Rut 2 - Northern Tepehuan Bible

Go Rut soiña gayoba ïïxudï gï Bhooz

¹ Dai ami Bhelenïrï oidakatadai ïmo kïïrhi Bhooz tïgidukami. Ïgai ïmadï go kunakarudï Noemi bïï goka ïr pipixaradï ïmo ïïki oidakami Elimelek tïgidukami. Dai kïïga gï bidakana go Bhooz dai ïmo tïanïdamikana ïgai ami Bhelenïrï.

² Daidi ïmo imidagai sai go potïtïdai Rut go Noemi, -Bhaiga pïx agai sai mïï oijada aanï go gayobadami nïidana sa bhai gï tuiga amudï dai gin maakana oigaragai sai ïmpaida (utuba?) aani muradadï go cebada ix makïdï surhigiagi dai nobai dïbïriana biyagi- itïtïdai. -Ïjï kïïgadu gobai- ikaiti go Noemi.

³ Dai jii go Rut dai baa ïmo ïxikamiana dai ga tutuba agai cebada ix makïdï dïbïrian bii xako aatabuadatadai yobadami. Dai go ïxikami xako baa ïgai ïr tuidadï go Boaz ix makïdï ïr ïmo aduñdï go Elimelekaru.

⁴ Dai kia ïxikamiana dajatadai go Rut bai jii go Bhooz Blenañdïrï dai mïï dibia ïxikamiana ïpï. Dai biaturhi ïgai pipioñigadï ix makïdï goyobatadai dai potïtïdai, -Diuxi Gïr Nukadakai gïn ïmadï dakana- itïtïdai

⁵ Dai go aatabuadami potïtïdai, -Diuxi Gïr Nukadakami gï maakana bhai ïrhiaragai- itïtïdai.

⁶ Dai bhodïrï potïtïdai Bhooz go pioñi ix makïdï tïanïi go gaa pipioñi, -Badïrï oidakami go arhi oki gobai? Dai ix tïtïgidu dïïdïdï?- itïtïdai. Dai go tïanïdami go yobadami potïtïdai, -Gobai ïr go Moabañdïrï oidakami ix makïdï oidi go Noemi dai mïkadïrï dibia- itïtïdai.

⁷ -Xibi kiamoko gin tai oigaragai gobai sai oidana go yobadami sai tutubana go cebada ix makïdï bipiïyi ka yobakai go gaa. Dai kiamoko abhiadïrï kabami gï aga gobai dai maiti gï ibhïxi toma lachi asta utudami xibi. Utudami ibhïxtai bhobai go arhi kiyïrï tudu- itïtïdai.

Kïï tuiga go Bhooz dai kïïga maa ñoki go Rut

⁸ Daidi mïï potïtïdai Booz go Rut, -Kïïga gin kaïka aapi, daiñi, maiti gï agai sai maigobai jaa ïxikamiana ïmpaida aapi kuadagai. Tanaxi gin ïxikamiana bii tudu. Oijadañi go gaa oki

⁹ xako gayobada agai ïgai pai ïmpaida aapi ixtumaxi gï biagi ïgai. Kaxi aagidi aanï go kïkïrhi sai maiti soi gï buadana ïpï. Dai xïïxkadï tonomokagi aapi, bia aapi oigaraga ix yïda go sudagi ix makïdï ka bubaitu ïgai posoañdïrï- itïtïdai.

¹⁰ Dai koidamu kuiki go Rut asta xako taata dïbïrai kobadïkïdï daidi potïtïdai, -Dukatai mosïï kïï tuiga aapi gin bïïtarï- itïdai. Aanï tomarhi maiti ïr tanaidïrï oidakami tudu- itïtïdai.

¹¹ -Ïjï, kïï maatï aanï sai xibhadïrï oidakami aapi- itïtïdai go Bhooz. -Dïï gia kïïga maatï aanï ïpï xïï kïï tuigakana aapi gï tumo bïïtarï aidï abhiadïrï xi muu gï kunakaru. Ka dagito aapi gï dïï dai gï kii xako gïrakami aapi dai ka bhaigobai Israelana dibia, dai xibi ka oidaga aapi tanai xako mai maatï aapi oidakami.

