Exodo 40 - Northern Tepehuan Bible

¹⁷ Kaxi pogïdui goka umigi abhiadïrï xi bubuaka go Israelitas Ejiptuañdïrï daidi mos baakïkai go utudui umigi aidï Moises kïi go ikuxi baaki.

³⁴ Dai ami daiba go kubhuxi ix makïdï imïiña go Israelitas bhaitïki dai iña go ikuxi baaki xako didibai Gïr Nukadakami dai ïrana mos kabami kudidikana Diuxi kudaigadï.

³⁵ Ami ikuxi baakiïrï xako didibai Gïr Nukadakami ka mos koboka kïïka go kubhuxi dai ïrana kabami kudidikatadai Gïr Nukadakami kudaigadï. Kaxkïdï go Moises maiti ixtutuidikïi ix dukatai baakiagi.

³⁶ Abhiadïrï bhaitiakoga go kubhuxikïdï maatïkana go Israelitas xudu oijadagi gïn imidagai. Xudu tïkabi bapañigïda go kubhuxi ikuxi baaki damaiñdïrï kaxi kukuspïiña ïgai buxtuidadï baidi oidiña go boi.

³⁷ Dïï xi mai bañigiagi go kubhuxi aidï gia mos bhobai baaxi bipiïyiña go Israelitas xako gïn urhiñdakagi ïgai. Mos ami nïnïrakaiña ïgai xi bañigiagi go kubhuxi.

³⁸ Podukai tasïrï dakana Diuxi otosadï kubhuxi go ikuxi baaki dama dai tukarï ïmo táí dakana ami. Bïïxi tasai nïidiña go Israelitas gobai tomaxi xako iimiagi ïgai mai kia aïkai ïgai xako ukami ayi agai ïgai.