2 कुरिन्थियो 8 - सत मारग पर चलन वारो किताब1 आमरो संगी भाऊ, आमी चाव्हासेजन, का तुमीला मालुम भई जाये का मकीदुनिया देस को कलीसिया मा परमेस्वर को कसो किरपा सेत। 2 उनना परेसान होय-होय के ना परिक्सा मा पास भई सेत। लेकिन वय लगत खुस होतिन, अना गरिब होवन को बाउजुद वय गजब दान करन वारा सेती। 3 उनको बारेमा मोरो यो गवाही सेत, का आपरो खुद को मरजी लक, जितरो उनको अवकात होतिन, वोको लक जादा देईन। 4 उनना आमरो लक बिनती करीन अना यहूदिया देसमा परमेस्वर को पवीतर लोकगीन को सेवा करनलाय अमीला भी मौका देव असो कव्हन लगीन। 5 यो आमरो समज लक जादा आस होतो, काहेका उनना पयले आपरो आप ला पिरभू ला दे देइन अना मघा, परमेस्वर को मरजी लक खुदला भी अमीला दे देइन। 6 एकोलाय हमीना तितुस लक बिनती करयो का, जोनना यो काम ला सुरू करया, अना एला चालू राखन काजी अना पिरेम लक यो सेवा ला पूरो करन लाय तुमरो मदद करीस। 7 पर जसो तुमी सक्ड़िया गोस्टी मा मजे भरोसा, बचन अना गियान मा अना हरेक परकार को जोस मा अना पिरेम मा बढसो वसोच यो किरपा को सेवा मा भी बड़तो जावो। 8 मी कोनी नवा नेम नहीं देवासू। पर मी यो चोवाय के परख को कोसिस मा सेव का दुसर लोक हुन ला कितरो जोस से, अना यो भी का तुमरो पिरेम मा कितरो दम सेत। 9 तुम आमरो पिरभु यीसु मसीह को किरपा जानासेव। का उ धनी होतो पर तुमरो काजी उ कंगाल भई गयो, जोन लक वोको कगांल होवन को कारन तुमी धनी भई जावो। 10 मोरो असो राय सेत का, बितो साल तुमीना जोन सुरू कियो होतो, नातो वोच काम करत होतो पर यो गोस्टी ला चाव्हन मा भी पयलो सेव। 11 एकोलाय अबा वा काम पूरो करो, का जोन ला करनलाय तुमी आपरो मरजी लक तैय्यार होतो वोला आपरो पूंजी को अनूसार करो। 12 यदि तुमरो मन तैय्यार सेत तो दान वोको अनूसार लेव लेने, जोन वोको कठासेत वाच पर जोन वोको कठा नाहती, तो वोको कोनी सवाल नाहती। 13 काहेका यो नही का दुसरो सुख अना तुम्हारो दुख को लाय नोको पर बरोबरी पर बिचार करो। 14 तुम्हारो धनी होवनो उनको कँगाली मा काम आये। जोन लक तुमी बरोबर भई जावो। 15 जैस का पवीतर गिरंथ कव्हसेत। “जोन ना लगत जमा करीन उ लगत नाहती।” 16 परमेस्वर को धनवाद हो, जोनना तुमारो लाय वोच जोस तितुस को दिल मा डाख दियो सेत। काहेका तुमी आमरो मदद कर रहयो सेव। 17 उनना सिरप आमरो बात राखिसेत, अना उ अपरो मरजी ला बढ़ाय के खुसी लक तुमरो कठा आवन को फैसला करिसेत। 18 आमी ना वोको संग उ भाऊ ला भी धड़यो से, जेनको नाव साजरो बारता को बारेमा कलीसिया मा फैलो हुया से। 19 अना इतरोच नही पर उ कलीसिया लक निवाड़ो गयो सेत। का यो दान को काम काजी आमरो संग जाय। आमी यो सेवा यो लाय करतत का पिरभू को महिमा अना दया लक आमरो मन को तैय्यारी सबको पुढ़ा परगट भई जाय। 20 आमी यो गोस्टी काजी चवकन्ना रव्हसेजन का यो सेवा को काम जोन आमी करसेजन, कोनी आमरो बदी नोको करनो पाय। 21 कायको लाय का जोन गोस्टी केवल पिरभू को कठा नही पर मानूसगिन को जवर भी सजरा सेत आमी वोचको चिन्ता करासेजन। 22 अमीना वोको संग आपरो भाऊ ला भी धाड़िसेजन। जोनला अमीना घडी-घडी परख के लगत गोस्टी मा अगाडी पायोसेजन अना वोला यो काम करन को हुलहुली सेत। 23 अना कोनी तितुस को बारे मा पुसेत, तो उ मोरो संगी अखीन तुमरो लाय मोरो संग काम करनवारा पेरीत सेत, अना कोनी भाऊ गीन को बारेमा पुसेत, तो वय कलीसिया को कन लक धाडयो गयो मसीह को महिमा सेत। 24 अता आमरो पिरेम अना तुमरो बारे मा आमी जोन गरब करसेजन, कलीसिया मा पुरुप करो। |
The New Testament in Powari Language © The Word for the World International and Powari Madhya Pradesh, 2023.