1Kr 22 - Northern Tepehuan Bible

⁵ Dai Dabid pobï ïrhi, —Gïr Nukadakami baakidï gï agai xi kïï gïïdukagi dai kïï tiodikagi bai bïïxi oidigi dama oidakami kajiomakana. Ka arhiïxi ïr gïdukami ka agai go aaduindagai— gï ïrhidi Dabid. —Kia arhidu gin maara Solomon. Gï aagai ix ïkiaxdïrï bhai duñagi aanï bïïxi ixtuma tïgito agai gobai bañidaragai bïïtarï go baaki dukami uxi dai ojodai maaxi— gï ïrhidi ïgai. Kaxkïdï Dabid ïkiaxdïrï bhai dui naana maaxi Gïr Nukadakami baakidï bïïtarï.

⁶ Dai bhodïrï báí ïgai go Solomon dai gatïjai duñaragai baakidï Diuxi Gïr Nukadakami ix makïdï aatïmï Israelitas buaboitudai.