1 तीमुथियुस 2 - सत मारग पर चलन वारो किताब

पिराथना को बारेमा हुकूम

¹ अबा मी सबच लक पयले यो बिनती करासेऊ का पिराथना अना बिनती अखिन धन्यवाद सब मानूस गीन को लाई करयो जाहे।

² राजा गीन अना सबच उच्चो पदवारा गीन ला नेमत एकोलाई का हमी आराम अना चैन को संग सारी भक्ती अना घंभीर रुप लक जीवन बिताहेत।

³ यो हमरो सुटकारा देवन वालो परमेस्वर ला साजरो लगासे अना भावासे।

⁴ जोन यो चाहवसे का सब मानूस गीन को सूटकारा होहे अना वय खराई ला साजरो लक चिनलेहेत।

⁵ काहेकी परमेस्वर एकच से अखिन परमेस्वर अना मानूस गीन को बीच मा भी एकच महाती से अना मसीह यीसु जोन मानूस से

⁶ जेनको लक अपरो आप ला सबच सूटकारा को दाम मा दियो जाहे अखिन वोकी गवाही सही बेरा देहि जाहे।

⁷ मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

⁸ एकोलाई मी चाहव सेऊ का हर जगह मानूस बिगर गुस्सा अना झगड़ा को, पवीतर हात ला उचलके पिराथना करो।

⁹ वसोच आई-माई भी बीना बिचार अना संयम लक संग सुहावनो कपरा लक अपरो आप ला तैयार नही का केस गुथनो अना सोनो अखिन मोती गीन अना किमती कपरा लक।

¹⁰ पर साजरो काम गीन लक, काहेकी परमेस्वर की भक्ती करन वारो आई-माई गिन लाय योच साजरो सेत।

¹¹ आई-माई ला उगो-मुगो पुरो दुसरो को बस मा रहेके सीकनो चाहिसे।

¹² मी कव्हसेऊ का आई-माई न सिक्सा देहे नही मरदमाना गीन पर हुकूम चलाहेत पर उगी-मुगी रव्हे।

¹³ काहेकी आदम पहेल वोको मंग हव्वा बनाई गईसे।

¹⁴ अना आदम बहेकायो नही गईसे पर आई-माई बहेकावनो मा आयके गुना भईसे।

¹⁵ तबच आई-माई लेकरा बारा पैदा करनो लक सुटकारा पाहे अदी वा संयम लक बिस्वास पिरेम अना पवितरपन मा ठैयराइ सेस।