Yuda 1 - Nouveau Testament en Ngombe 1961

¹ Mbi Yuda, mobuli oYesu Masiya, na mwanange ’Yakobo, ai baya babeama, baya basɔ ngɛnjɔ eNjambe na baya babaneamaka a mojɔ moYesu Masiya.

² Yɛ monganji na bowi na ngɛnjɔ jinɛngɛe ai no.

³ Baninga, adaki mbi na mokano bo nasɔnee no mokanda a mojɔ mobohela hosu na nu, najimi bo nasɔnee no, oko na bonga ai no, a bona na bopipo a mojɔ moejimeli yena epama ai basɛnɔke ehole emɔci pɛ.

⁴ Cina bo bakina bato bakwei a tei enu na poloso, bato babe baya bahekojaka monganji moNjambe a bosambolu, na banga-naka Moswa na Kumu osu omɔci, Yesu Masiya. Mokindo mobato bamina mokoleama ehele.

⁵ Napalaka bolɛjɛ no, nongo ajebaka no ngando ji jisusu, bo Kumu yona oheleja bato a Ejipeto, aweja ngɔngɔ bato baya baijima.

⁶ Na babwɛnji-baDiko koko, baya baidika a bokumu bobu na bakina esika ebu, yo abadeja a minyɔlɔ mimodidi mua modi na bosusu, a bo’mba Esambi ebusa bua bonɛnɛ.

⁷ Sɔdɔmɔ na Gomola koko, na ngando jitongo jia jidaka a esika emina; mojɔ bo ekɔmɛli ebu edaka oko bɔɔli, na ngando jibosambolu pɛ. Mokindo mobu modi oko mosa mua motadimoa a mojɔ moembete ai so.

⁸ Bato bamina badi koko na ekɔmɛli emina. Babejaka mikuku Mibu na posa jibu. Basɛtojaka kpaci, na baloleaka bato baekumu eDiko.

⁹ Nongo Mikaele, mosuku obabwɛnji-baDiko, yana aswiana yo na Satana a mojɔ momokuku moMose, aipala bomotɔkɔlɔ; abala oko bo, yɛ Njambe alemoe na wɛ.

¹⁰ Bato bamina ko baloleaka ngando jidi bo pɛ bocingea. Ejebeli ebu edi oko ejebeli etito, na basabejaka na ejebeli emina.

¹¹ Boditigoa ai bato bamina! Mojɔ bo badalaka a njea edala Kaina. Bakoanaka na libunga liBalama oko na posa elikonja, na bagwaka a mojɔ molipanga o agwa Kole.

¹² Bato bamina badi mabaku a kola jinu. Bapehti nongo sɔni a mojɔ moma-tanga mabu. Posa jibu jidi oko ai bo bɛnɛ pɛ. Badi biyembi ngasa pɛ madiba, bia bipɛpɛnɛkɛ na pwea; badi o mele mikakanake miyanga mia midi mitete, Mibikoamake, mia migwi bihole bibae.

¹³ Bamejaka mapuli mabosambolu bobu o ekɔmɛli emula monɛnɛ momadiba-mamukwa. Badi o njɔtɔ balaboake, baya bahɛngɛmɛ a mojɔ momo-didi tuu oko na bosusu.

¹⁴ Anoka, yona odaka a elulu esambo ngɔngɔ jiAdama, apa koko eseko a mojɔ mobato bamina; abala bo, Anjani, Kumu akɛkɛ adoe na mandundu mabasɛnɔke bande

¹⁵ Bo asambejae bato basusu, Na bo adumbe bato basusu babe, A mojɔ mongando jisusu jibe jikɔ bo, Na bibaeli bisusu bibe bibala bato babe a mojɔ monde.

¹⁶ Bato bamina badi bato babomɛmɛlɛ na bamanungunungu, baya basumaka oko posa jibu bɛnɛ; bibaeli bibu bidi bibaeli biegbo, na basakoaka bato oko na njingo ebosɔ eka.

¹⁷ Ino ko baninga, toma salɛjɛni bibaeli bibala babwɛnji baKumu osu Yesu Masiya eyou.

¹⁸ Babala na nu bo bato babiloli badi bodoa a masu masuka, baya badi bosuma oko posa jibu bɛnɛ pɛ.

¹⁹ Bato bamina bapengolaka batongo, badi bato babosambolu baya bapeliti Mwembo.

²⁰ Ino ko baninga, kinani eyoeli enu edae a diko diejimeli enu esɛnɔke. Ingakani a tei eMwembo Mosɛnɔke.

²¹ Sabaneani a ngɛnjɔ eNjambe, ena ko ombakani monganji moKumu osu Yesu Masiya oko a bomɔ bua bodi na bosusu.

²² Dani na wa ai bato baya badi na mokakwano.

²³ Helejani batongo, bagbulani a mosa. A mojɔ mobatongo, kinani wa enu ai bo edae na bɔ, na gbeseani bisenja bibu bia bibehi na munu.

²⁴ Iyo adi na ngulu a bobanea no bo otakwani, na a bomeja no, pɛpɛ nongo litɔnɔ, a boso boekumu ende na sepi;

²⁵ ekumu na bosakoa na bokumu na kpaci ai yo yona odi Njambe omɔci pɛ, Moheleja osu a mojɔ moYesu Masiya Kumu osu, oko ehole eipeta banga, na e dɛye, oko na bosusu. Amen.