याकूब 5 - सत मारग पर चलन वारो किताब

¹ अगो धनी गीन, आयक लेव, तुमी अपरो आवन वारा दुख गीन लाय चील्लाय-चील्लाय के रड़ो।

² तुमरो धन बिगड गईसे, अना तुमरो कपरा ला किड़ा-काटकुर खाय गईसेत।

³ तुमरो सोनो-खुरो मा काई लगी गईसे। अना वा काई तुमरो पर गवाही देहे, अखीन इस्तो को जसो तुमरो माँस ला खाय डाकेत।

⁴ चोवो जोन कामदार गीन न तुमरो खेत कापन उनकी वा मजदुरी जोन तुमी न धोखा देयके राख लेई सेस चिलाय रही से अना लेवन वालो की दोहाई सेना गीन को पिरभू को कान गीन तकन पहुच गईसे।

⁵ तुमी धरती पर भोग-विलास मा मन लगया रहोवो अना मोठो सुख भोगो तुमी न एना मरन को दिवस को लाई अपरो आतमा को पालन-पोसन करके वोको मोठो ताजो करीस।

⁶ तुमी न न्यायी ला दोसी ठहरायके मार डाकिस उ तुमरो सामना नही करतो।

धिरज अना विनती

⁷ एकोलाय अरे भाऊ गीन पिरभू को आवनो तकन धीरो-धरो। देखो किसान जमीन की बेस किमती फसल की आसा राखतो हुयो पहेल अना आखीर बरस होवनो तकन धीरज धरो।

⁸ तुमी भी मन मा धीरज धरो अना अपरो आतमा ला पक्को करो काहेकी पिरभू को आवन जवर से।

⁹ अगा भाऊ गीन एक दुसरो पर दोस नही लगावो ताकि तुमी दोसी नही ठहरावो देखो न्याय करनवालो बेसकुड़ मा उभो से।

¹⁰ अगा भाऊगीन जोन भविस्यवक्ता गीन न पिरभू को नाव लक गोस्टी करीसेत उनको दुख उठावन अना धीरज धरन को एक साजरो समझो।

¹¹ दिसो हमी धीरज धरन वारा ला धन्य कव्हसेजन। तुमी न अय्युब को धीरज को बिसय मा त आयकासेव अना पिरभू को कन लक जोन उनको प्रतिफर भयो वोला भी जानलेइसेव। जोको लक मालुम होवासेत का पिरभू कितरो दयालु सेत। अना उ लगत करुना करासेत।

¹² पर अगा मोरा भाऊ गीन सबरी गोस्टी लक मोठा सेव का किरया नही खाना नही सरग की न धरती की न कोनी अना चीज पर तुमरी गोस्टी होय को होय अना नही को नही तुमी दंड को योग न ठहयारावो।

¹³ अदी तुमी मा लक कोनी ला दुख से त उ पिराथना करहे अदी खुसी से त उ स्तुति को गाना गाहे।

¹⁴ अदी तुमी मा लक कोनी बीमार से त कलीसिया को सयानो गीन ला बुलावो अना वय पिरभू को नाव लक वोको पर तेल लगाय के वोको लाई पिराथना करेत।

¹⁵ अना बिस्वास की पिराथना लक बीमार बच जाहे अना पिरभू वोला उभो करके अखीन अदी पाप भी करी रहेस त उनकी भी छिमा भय जाहे।

¹⁶ एकोलाय तुमी आपसी मा एक दुसरो को पुड़ा अपरो-अपरो पाप गीन ला मान लेव लेने अना एक दुसरो को लाई पिराथना करो जेनको लक साजरा भय जाहो धरमी जन की पिराथना लक लगत काही होहे सकासे।

¹⁷ एलिय्याह भी त हमरो जसो दुख-सुख भोगी मानूस होतो अखीन वोना गिडगिडायके पिराथना करीस बादर नही बरसे अना साडे तीन बरस तकन धरती पर बादर नही बरसे।

¹⁸ मंग वोना पिराथना की त बादर लक बरसा हुई अना धरती फर वालो भई।

¹⁹ अगा मोरा भाऊ गीन अदी तुमी मा लक कोनी खरो रास्ता लक भटक जाहे अना कोनी वोला फेरा लक मजे।

²⁰ त उ यो जान लेहे का जोन कोनी भटकयो हुयो पापी ला लौटायके आनेत, उ एक जियान ला मरनो लक बचायो अना लगत सा पाप गीन पर परदा डाके।