Sal 22 - Northern Tepehuan Bible

⁶ Diuxi otosadï gabhaitï kïakami ikaiti, —Aanï gin kïïdai odami dai ka mai odan dukai gin nïidi. Ïmo batopadagai dukai gin nïidi ïgai bhaiyoma.

^7-8 Gin parunai ïgai mos gin tïïgakai. Gin xixigidi ïgai ïpï dai aasïi daidi ikaiti, —Idi as ïgai dai kïïga buaboitudai Gïr Nukadakami. Tï nïida tudu sa bhai kïïgakïrï busaidana Gïr Nukadakami xibi— ikaiti odami gin parunaitai. Dai ikaiti go odami ïpï sai, —Gïr Nukadakami as kïï oigïdai idi. Xibi nïidamu aatïmï sa bhai soiñana— ikaiti odami gin tïïgakai.

¹⁶ Gin xikorhi guka kïkïïrhi oomarhigakami googoxi dukai. Gin sïsïi ïgai gin ïïka ïmadï gin ïïkaso.

¹⁷ Dai ix makïdï in bui bïïtï mos kabami gin nïidi mai yukusukatai aanï dai maaxi guka bïïxi gin oo. Ka mos bhai ïrhiarakïdï nïidi ïgai xi soi taadaga aanï.

¹⁸ Gatïtïbïi ïgai dai gïn totoidi sa xorai gamaitï agai gin yukuxi— ikaiti go otosadï Diuxi.