1 पतरस 3 - सत मारग पर चलन वारो किताबमसीही जोड़ा 1 असो पिरकार, अवो बायका गीन अपरो-अपरो नवरा गीन को बस मा रहवो। जेनको लक अदी कोनी परमेस्वर को वचन ला नही मानासे। त वय तुमरो पवीतर अना भेव सकट चाल-चलन ला ध्यान लक चोवके बिना कोनी बारता को अपरी-अपरी बायका गीन को बरताव लक जीतयो जाहे। 2 तुमरो सजनो-सवरनो परमेस्वर को डर मा नही बल्की देखावटी नही होहे। 3 जसो चुन्दी ला गुथनो, सोनो को जेवर बनावनो अना रकम-रकम का कपरा घालनो। 4 पर तुमरो सिंगार तो तुमरो मन को भीतर मा बस्यो मानूस की सिंगार होवनो पाहिजे। नरम अना सांत मन वालो, अविनासी सही जेवर गीन लक कियो सिंगार परमेस्वर की नजर मा लगत किमती से। 5 काहेकी जूनो जमाना मा पवीतर आई-माई गीन भी जोन परमेस्वर मा आस राखा सेति। अपरा-अपरा नवरा गीन को अधीन रहके अपरो रिती-रिवाज को जसो सज्जत सवरत होतीन। 6 वसोच सारा, अबराहम ला मालिक कहके वोको अधीन रव्हत होती। अदि भी बीना भेव को भलो काम करासेत तो तुमी भी परमेस्वर को टूरी सेव। 7 असो च अरे नवरा हुन, तुमी आपरो बायको को संगा मा अक्कलवरी लकरव्हो वोला कमजोर समझ के ना उनको आदर करो। जिंदगी को सहयोगी वारिस मानो। जेनको लक तुमरी पिराथना मा विघन नोको पहुचेत। 8 निचोड़ यो सेत का तुमी सर्वांमध्ये एकच मन अना एकच भावना रव्हनो जरूरी सेत। एकमेक लक पिरेम करा अना एकमेक काजी दयालू अना नरम राहा। 9 वाईट काम को एवज मा वाईट काम नोको करा। सिराप को परतफेड नोको करा। वोको ऐवज मा, आसीरवाद देया। कारन तुमिला आसीरवाद देवन साठी बोलाविले गयो सेत। 10 पवितर गिरंथ असो कव्हसेत “अदी तुम्हाला जीवन को पिरेम खुसी लेवा को सेत। अना तुम्हाला साजरो बेआ चोवन को इक्सा सेत। तर तुम्ही वाईट बोलन लक थांबा, अना खोटे बोलन साठी रुकनो पाहिजे। 11 तुम्ही बुराई लक दुहुर रव्हनो पाहिजे अना नेकी केले पाहिजे। तुम्ही मना पासुन सांती लाय कोसीस करनो पाहिजे। 12 परमेस्वर नेक मानूस पर नजर ठेवतो। अना उनको पिराथना आयेकतो। परंतु जोन वाईट करतात उनको ता बिरोध करतो।” 13 अदी तुम्ही नेकी करान ला जोस मा सेव आहेत। तर तुमरो वाईट मानसा कोन आहेत? 14 अदी तुम्ही नीति मत साठी दुख भोगी सेव ता तुम्ही धन्य सेव। परंतु एना साठी घाबरू नका। अना भेव करू नका। 15 खुद को मनमा पिरभु मसिहा को सन्मान करा। अदी कोनी तुमरो लक तुमरो बिस्वास को बारे मा विचारेत तर जवाब देवन साटी हरामेसा तइयार राहा। पर नरमाई अना भेव को संग। 16 अना आपरो मन ला सुद्ध ठेवा, योसाठी का जोन गोस्टीमा मसीह को बारे मा तुमरो च अनादर करतात। वय लोकगिन तुमरी लाज वाटेल। जोन बारे मा तुमरी निंदा होतत। 17 अदी परमेस्वर को इक्सा सेत। का तुमी नेकी करन को साठी दुख भोगो, तर वाईट काम करन को बद्दल, दुख सयनो चांगलो सेत। 18 एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो। 19 वोच देह मा यीसु जायके वोना बन्दी आतमा गिन ला परचार करीस। 20 यानी नूह को बेरा मा हुकूम नहि मानयो। अना जबा परमेस्वर नोहा को दिवसात धीर धरत होता। अखिन जहाज बनावत होता। ता वय काही लोक मजे आठ लोक पूरा लक बच गयीन। 21 यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत। 22 यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत। |
The New Testament in Powari Language © The Word for the World International and Powari Madhya Pradesh, 2023.