದ್ಯೊ.

¹⁵ ಆ ಚಾರ ಮನಕ್ಹೊ ದೆವದುತೊನೆ ಎಜ಼ ವರಕ್ಹ ಎಜ಼ ಮ್ಹೈನೊ ಎಜ಼ ದಿನ್ನ ಎಜ಼ ತಾಸ್ಮಾ ತಯ್ಯಾರ ಕರಲ ರ‍್ಹೈ. ಜಿಮಿನಪರ ರ‍್ಹಯಲ ಮನಕ್ಹಹೊಮಾ ತನ್ವಾ ಯಕ್ಕ ಭಾಗ ಖಲಾಸ ಕರಾನೆ ಇವ್ನೊನೆ ಬಿಡುಗಡೆ ಕರ‍್ಯಾ.

¹⁶ ತಿವ್ನೊಮಾ ರ‍್ಹಯಲ ಅಶ್ವವದಳನಾ ಸೈನಿಕೊ 20 ಕರೊಡ ಕೈನ ಮನೆ ಐಕು ಐಯು.

¹⁷ ಮಿದರಶನಮಾ ಘೊಡಾ ಘೊಡಾವೊಪರ ರ‍್ಹಯಲವಾಲಾವೊನೆ ದೆಕ್ಯೊ. ತ್ಯುನೆ ಅಮ್ಮ ದಿಕ್ಹಾಡ್ಯಾತಾ ತ್ಯುನೆ ಆಗ ಲಿಂಗತ ಲಾಲ ಕಾಳು ನಿಲಿ ವರಿ ಗಂಧಕ ಲಿಂಗತ ಹಳ್ದಿ ಕವಚ ಹೊಂದಯಾತಾ. ಘೊಡಾವೊನಾ ಮಾತಾ ಶಿಯ್ಯಾವೊನಾ ಮಾತಾ ಲಿಂಗತ ದಿಕ್ಹಾಡ್ಯಾತಾ ಘೊಡಾವೊನಾ ಮ್ಹೊಡಾಮಾತು ಆಗ ಧವಾಂಡೊ ವರಿ ಗಂಧಕ ಆವಾಡ್ಯುತು ಸಿಂಯ್ಯಾನಾ ಲಿಂಗತ ಮಾತಾ ವ್ಹಾತಾ.

¹⁸ ಜಿಮಿನಪರ ಮನಕ್ಹೊನು ತನ್ವಾಮಾನು ಯಕ್ಕ ಭಾಗ ಘೊಡಾವೊನಾ ಮ್ಹೊಡಾಮಾತು ಭಾರು ಆಯಲ ಆಗ ವರಿ ಗಂಧಕ ತ್ರಾಸಕ್ಹು ಖಲಾಸ ಥಯಾತಾ.

¹⁹ ಘೊಡಾವೊನಿ ತಾಕತ ತಿವ್ನಾ ಮ್ಹೊಡಾಮಾ ವರಿ ಪುಚ್ಡಿಯೊ ವ್ಹತ್ತಿ. ತಿವ್ನಿಯೊ ಪುಚ್ಡಿಯೊ ಮನಕ್ಹೊನೆ ಕಡ್ಡಾನು ಹೆಡಿ ಕ್ಹಾಪ ಲಿಂಗತ ವ್ಹತ್ತು. ತಿಕ್ಹು ತೆ ತೆ ತ್ರಾಸ ದೆತುತು.

²⁰ ಎ ತ್ರಾಸೊ ಕ್ಹು ಮರ‍್ಯಾವಾಚಿ ವಾಚ಼ಲ ಮನಕ್ಹೊ ತಿವ್ನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಪ್ಹರ‍್ಯಾ ನೈ. ತಿವ್ನಾ ಸ್ವಂತ ಹತೊಕ್ಹು ತಯ್ಯಾರ ಕರಲ ಮೊರತಿಯೊನೆ ಛೊಡಿಪಾಡ್ಯಾ ನೈ. ತ್ಯುನೆ ಭುತ್ಡಾವೊನೆ ಪುಜಾ ಕರಾನು ಛೊಡ್ಯಾ ನೈ. ಕ್ಹೊನು, ರುಪ್ಪು, ತಾಂಬು, ಡಗ್ಡಾಕ್ಹು ವರಿ ಝಾಡೊಕ್ಹು ಕರಲ ನೈ. ಚಾ಼ಲಾನು ನೈದೆಕಾನುವರಿ ನೈ ಐಕಾನು ಮೊರತಿಯೊನೆ ಪುಜಾ ಕರಾನು ತ್ಯುನೆ ಛೊಡ್ಯಾ ನೈ.

²¹ ಎ ಮನಕ್ಹೊ ತಿವ್ನಾ ಮನಸೊ ವರಿ ಜಿವ್ನಾ ಬದಲಿ ಕರಲಿದ್ಯಾ ನೈ ವರಿ ಬಿಜಾ಼ವೊನೆ ಖಲಾಸ ಕರಾನು ಛೊಡ್ಯಾ ನೈ. ತ್ಯುನೆ ಕರಾನು ಮಾಟಾ ಮಂತ್ರಾ ಲೈಂಗಿಕ ಪಾಪೊ ವರಿ ಚೊ಼ರಿ ಕರಾನು ಛೊಡ್ಯಾ ನೈ.