Genesis 35 - Northern Tepehuan Bible

Tami aagai go bhaibuxtama dan goka maamaradï go Jakobo

²³ Dai go oki Lea tïgidukïdï abhana maamara ïgai naadami. Ïmoko Rubén tïgidukana, ïgai ïr gaxïgi, dai ïmai Simeón dai ïmai Lebi dai ïmai Juda dai ïmai Isakar dai ïmai Sebulón.

²⁴ Dai gokadu ix makïdï Rakel ïmadï biatadai ïgai. Ïmoko Jose tïgidu dai go gïmai Benjamin.

²⁵ Dai ix makïdï Bhilja ïmadï bia ïgai gokadukana ïpï. Dajatadai go Dan ïmadï Neftalí. Go Bhilja ïr kuxñirugadï Rakel.

²⁶ Dai ix makïdï Silpa ïmadï bia ïgai gokadukana ïpï. Dajatadai go Gad ïmadï Aser. Go Silpa ïr kuxñirugadï Lea. Kakidu maamaradï go Jakobo tudu ix makïdï Padan-Aaramïrï maamara ïgai.