2 कुरिन्थियो 1 - सत मारग पर चलन वारो किताब1 अखया कुरिन्थुस नगर मा परमेस्वर यीसु मसीह को कलीसिया अना सबा युनान देस को रहवासी सबा पवीतर संतहुन को नाव पौलुस जोन परमेस्वर को मनसा को कन लक पेरीत सेत, अना भाऊ तीमुथियुस को चिठ्ठी। 2 आमरो परमेस्वर बाबूजी, अना पिरभू यीसु मसीह तुमी लोकगीन ला दया अखीन सान्ती भेटेत। परमेस्वर ला धनवाद 3 धन्य सेत परमेस्वर, आमरो पिरभू यीसु मसीह को बाबूजी, उ दयालु अना सब परकार को सान्ती को परमेस्वर सेत। 4 उ सब दुख मा अमीला, सान्ती देतो रव्हसेत। जोन लक, परमेस्वर को कन लक, अमीला जोन सान्ती भेटासेत, वोच को लक आमी दुसरो ला भी, उनको हरेक दुख मा सान्ती देवन को ताकत अमीला मिल जाय। 5 काहेका जसो मसीह को दुख आमरो जिंदगी मा लगत सेत वसोच आमरो जिंदगानी मा वोको सान्ती भी लगत सेत। 6 अदी अमी दुख उचलबिन, ता वा तुमरो खुसी अना सूटकारा को लाय सेत। यदि अमी खुसी सेजन। ता तुमरो खुसी लाय सेत। यो खुसी उन दुख गिनला जोन अमी सह रह्यो सेजन। तुमिला धिरज को संग सहन करन को ताकत देवा सेत। जसो का अमीला जोस देवासेत। 7 तुमरो बारेमा अमिला पुरो आस सेत काहेका अमीला मालुम सेत का जसो आमरो दुख ला बाटा करा सो, वसोच आमरो खुसी मा भी तुमरो बाटा सेत। 8 अगो संगीहुन अमी यो चव्हा सेजन का तुमी वा दुख को बारेमा जानो जोन अमिला एसिया मा झेलनो पड़ीयो होतो। वहान आमरो सहनो सक्ती लक बाहेर होतो। वा दुख को बोझा मा अमी दब गयो होता। यहाँन तकन का आमरो जित्तो रव्हन को चारा नोहोतो 9 हव! आपरो-आपरो मन मा अमिला असो लगत होतो, जसो अमिला मरनो को हुकूम भयी गयो सेत। जोन लक अमी आपरो आप पर नही पर परमेस्वर को भरोसा भयि गयो जोन मरयो हुवो ला जित्तो करा सेत। 10 अमी वोना भयानक मिरतु लक परमेस्वर ना बचायो अना आमरो अबा को बेरा मा भी वोच बचा हेत। आमरो आस वोकोमा टिकयो सेत। 11 अदि तुमी आमरो कन लक पिराथना करके सहयोग देवने। ता अमिला लगत सो लोकगिन को पिराथना लक, परमेस्वर को जोन किरपा भेटयो सेत। वोको लाय लगत सो लोक गिनला, आमरो कन लक धनवाद देवन को कारन मिल जाहेत। पौलुस को यातरा मा बदलाव 12 हमला एको गरब से, का यो गोस्टी अमी सफा मन लक कव्हा सेजन। का अमिना यो जगत को संग अना खास तुमरो संग परमेस्वर को किरपा को साथ बरताव करयो सेजन। हमिना ईमानदारी अना खराई लक बरताव करी सेजन। जोन परमेस्वर लक भेटा सेत। दुनिया को अक्कलवरी लक नही। 13 हमी तुमला अखीन काही नही लिखीसेजन बस उ जोन तुमी बाचिसेव अना मानासो, अना मोला असो आस सेत का आखीर तकन मानतो रव्हजोस। 14 जेनको लक तुमी न काही-काही समजा सेत, का जसो हमी तुमरो गरब को कारन से वसोच तुमी भी हमरो पिरभू यीसु को दिवस मा हमरो पर गरब ठहरयो जाहे। 15 एनाच भरोसा को संग मोरो लक पयले तुमरो जवर आवन को पक्को होतो क तुमी दुसरी बेरा किरपा पाय सको। 16 अना मी तुमरो जवर होतो मकीदुनिया देस जाऊ अना मकीदुनिया लक मंग तुमरो जवर आहू अना तुमरो यहुदिया की यातरा को लाई मदद पाहेत। 17 जबा मीना असो पक्को करयो त का मी दुविधा मे होतो? अना जोन मा पक्को करासेऊ का उ देह को अनूसार करासेऊ का एकच बेरा मा हव-हव कँहू अना नही-नही भी? 18 जसो का परमेस्वर भरोसा को लायक से वसोच तुमरो लाई हमरो बचन मा हव अना नही दुई एको संग नही पायो जाहेत। 19 काहेकी परमेस्वर को टूरा यीसु मसीह मा जोको परचार तुमरो बीच हमरो अना सिलवानुस, तीमुथियुस अखीन मीना करयो, वोको कबच हव अना कबच नही से वरन उनमा सिरप हव से। 20 काहेकी परमेस्वर की जेतरी भी परन सेत। वा सप्पा यीसु मा हव से एको लाई वोको कन हमारो आमेन भी परमेस्वर की महिमा को लाई होय। 21 अबा जोन तुमरो संग हमी मसीह मा पक्को करासे अना जेना हमला निवाड़ी सेस। उ परमेस्वर से। 22 परमेस्वर ना आमरो पर आपरो मूहर लगाई सेत, अना बियाना को रुपमा आमरो दिल मा आतमा देइसेत। 23 परमेस्वर गवाह सेत मी आपरो जिंदगी को किरिया सांग सेऊ। का मी यो काजी अब तकन कुरिन्थुस नही आईसेव का मी तुमीला दुख बचायो राखनो चाव्हत होतो। 24 असो गोस्टी नाहती का आमी तुमरो भरोसा को बारेमा हक जमानो चाव्हासेजन, पर आमी तुमरो खुसी मा संग काम करनवारा सेजन काहेका तुमरो भरोसा पक्को से। |
The New Testament in Powari Language © The Word for the World International and Powari Madhya Pradesh, 2023.