1 थिस्सलुनिक्यो 3 - खेरलो वचन नोवालो नियमतीमुथीयुसाह मोकेलनु 1 तान केरता आमुह उंजु नाह रेवानो, ते आमु ज्यो ठेराया काय एथेंस हेयरा माय मी एखालोच रेय जाव। 2 एने आमु तीमुथीयुसाह, जो मसीन हाजाली खुबेर माय आमरो बाहख एने बोगवानान सेवक हे, ज्यानकेरता मुकलेल काय तुमूह मोजबुत केरी एने तुमरा बोरहान बाराम सोमजाड़ी। 3 काय तुमू माय रेन कुण बी ज्या तेकलीत ने कारीन गाबराय नाय, काहाकाय तुमू सोता जाणतेह काय ज्यी तेकलीत बोगवानान मोरजीन ईसो हे। 4 काहाकाय आमु तुमरी हेऱ्या एता तेवी तुमूह केय मीलेल एता, काय आपुह तेकलीत उखेलने पोड़न्यो हे, एने ताच ने गेत ईयेल हे, ज्यो तुमूह मालुम हे। 5 ज्यानकेरता माहु उंजु नाह रेवानो, पुण तुमरा बोरहान हाल चाल फुसणेन केरता ताह मुकलेल, काय सैतान तुमरी पारेख किरेल एय, एने आमरी मेहनेत वाये एय जाय। तीमुथीयुसान द्वारे खुबेर जुड़ने 6 पुण एवी तीमुथीयुस, जो तुमरी फाय रेन आमरी न्या आवुह, तुमरा बोरहान एने मोंग ने खुबेर होमलायो एने ज्यो बी केय होमलायो काय तुमू जेलेम मोंग हेऱ्या आमुह इर केरतेह, एने आमुह देखणेन आसा मेलतेह, जिहकेरीन आमु तुमूह देखणेन आसा केरतेह। 7 ज्यानकेरता एय बाय बोणहा, आमु तुमरा आखा दुख माय एने तेकलीत माय तुमरा बोरहा पोर रेन आमुह उत्साह जुड़नो। 8 काहाकाय एवी केदी तुमू मालीक माय मोजबुत रेतेह, ते आमरा जीवाम जीव आवी। 9 एने जो खुसी आमुह तुमरे वोजेसे तान ओंगाण जुड़ेल हे, आमु बोगवानान दन्यवाद केरतेह। 10 आमु रात ने दिह जुलूम विन्ता केरती रेतेह काय तुमरो मुय देखी, एने तुमरा बोरहान कोमीह पुरी केरी। 11 बोगवान आपणो आबोख खुद, एने मालीक यीशु, आमुह तुमरी फाय आवणेन केरता वाट मोकलो केरी; 12 एने मालीक मालीक माय आमरो मोंग तुमू पोर हे, तिहेस केरीन तुमरो मोंग एक दिहरा माय एने आखा माणहाम वोड़ी, एने वोड़ती जाय। 13 एने तो आपणा मोनाह तियार केरी। ज्यानकेरता काय जेवी आपणो मालीक यीशु तान आखा चोखाला माणहा हिऱ्यो आवी, तेवी बोगवान आबाख ने ओंगाण चोखाला एने निर्दोस ठेराणे जुवे तान केरता मोजबुत केरी। |
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020