¹² Ka dibia aapi ipïrhiditai sai gï nukadakana dai gï maakana soiñi go Diuxi ix makïdï ïr aatïmï isaraelitas gïr Diuxiga. Sai Diuxi Gïr Nukadakami kïïga gï aanamïidana bïïxi ixtumaxi idui aapi tudu- itïtïdai.

¹³ -Gia kïï tuiga aapi gin bïïtarï- ikaiti Rut. -Kïï tuigakan kaiti gï ñoki gin bïïtarï tudu tomaxi mai ajïi aani tomarhi xi ïr ïmo gï kuxnirugakagi- itïtïdai.

¹⁴ Dai lachkïdï kaxi gakuada agaitadai go aatabuadami dai go Bhooz potïtïdai go Rut, -Gimi dai bïiyi pana dai badaida go binokïdï dai uga- itïtïdai. Dai daiba go Rut go gaa aatabuadami ïmadï. Dai bhidi Bhooz aki ïpï dai kïïga uu go Rut dai kïïga taxkobai dai asta bii kuadagai kia ka ugakai ïgai.

¹⁵ Dai bhodïrï ïpamï gï aaga aatadui go Rut, bai go Bhooz aagidi ïmo ñoki go kïkïrhi aatabuadami ami ïxikamiana daidi potïtïdai, -Dagitobïrai go Rut sai buiya ïgai mumuradï surhigiadï asta go bupurakami sagida- itïtïdai.

¹⁶ -Dai ipïrhidi aanï sai baikumana aapimï jaa asta go bupurakamiaiñdïrï dai abïr dïbïraiana surhiga sai buyiña go Rut gobai. Dai maiti abïrï bhagaidada bukai ïgai ïpï- itïtïdai.

¹⁷ Pogïdui tudu, ïmo tasai aatadui go Rut ami dai urunoko kïrhiba ïgai go cebada dai kïïgai suda ïmo asarai, parï ïmo kobai dan goka litro aïkami.

¹⁸ Dai kusu jii ïgai kaiyamu dai ami tïgi ïgai (cebada/yobaradï) tumudï. Dai maa go biidadï go aki ix makïdï bhaibitu ïpï.

¹⁹ -Pako ïmpagi aapi mos ïï gïpi cebada?- itïtïdai Noemi. -Borai ïxikamigadïana aatadui aapi xibi. Diuxi maakana gïpi bhai ïrhiarai abhana go tuidakami go ïxikami mos ïï kïïga gï makakai ïgai soiñi - itïtïdai. -Aatadui aanï ïxikamigadïrï ïmo kïïrhi Bhooz tïgidukami- itïtïdai go Rot.

²⁰ Daidi go Noemi potïtïdai, -Diuxi gïr Nukadakami ka ïki abhiadïrï soikïiña go ïïki oidakami dai xibi kia gïr soikiki ïgai. Sai maakana Diuxi naanamaaxi bhai ïrhiragai go Bhooz tudu. Daiñi, gïr aaduñi ïgai miadïrï, dai bia ïgai sïïrhikami ix gïr soikïdagi bipiudukatai aatïmï- itïtïdai.

²¹ Dai go Rut potïtïdai go Noemi ïpï sai, -Gin aagidi ïgai ïpï ansai miadïrï aatabuada pipioñigadï asta xudu bïïxi nato yoba ïgai yobaradï- itïtïdai.

²² -A gia kïïgadu gobai ix oijada aapi pipioñigadï go Bhooz- itïtïdai Noemi. -Ïma daukai soi gï buidada antaada jaa no xibhïkai ïxikamigadïrï ïmai- itïtïdai.

²³ Dai podui go Rut ix duukai aagai go Noemi. Miadïrï oidi ïgai go pipioñigadï Bhooz dai ami aatadui ïgai asta xudu ugidagai go yobaragai cebada dai go tïrhigi ïpï. Dai anaxi bii oidatu kidïrï tumudï.