Matayo 1 - Nouveau Testament en Ngombe 1961

Batata baYesu Masiya

¹ Mokanda mobatata baYesu Masiya, mwana oDawidi, mwana oAbalayama.

² Abalayama abota Isaka. Isaka abota Yakobo. Yakobo abota Yuda na bananango.

³ Yuda abota na Tamala; abota Pɛlɛsɛ na Jala. Pɛlɛsɛ abota Eseloma. Eseloma abota Alama.

⁴ Alama abota Aminadaba. Aminadaba abota Nasona.

⁵ Nasona abota Salamo. Salamo abotana Laba; abota Boasa, Boasa abota na Luta; abota Obede. Obede abota Yisai.

⁶ Yisai abota Dawidi, kumu.

⁷ Dawidi abota na mwali oUlia; abota Sɔlɔmɔ. Sɔlɔmɔ abota Leoboama. Leoboama abota Abia. Abia abota Asa.

⁸ Asa abota Yosapata. Yosapata abota Yolama. Yolama abota Osia.

⁹ Osia abota Yotama. Yotama abota Aka. Aka abota Hesekia,

¹⁰ Hesekia abota Manase. Manase abota Amona. Amona abota Josia.

¹¹ Josia abota Yekonia na bananango a ehole ekɛ bo masungu a Babilo.

¹² Ama bo kɛ masungu a Babilo, Yekonia ami bota oko Salatiele. Salatiele abota Selubabela.

¹³ Selubabela abota Abiuda. Abiuda abota Eliakima. Eliakima abota Asola.

¹⁴ Asola abota Sadoka. Sadoka abota Akimi. Akimi abota Eliuda.

¹⁵ Eliuda abota Matana. Matana abota Yakobo.

¹⁶ Yakobo abota Yosepa muma ’Malia, na Yesu yona odi na kombe Masiya abotama na nde.

¹⁷ Oko boa, bilulu bisusu a sibano eAbalayama na Dawidi bidi bilulu domi-na-binɛi. Bilulu bisusu a sibano eDawidi na ehole ekɛ bo masungu a Babilo, bidi bilulu domi-na-binɛi. Na bilulu bisusu a sibano eehole eke bo masungu a Babilo, oko ai Masiya, bidi bilulu domi-na-binɛi.

Bobotama boYesu Masiya

¹⁸ Bobotama boYesu Masiya boda a njea ye. Yesu apanda Malia nange eYesu, lyo ko aboloa na demi dimolwaja Mwembo Mosenɔke, oko bapetakini da momi na mwali.

¹⁹ Yosepa, muma’nde, adaka moto oyongi, na aipala bo amokejae sɔni a miso mabato. Akana bo asiejae mojɔ monde na bowi.

²⁰ Yana alɛkɛ yo boa, obwɛnji oKumu adoa ai yo a njɔti, na abala bo, Wɛ Yosepa mwana ’Dawidi, pɛ bobanga bosɔ mwali owɛ Malia, mojɔ bo demi dilwai yo lidi mojɔ moMwembo Mosɛnɔke.

²¹ Iyo adi bobota mwana-momi, na odi bomobakea kombe Yesu, mojɔ bo âheleja bato bande a jibe jibu.

²² Mojɔ mu mosusu modaka boa a bongameja ekenge ema bala Kumu na motɔndɔi bo,

²³ Ikani; moseka yona ojebeanakini na momi âlwa demi. Âbota mwana-momi, na bâmobakea kombe Imanuele. Cina ekombe emina edi—Njambe adi na su.

²⁴ Yana asisoa Yosepa, akɔ o ama bala obwɛnji na nde. Asɔ mwali onde bo adae na nde.

²⁵ Iyo ko aijebeana na nde oko adaka yo pɛ bopeta bota mwana’nde, na amobakea kombe Yesu.