इब्रानियो 12 - सत मारग पर चलन वारो किताब

¹ काहेका अमी गवाही को इतरो मोठ्यो गरदी लक घिरयो हुयो सेजन। जोन अमिला बिस्वास को मन्जे काय सेत? यो गोस्टी को पुरुप सेत। एकोलाय आओ बाधा पहुँचान वालो हरेक चीजला अना वोना पाप को जोन सरड़ मा अमिला उलझा लेवासेत। फटाक नारी फेंकके अना उ दौड़मा धावनो सेत, आओ अमी धीरज लक धावबिन।

² आमरो बिस्वास को नेता अना वोला पुरो लक उसे सिद्ध करन वालो यीसु पर नजर लगावो। जोनला आपरो समोर हाजिर आँनद को लाय कूरूस मा दुख झेलयो, वोको लाजको कोनी चिंता नहीं होतयो। अना परमेस्वर को सिंघासन को उजो हातमा बस गयो।

³ वोको धियान करो! जोनना जिसने पापीहुन को असो बिरोध एकोलाय सहयो। जोन लक थक हार के तुमरो मन नोको बस जाय।

⁴ पाप को विरोध मा आपरो लड़ाईमा तुमला एतरो सहनो नही पड़यो का रकत बोहानो पड़यो।

⁵ तुमी वोना हिम्मत को बचन ला बिसार दियो सेव। जोन तुमीला टूरा होवन को नातोलक कह्यो गयो सेत। “ओ मोरो टूरा पिरभू को अनुसासन ला नोको टालजोस, वोको डाट को कभीच बुरो नको मानजोस,

⁶ काहेका पिरभू उनला डाँटासेत जोन लक पिरेम करासेत। वसोच जसो अजी आपरो लेकरा ला सजा देवासेत। जोन वोको चहेतोसेत।”

⁷ मुस्किल ला अनुसासन को रूपमा सहन करो। परमेस्वर तुम्हारो संग आपरो टूरा को जसो बरताव करासेत। असो कोनतो टूरा सेत जोनला आपरो अजी लक सजा नही दियो गयो सेत?

⁸ यदि तुम्हिला वसोच सजा नही दियो गयो सेत जसो सबला सजा दियो जावासेत। तो तुम्ही आपरो अजी लक जलम लियो टूरा नही सव अना आपरो बाप को सच्चो संतान नहीं सेऊ।

⁹ अना मंग यो भी का इन सब ला वय अजी भी जोनना आमरो देहला जलम दियो सेत। अमिला सजा देवासेत। अना एकोलाय अमी उनला मान देवासेत। मंग अमी अपरो आत्माहुन को अजी को अनुसासन को कितरो जादा अधीन रव्हतो हुयो जीवनो पाहिजे

¹⁰ आमरो अजीगिन ना जरा सो बेरालाय जसो उनला साजरो लगयो, अमीला सजा दियो, पर परमेस्वर अमीला आमरो भलाई को लाय सजा देइसेस। जोनलक अमी वोको पवितरपन को हिस्सादार बनबीन।

¹¹ जोन बेरा सजा दियो जाय रहयो होती, वोना बेरा सजा साजरो नही लगासेत। है, बल्कि दुख लगासेत। पर काही भी होय, वय जोन सजा को अनुभव करासेत। वोको लाय मंग नेकी अना सान्ति अना साजरा फर भेटासेत।

¹² एकोलाय लिलवा भाजी जसो हात, अना दरद वारा टोघरा ला ताकतवर बनालेव।

¹³ आपरो पाय साठी एक मारग तइयार करा, जेनको लक अपंग भटकेत नाही, तर चागलो भयी जाहेत।

¹⁴ सर्वां संग सान्ती लक पवितर बनन को कोसीस करा। काहेका पवितर मानूस च पिरभू ला चोहेत।

¹⁵ एना गोस्टी को ध्यान राखो का कोनी मानूस परमेस्वर को किरपा लक मुरक ना जाय, अना तुम्हीला दुख देवन काजी अखिन लगत लोक गिनला खराब करन काजी कोनी झंझट को जड़ नोको फूटेत।

¹⁶ आयको कोनी भी छिनालापन नोको करे, या वोना एसाव को जसो परमेस्वर लक दुहुर अना बुरो ना भयी जाय, जोनना सबलक मोठो टूरा होवन को अधिकार ला बस एक निवाला भर जेवन को लाय बिक दियो होतो।

¹⁷ तुमिला मालुम सेत। वोला जोन बरदान भेटयो होतो। वोला मंग पावन लाय खूप रडला, तरी आपरो अजी को मन बदलन मा नाकबिल रहयो।

¹⁸ तुम्ही स्तो लक जरतो हुयो वोना पहाड़ को जवर नहि आयो, जोनला छिव सकासेत। ये नातो स्तो को धगाड़ी सेत, ना कारो बद्दल सेत, न आँधड़ सेत।

¹⁹ यो ना तो तुर्रा फुकन को सोर या असी कोनी आवाज जोनला आयकन वारा गीन ना बिनती करीन की अबा मंग आमरो लक काही नोको कहे।

²⁰ कारन उनला जोन हुकूम दियो गयो होतो वोला सहनो कठीन होतो। “अगर कोनतोच जनावर पहाड़ ला छीवे तर वोला गोटा लकमारयो जाहेती।”

²¹ उ नजारा ते इतरो भयानक होतो का मोसे कहयो, “मी भीतर लक थरथर कापत होता।”

²² पर तुम्ही सरग को यरुसलेम जवर, जित्तो परमेस्वर को सहेर, सिओन पहाड़ मा पहुचयो सेत। वहान आपरो हजारो देवदूत को संग आनंद मनावा सेत।

²³ परमेस्वर को पयलो संतानहुन, जोनको नाव सरग मा लिखयो सेत। उनको सभा को जवर पहुँच चुकयो सेव। तुम्ही सबको न्याय करनवालो परमेस्वर अखिन वोना नेक, सिद्ध मानूस को आत्माहुन,

²⁴ अना नवीन करार को बिचवई यीसु विराजमान सेत। जोन को सींचो गयो रकत हाबिल को रकत को अपेक्सा जादा चांगलो सबद बोलासेत।

²⁵ सतरक रव्हो, का कोनी बोलनवारा को सबद नोको नकारो, जोनना धरती मा चेतायो होतो। उनको सबद ला नही आयकलो। वय नहि बच सकयो। ता सरग कन भेटयो चेतावनि लक कसो बच सकासेत?

²⁶ वोको आवाज ना वोना बेरा धरती ला डोलाय दियो होतो। परंतु अता वोना बचन दियो सेत का, “मी पुन्हा एक बेर धरती नाही तर सरग ला डोलहिन।”

²⁷ यो सबद “पुन्हा एक बेर” तइयार करयो हरेक गोस्टी को बारे मा इसारा मिलासेत। का जोन चीज डोलायो जाहेत मजे वोको नास होहेत, अना जोन नही डोलहेत मन्जे हरामेसा लक रव्हेत।

²⁸ एकोलाय जबा अमीला असो अटल राज भेटनवारा सेत। तो आव आमी परमेस्वर को धनवाद मानके भेव को संग, परमेस्वर को असो भगती करबीन जोन वोला पावन भई जाय।

²⁹ कारन आपरो परमेस्वर भस्म करनवारा स्तो सेत।