Jonas 2 - Northern Tepehuan Bible

¹ Bhodïrï Jonas aataga ïmadï Diuxi Gïr Nukadakami batopa ïraana dakatai.

² Daidi ikaiti, -Gïgïrï ño aanï kabami soi gin ïrhiditai dai gadai aanï Diuxi Gïr Nukadakami. Dai kïïga gin kaï ïgai. Ka koidadï saagida duu dakatadai aanï tudu aidïxi gï dai aanï. Dai kaï aapi gin ñoki.

³ Adukai gï aagidi aanï, Kaxi gin daitu aapi kïïga tukabakami sudagiïrï. Go gïï sudagi ïrana. Dupi aani go gïï sudagi ïrana. Kabami xixorhitu aapi go sudagi dai omaltu gobai. Dai gin daama daibusai gobai dai gin iña.

⁴ Daidi ikaiti aanï aidï sai, Kaxi gin aadaji aapi Diuxi abhiadïrï xako daja aapi Sai ka maiti gin nïijada aapi. Dïï bïïxkïrï tomaxdukai gï daañimu aanï nïiditai gï kiupaigamakoga. kiiga buanixi gi kiupaiga tudu mai biakatai toma liich soimaaxkami abhana. *******

⁵ Gin daama daibusai go sudagi gin popoida agaitai gin ibhïdaga Kaxi dupitadai aanï go gïï sudagiïrï tudu. Dai kaxi gin moana giatadai go sudagiïrï basoi

⁶ ami go gïï sudagi uta, go gïgïrï tutubidaki soniri. **** Kaxi tïbaitadai aanï xako bipiïyi koidadï dai ka kupikatadai kuparadï bïïxkïrï bïïtarï. Dïï gia bïïxkïrï aapi Diuxi gin Tïanïdamiga, aapi gin busaitu abhiadïrï go yaasakaruañdïrï.

⁷ Ka ugitimitadai gin gubukarhiga Dai tïgito aanï gin Tïanïdamiga Dai mïï gï buitapi ayi gin daañigai Amïï gï kiupaigana tudu.

⁸ Go uubixi maiti ïr soiñi dai go oidakami ixmaakïdï buaboitudai gobai ka gajiadïrï bipiayi ixdukatai mai ugutai gïn oigïdïdada Diuxi

⁹ Dïï gia aanï gia gï daaxdamu daaxdaragai aapi Diuxi bhai gin ïrhiditai aapikïdï- itii go Jonas.****

¹⁰ Dai Gïr Nukadakami bioxitu go batopa tai go batopa biipioka dai dïbïrai gakikïrï bia go Jonas ïpamu.