Malako 6 - Nouveau Testament en Ngombe 1961

Yesu a Nasaleta

¹ Yesu adonga a esika emina. Akɛ a likota linde mɛnɛ, na bacingami bande bamosusa oho.

² Yana ahoa busa a busa boSabata, abanga bokoja a sinagoge. Bato banɛnɛ baya bamoka bakamoa. Bajɔ bo, Iyo moto asi ngando jimina jɔ? Gina ebowɛi bu edi bo? Bimbete bibokamoa bikɔkɔ yo, cina nda?

³ Iyo, te sapante, mwana oMalia? Bananango, te baYakobo, na Yose, na Yuda, na Simona? Na ngɛnɛ jinde baditi na su ya? Oko boa, yo adaka o libaku a njea ebu.

⁴ Yesu abala na bu bo, Batabeteaka motɔndɔi oko a ngando ende mɛnɛ, a tei ebato bande mɛnɛ, na denga dinde mɛnɛ.

⁵ Aihɔnɔ bokɔ ekina embete enɛnɛ a esika emina. Abakea oko mɔmɔ mande ai bakina bato babego pɛ, na abaheleja.

⁶ Na akamoa bou a mojɔ mokitɛ ebu. Yesu akɛ akadale a ngando na ngando a bokoja.

Yesu Aloma Babwɛnji Domi-na-Babae

⁷ Abolea bacingami domi-na-babae, na abanga bobaloma babae-babae. Abapa kpaci a bomeja miembo mibe.

⁸ Abaleha bo batatomba eka a mojɔ momɔngɔ mobu, oko pango pɛ; pɛpɛ molɛmbɛ, pɛpɛ litongi, pɛ nongo likonja a kamba jibu.

⁹ Abaleha bo balwae sapata, pɛ ko botomba kasaka jibae.

¹⁰ Abala koko na bu bo, Okakweani a ndako a ekina ngando, dani a ndako emina oko a ehole enu ebongɔ ena.

¹¹ Batniti sɔ no bopele, na bamiti hokea no a esika emina, toma hakoani kpɔtɔ jia jicingi na bilɔota binu, yana adongaka no, o embete ai bo.

¹² Oko boa, baltɛ na baleha bato bo bahekojae milema mibu.

¹³ Bameja miembo mibe minɛnɛ; basuoa koko bato babego banɛnɛ munɛ na babaheleja.

Bogwa boYoane Mobatisi

¹⁴ Kumu Elode aka mojɔ moYesu, cina bo gala ende ekɛ bohali. Bakina babala bo, Yoane Mobatisi ahuli a hogwa. Edi oko a mojɔ momina bo adi na ngulu emina a tei ende a bokɔ ngando jimina.

¹⁵ Bakina batongo babala bo, Iyo adi Elia. Bakina koko babala bo, Adi motɔndɔi o adalta batɔndɔi baehelehele.

¹⁶ Elode ko, yana aka yo mojɔ momina, abala bo, Adi oko Yoane. Mbi namotɛndɔ molo; yo ko ahuli a hogwa.

¹⁷ Mojɔ bo Elode ama loma bato a bopea Yoane, na amosa ta blɔkɔ a mojɔ moElodia, mwali omwananango. Elode asɔ mwali omina,

¹⁸ na Yoane abala na Elode bo, Ebɔngiti bo osɛ mwali omwangwao.

¹⁹ A mojɔ momina, Elodia adaka na kɛlɛ enɛnɛ ai Yoane, na apalaka bo amowoe.

²⁰ Aihɔnɔ ko, mojɔ bo Elode abangaka Yoane. Ajebaka bo adi moto obodongo, moto mosɛnɔke, na amokakela. Nongo adaka yo na mokakwano a molema yana akaka yo Yoane, amoka na sepi.

²¹ Ekina ndɔndɔ ko, yana asepaka bo a mojɔ mobusa bobobotama boElode, abea bakumu na bakapitɛni bande, na basuku baGalile, a libonje linɛnɛ.

²² Mwamwali oElodia akwea, abua ngɔmɔ, na asepeja Elode na bato babea yo. Kumu abala na mwamwali bo, Inga eka emungoaka wɛ ai mbi, nongo napɛ wɛ.

²³ Amobɛlɛ bɛli bo, Nadi bopa wɛ eka engaka wɛ, nongo ekada ekenge ebokumu bombi.

²⁴ Mwamwali akɛ na abala na ngwa’nde bo, Mbi nâga nde? Iyo amosɔmbeja bo, Oko molo moYoane.

²⁵ Mwamwali asɔmbɔ bokpa ebango ai kumu, na amonga bo, Mbi napalaka bo opɛni molo moYoane Mobatisi a saani, edɛye mɛnɛ.

²⁶ Kumu ajasa dosa linɛnɛ. A mojɔ mobɛli ende ko, na bato babea yo, aihɔnɔ bomolona.

²⁷ Oko boa aloma soda omɔci na monɔkɔ bo amolwe molo moYoane. Iyo akɛ, na atɛndɔ molo monde a blɔkɔ.

