Genesis 27 - Northern Tepehuan Bible

⁴¹ Dai aidï abhiadïrï go Esau mos kïïdai go Jakobo bhai ïrhiaradïkïdï ix makïdï maatadai ogadï. Bhodïrï poïrhi Esau, —Ka chïki tasai bitugai xi ugitiagi gin oga. Mos aagadamu ix xadutuada aatïmï gin oga kia chïki tasai dai gokiïrï gïbiñamu aanï gin sukurhi— gï ïrhidi.

⁴² Dai Rebeka máí ix dukatai iduña ïrhiditadai Esau dai báí ïgai Jakobo dai itïtïdai, —Daiñi, gï xïgi pokaiti sai gï sïïrhiñan duña ïrhidi dai gï gïbiña agai.

⁴³ Daiñi gin maara. Mïradañi gamo kiidïrï gin xïgi Laban gamo xako Aranamu tïgidu oidigi tudu.

⁴⁴ Ami gï urhiña aapi kia saidi maigo imïna bhamudadï gï xïgi— itïtïdai.