2 तीमुथीयुस 3 - खेरलो वचन नोवालो नियम

सेवले दिह

¹ पुण सेवल्या कालाम केठीण दिह आवती ज्यो तु सोमजी ले।

² काहाकाय माणहे कोपटी, लोबी, मोठलाय केरनारे, मोठाय, चिहटा केरनारे, आईख आबाख ने मान नाह मेलनारे, उपकाराह एर नाह केरनारे, एठा,

³ गीण नाह केरनारे, माफ नाह केरनारे, चुगली केरनारे, सोता पोर काबु नाह केरनारे, विरोदी, हाजालान दुसमोन,

⁴ बुरहो तोड़नारे, पिटारा, मोठाय माय फुलनारे, एने बोगवानाह मोंग केरनारे नाह पुण मोज मोचती होदणारे रेती।

⁵ ता बोक्‍तीन वेह ते देरती, पुण तान सेक्तीह नाय मानती; ओहला माणहा हेऱ्या रेन सेटा रिज्यो।

⁶ ताम रेन कोलाक ओहला माणहे हेते जा गेरा माय मोनेस रिग जातेह, एने पापान दोसाम दाबायील, एने आलेग आलेग बातीन लोब लालुस माय फोस रेन्युह, ता ओहल्यु कोमजोर बायकुह ताबाम केरतेह,

⁷ ज्‍यु कायेम हिकते ते रेत्युह, पुण खेरायीन ओलखात वोर नाह पोचत्यु।

⁸ जिहकेरीन यन्नेस एने यम्ब्रेस न्या मुसान विरोद किरेल एता, तिहेस केरीन ज्या बी खेरायीन विरोद केरतेह; ता ओहला माणहे हेते, जान बुद्दी बिगेड़ गियीह, एने ता बोरहान बाराम आरवाय जातेह।

⁹ पुण ता ज्याह रेन ओंगाण नाह वोड़ सेकते, काहाकाय आखा माणहे तान फोगवायीह देखती काय ता कोलाक फोगा हेते। तिहेस केरीन जीहे यन्नेस एने यम्ब्रेसा हिऱ्यो एनो।

संकटाम रेन वोचणो

¹⁰ पुण तु मार हिकवोण, चाल चलन, मोरजी, बुरहो, वेठणेन, मोंग, दिर, एने सताव एणेम एने दुख उखेलनेन टेम माय मार सात दिनो।

¹¹ एने माहु पोर जो दुख अन्‍ताकिया माय इकुनियुम माय एने लुस्रा माय पुड़ेल एतो, एने जो काय मी सेहेन किरेल तो तु जाणेह, पुण मालीक माहु ताम रेन सोड़ीव लियेल।

¹² पुण जोला बी माणहे मसी यीशु हेऱ्या बोक्ती माय जीवणे होद्तेह, ता आखा वेला केरावाय जाती।

¹³ पुण खाराब एने बोटकावणारे माणहे दिहराह ठेगती, एने खुद बी ठेगायेन खाराब कामा माय होवटाह बिगेड़ते जाती।

¹⁴ पुण ज्यी खेरल्यु वातुह तु हिकेल एने बुरहो किरेल हे, एने जान बाराम तुवाह जाणीव एय जायेल हे, त्युह तु देर रे।

¹⁵ एने तु आत्योच रेन चोखाली पुस्तेक माय जो लिखेल हे तो जाणेह, जो तुवाह इकेल आपेह काय तु यीशु मसीन बोरहान द्‍वारे सुटकारो वोर पोची।

¹⁶ आखी चोखाली पुस्तेक बोगवानान योजनान द्‍वारे बोणाय गियीह, एने हिकाड़नेन, एने सोमजाड़ ने, एने हुदारने, एने देरमान हिकवोणान केरता फायदावाली हे,

¹⁷ ज्यानकेरता काय बोगवानान बक्त पुरो एन आखा हाजा कामान केरता तियार एय जाय।