²⁸ Ahula na molo monde a saani, amopa ai moseka omina, na yo amopa ai ngwa’nde.

²⁹ Yana aka bacingami baYoane mojɔ momina, badoa, batomba njemba ende, na baepusea a esɛmɔ.

Bato Koto Jitano Bayaka

³⁰ Babwɛnji batitana ai Yesu, na bamotɔndɔ ngando jisusu jima bo kɔ, na jima bo koja.

³¹ Iyo abasɔmbeja bo, Doani; yɛni so bokɛe a ekina esika ebowi, a bohema mweka. Mojɔ bo bato banɛnɛ badoaka bonɔnɔ, na baidaka na pokiso, nongo a mojɔ moboyaka.

³² Oko boa batamba a bwato a bokɛ a ekina esika ebowi, oko bo buki pɛ.

³³ Bato banɛnɛ ko babatana bakayane, na babambetea. Bato badonga koko a ngando jinɛnɛ, banɔ mbango a njea engondo, na bamea a esika ekɛkɛ Yesu na bacingami, oko bo bameakini.

³⁴ Oko boa, yana aduboa Yesu, anɛ emumu ebato banɛnɛ. Badaka o bata baya bapeliti mobanei, na yo aba’kea wa. Abanga bobakoja, na abakoja mijɔ minɛnɛ.

³⁵ Yana alɛngɛ busa, bacingami bande badoa ai yo, bajɔ na nde bo, Iso bodi ya a esika. Busa bobengi bodipa.

³⁶ Yaneja bato bamina bo bakɛe a bosomba leka loboyaka a ngando jia jibati na su, na ai bato bagbie.

³⁷ Yesu abasɔmbeja bo, Bapani leka loboyaka no bɛnɛ. Babala na nde bo, Iso bôkɛ a bosomba milɛmbɛ na flanka koto jibae, bo bobapɛ a boyaka?

³⁸ Abahɔjɔ bo, Odini na milɛmbɛ meka? Kɛni anje. Balanga, na bajɔ na nde bo, Mitano, na swi babae.

³⁹ Iyo abatɔndɔ bo badejae bato nase a njienjie, mongbangba-mongbanga.

⁴⁰ Oko boa bato bada na mbondo, mongbanga-mongbanga, bakina mokama-mokama, batongo domi-itano, domi-itano.

⁴¹ Yesu atomba milɛmbɛ mimina mitano na swi babae. Akahoa miso a Diko, ajongoa, abuka milɛmbɛ, na amipa ai bacingami bo batnikabe na bato. Akaba koko swi babae bo basusu basɛ libondo.

⁴² Bato basusu bayaka, na bagola.

⁴³ Bandoa bikenge bimilɛmbɛ na swi bia bidika, sanga domi-na-jibae botɔ.

⁴⁴ Bato baya bayaka badaka bami koto jitano.

Yesu Adala a Diko diMadiba

⁴⁵ Yesu atambeja bacingami bande bokpa a bwato a bosua lɔoso a Betesaida, a dɔngɔ ditongo dihbale, bo ayanejae bato yo mɛnɛ.

⁴⁶ Yana aseana yo na bato, akɛ a mokina mono a mojɔ mobo’nga.

⁴⁷ Yana adipa busa, bwato bodaka a boliko, na Yesu adaka a ngondo yo buki.

⁴⁸ Iyo ko anɛ bo bapukaka na kai boduka, mojɔ bo pwea ebasɔmbejaka oko bosɔmbeja. A ehole emojukakeli, yo akɛ ai bo, akadale a diko dimadiba, na akɔ bo anɔe.

⁴⁹ Ibo ko, yana amonɛ bo akadale a diko dimadiba, balɛ bo adi oko mwembo, na balɛbɛ hulɔ.

⁵⁰ Mojɔ bo, ibo basusu bamonɛ, na babanga, bɔ bonɛnɛ. Iyo ko abala na bu bokpa; ajɔ bo, Titejani milema minu; mbi yoyo; yɛni bobanga!

⁵¹ Atamba yo a bwato a tei ebu, pwea egɔlɔ oko bogɔlɔ, na bakamoa na dilese.

⁵² Mojɔ bo, baipaka cingea mondumba momilɛmbɛ, na badaka oko bingingi pɛ a milema mibu.

⁵³ Ama bo lekela, ba’mi sɛmɛ oko a Genesaleta, na bacingea bwato a mbongu.

⁵⁴ Aduboa bo ko, bato bambetea Yesu bokpa.

⁵⁵ Oko boa, banangana a likota dia lisusu, na yana aka ’bo bo Yesu adi a ekina esika, batomba bato babego a bitambe bibu a esika emina.

⁵⁶ Basambea bato babego a macilinga, na bamongɔɔnɔ bo babɛnjɛe gbomba ekasaka ende na mɔmɔ mabu, bisika bisusu bikɛkɛ yo, a ngando jinɛnɛnɛ na jikɛkɛ, na a bisika bigbie.

⁵⁷ Bato basusu baya bamo-bɛnjɛ boa, bahela a bego bibu.