Yoane 15 - Nouveau Testament en Ngombe 1961

Bomwe Bosoti

¹ Mbi nadi bomwe bosoti, na Sangwa’mbi adi mobanei ogbie.

² Iyo atɛndɔkɔ bitape bimbi bisusu bia bidi pɛ bobota mbuma. Na alenaka suka jibitape bisusu bia bibotaka, bo libota lihɛe.

³ Ino odini na bosɛnɔ edɛye a mojɔ moekenge ebali mbi na nu.

⁴ Yeyoani a tei embi, na mbi nâyeyoa a tei enu. Etape, oko etape ngasa, editi nongo na libota. Emiti da a tei ebomwe, etabota nongo mbuma; ino koko boa, omiti yeyoani a tei embi, ôtabotani nongo mbuma.

⁵ Mbi nadi bomwe, ino odini bitape. Yona oyeyoaka a tei embi, na mbi a tei ende, abotaka mbuma jinɛnɛ. Mojɔ bo okabɔtɔnɔni na mbi, otahɔnɔkɔni bokɔ nongo eka.

⁶ Moto amiti yeyoa a tei embi, âdumbama o ekɔmɛli eetape, na âhɔlɔngɔnɔ. Bandoaka bitape bimina, babidumbaka a mosa na bingoaka.

⁷ Okayeyoani a tei embi, na bikenge bimbi bikayeyoa a tei enu, obwanini bonga mojɔ mopalaka no, na ôsɔni.

⁸ Okabotani mbuma jinɛnɛ a boneja bo odini bacingami bambi, Sangwa’mbi adi bosɔ ekumu na mojɔ momina.

⁹ Sango adi na mbi ngɛnjɔ. Mbi nadi na nu ngɛnjɔ koko boa. Yeyoani a tei engɛnjɔ embi.

¹⁰ Okasumani mibeko mimbi, ôyeyoani a tei engɛnjɔ embi, o asumaka mbi mibeko miSangwa’mbi, na o ayeyoaka mbi a tei engɛnjɔ ende.

¹¹ Mbi nabali na nu mijɔ mimi, bo sepi embi edae a tei enu, na bo olumeni na sepi botɔ.

¹² Mobeko mombi modi oko mu; Toma palanani o apalaka mbi no.

¹³ Ngɛnjɔ yena enɔi edi oko ye, bo moto apɛ mohelo monde a mojɔ mobina’nde.

¹⁴ Ino odini bma’mbi okakɔni ngando jibekeaka mbi no.

¹⁵ Te nayake bala na nu o bakɔmɛli, mojɔ bo mokɔmɛli t’ajebake mua mokɔkɔ moswa’nde. Mbi ko nabali na nu o bma’mbi, mojɔ bo najebejai no ngando jisusu jikaki mbi na Sangwa’mbi.

¹⁶ Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no.

¹⁷ Mojɔ mobekeaka mbi no modi oko bo opalaneni.

¹⁸ Ngondo ekada na nu soki, ojebakani bo edaka na mbi soki boso.

¹⁹ Akɔki no da bato bangondo, ka ngondo epali no. Ngondo ko edi na nu soki, mojɔ bo oditini bato bangondo, na mojɔ bo mbi nahɔ no a bobɔtɔnɔ na ngondo.

²⁰ T’obosaeni oko ekenge ebali mbi na nu bo, Mokɔmɛli t’anɔke moswa’nde. Anɔngejai bo mbi, bânɔngeja no pongono. Akɔki bo suma bokoja bombi, ka bâsuma bokoja bonu pongono.

²¹ Ibo ko bâkɔ ngando ji jisusu ai no a mojɔ mokombe embi, ema bo batajebaka yona olomani.

²² Eipeta da bo mbi nadoi a bobala na bu, ka baditi na lindo. Edɛye ko bapeliti nongo mokalo a mojɔ mobobe bobu.

²³ Iyona odi na mbi soki, adi na Sangwa’mbi soki pongono.

²⁴ Pɛpɛ nongo okina otongo okɔ bilomu bikɔkɔ mbi a tei ebu. Eipeta da boa, ka baditi na lindo. Edɛye ko bani mbi, na badi na mbi soki, na badi na Sangwa’mbi soki pongono.

²⁵ Oko boa ekenge yena esɔnɔmɔ a Mibeko mibu engami bo, Badaka na mbi soki ngasa, pɛpɛ cina.

²⁶ Mbi ko nâ lomea no Mokɔmeja, oko Mwembo mosoti mua momanaka ai Sango. Mokɔmeja omina adonga ai Sango, na akadoa, yo ada motati ombi.

²⁷ Ino ôdani batati pongono, mojɔ bo odakani na mbi oko a bobanga.