2 कुरिंथीयो 13 - खेरलो वचन नोवालो नियमसेवली चेतावणी एने नमस्कार 1 एवी मी तिसरी वार तुमू फाय आवथु; एने एकेक मुकदमो दुय नाहते तीन माणहान पुरावान द्वारे ठेराय जाय। 2 जिहकेरीन मी दुसरी वार तुमरी हिऱ्यो ईतो, तिहेस केरीन एवी सिटो रिते लेन ता माणहे जा पेल पाप किरेल, एने दिहरा आखा माणहाह एवी केय देथु काय केदी मी पुशो आवुह ते नाय सोडु। 3 काहाकाय तुमू ते तान पुरावो होद्तेह काय मसी मार माय बुलेह, जो तुमरी केरता कोमजोर नाह पुण तुमरे माय ताकेतवालो हे। 4 मसी कोमजोरान केरता खुरूसखाम पोर चेड़ावाय ते जायेल, तीबी बोगवानान सेक्ती से जीवतालो हे। आमु बी मसी माय कमजोर हेते, पुण आमु बोगवानान सेक्ती से जीवताला हेते, तुमरी सेवा केरनेन केरता। 5 आपणे आपाह पारखो काय बोरहा माय हेते काय नाह? एने आपणे आपाह जाचो। काय तुमू तुमरा बाराम ज्य नाह जाणते काय यीशु मसी तुमरे माय हे? नाहते तुमू जाच माय ठेगऱ्या निकेलनाह। 6 पुण मारी आसा हे काय तुमू जाण लिहो काय आमु ठेगऱ्या नाह। 7 आमु आमरा बोगवानाह ज्यी विन्ता केरतेह काय तुमू कायच बुराय नाय केरी, ज्यानकेरता नाह काय आमु खेरला देखाय, ज्यानकेरता काय तुमू हाजो केरनार बोणी, चाहे आमु ठेगऱ्या ठेराहु। 8 काहाकाय आमु खेरायीन विरोद माय कायच नाह केर सेकते, पुण खेरलाच ने केरता केर सेकतेह। 9 जेवी आमु कोमजोर एतेह तुमू ताकेतवाला एतेह ते आमु खुस एतेह, एने ज्यी विन्ता बी केरतेह काय तुमू एकेक वाती माय पुरा बोणी। 10 ज्यीच कारेण मी सिटो रेन बी तुमूह जी सोब वातु पेलुच रेन लेखणे बाजरिनोह, जेवी मी तुमू फाय आवुह; तेवी मालीक आपेल आदिकार ने वापेर कठोर बाव माय नाय केरने पोड़ी। 11 एवी सेवली बुखेत एय बाय बोणहा, खुस रिवो; तुमरो सोबाव साप मिलो; एका दिहराह उत्साहित किरते रिवो; एकुच मोन मिलो; ईलीमिलीन रिवो। मोंग एने सान्ती आपणार बोगवान तुमरी हिऱ्यो रेय। 12 बोगवानान चोखाला मोंग माय एका दिहराह नमस्कार किरो। एने आखा बोगवानान माणहे तुमूह नमस्कार केतेह। 13 तुमू पोर मालीक यीशु मसीन गीण, बोगवानान मोंग, एने चोखाला जीवान सेंगेत तुमू हेऱ्यी रेय। 14 मालीक यीशुन गीण एने बोगवानान मोंग एने चोखाला जीवान मेल मिलाप आपु आखा हेऱ्यो ईती रेय। |
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020