3 योहन 1 - सत मारग पर चलन वारो किताब

¹ योहन को कन लक, माया को संगी, गयुस ला जेनला मि खरो मा सहसंगी को रुप मा माया करासेऊ।

² ओ मोरो चहेतो संगी, मि बिनती करासेऊ का तु जसो आत्मिक रुप लक बढ़ रही सेस, वसोच हरेक पिरकार लक बढ़तो रव्ह अना भलो चंगो रीती लक खुसी उचलत रव्ह।

³ जबा आमरो काही भाऊहुन ना मोरो जवर आयके सत को बारे मा तुमरी पिक्को भरोसा ला सांगीस, मि लगत खुसी भयो का तुमी सत को रास्ता पर कोन रीती चल रहया सेव।

⁴ मोला एकोलक बड़के कोनी खुसी नाहोति का मी आयकासू का मोरा लेकरा सत मा बनयो रव्ह सेत।

⁵ अगा मोरा चहेतो संगी, तुमी आमरो भाऊहुन को भलाई मा जोन काही कर सकासेव, ओला भरोसा को संग कर रहया सेव। जबकि वय लोक तुमरो लाई अनजान सेत।

⁶ जो माया तुमीना उन पर चोवीसेव ओन्हीसीन कलीसिया को पुढ़ा ओको गवाही देयि सेत। उनको यातरा ला बनाय राखन लाई किरपा लक उनको एने तरीका मदद करबिन जेनको सहमति परमेस्वर करासे।

⁷ काहेकी वय मसीह को सेवा को साठी यातरा पर हिटीसेत अना ओन्हीसीन बिरोधीहुन लक कोनी मदद नही लेयीसेत।

⁸ एकोलाय आमी बिस्वासीहुन ला असो लोकहुन को मदद करनो चाहिसे जेनको लक हमी भी खरो को पक्स मा संग करमी सिध्द होय सकबिन।

⁹ मीना कलीसिया ला काही लिख्खो होत्यो पर दियुतिरफेस जोन उनको मा मोठयो होवनो चाव्हासेत उ हमला नही अपनावसे।

¹⁰ एकोलाय जबा मी आहू त जोन काम उ करासेत वोको सुधि दिलाहू। का उ आमरो बारे मा बुरी-बुरी गोस्टी बकासे अखीन एको मा भी वोको मनमा सान्ती ना हती ता उ कलीसिया लक लोक गीन ला हेड़ासेत अना जोन हमीला अपनानो चाव्हसेत उनला भी उ नही भावासेत। ता उ आपच भाऊ गीन ला अपनानो चाहवासे अना मना करासे अखीन कलीसिया लक हेड देवासे।

¹¹ अगा चहेतोहुन बुराई को नही पर भला को मंघा पराओ, जोन भलो करासेत परमेस्वर वोला चोवासेत पर जोन बुराई करासेत परमेस्वर को किरपा वोको पर नही होवासेत।

¹² दिमेतिरयुस को बिसय मा सबच न अना सत न भी आपच गवाही देईस अखीन हमी भी गवाही देवा सेजन अना तु जानासेस का हमारो गवाही खरो से।

¹³ मोला तोला लगत काही लिखवानो त होतो परन स्याही अना कलम लक नही लिखवानो चाव्हत होता।

¹⁴ पर मोला आस से का तोरो लक गदने भेंट करू तबा हमी आमने-सामने गोस्टी करबिन।

¹⁵ तोला सान्ती मिलती रह यहान का संगी तोला नमस्कार कव्हसेत वहान का संगी गीन ला नाव आन कन नमस्कार कव्ह देवजोस।