Josue 1 - Northern Tepehuan Bible

Idi ojai aagai go kïïrhi Josue tïgidukami dai aagai ix dukatai Gïr Nukadakami bhaitï kïakamiïrï dáí go Josue

¹ Kaxi mutadai go Moises ix makïdï ïr otosadïkatadai Gïr Nukadakami dai Gïr Nukadakami aataga ïmadï go Josue. Go Josue ïr maradï ïmo kïïrhi Nun tïgidukami dai soikïiña ïgai Moises. Bhodïrï mukukai Moises sai Gïr Nukadakami aataga ïmadï Josue daidi itïtïdai,

² —Ka mai tipu go Moises ix makïdï ïr gin otosaga. Xibi aapi gï agadamu xi go gïï aki Jordan basadïrï baidakagi go Israelitas bai bapakia ïgai Kanaanïrï. Gïn maakia iñagai aanï go Kanaan sai ami óídakagi aapimï— itïtïdai Gïr Nukadakami. Gïr Nukadakami ka aagiditadai go Moises mai kia mukukai ïgai sai go Israelitas bui surhigïna go Kanaanïrï óídakami dai sai popoidana dïdïbïradï tudu.