Malako 4 - Nouveau Testament en Ngombe 1961

Mondɛ Mongua

¹ Abanga koko lɔokoja a mbongu ehbale. Bato batitana ai yo kanga banɛnɛ mɛnɛ. Oko boa yo atamba na ada a bokina bwato a madiba, na bato basusu badaka oko a mbongu.

² Abakoja ngando jinɛnɛ na mindɛ. Yana akojaka yo, abala na bu bo,

³ Hokeani! Okina moto akɛ a bomɛsɛ ngua a gbie.

⁴ Yana amɛsɛkɛ yo, jikia ngua jikwa a dɔngɔ dinjea. Mbulu badoa na bakoma ngua jimina.

⁵ Ngua jitongo jikwa a kpɔtɔ jia jidaka na matai Inanɛnɛ, kpɔtɔ mɛnɛ oko mweka pɛ. Ngua jimina jitɔ lɔokpa, mojɔ bo kpɔtɔ jidaka oko mweka pɛ.

⁶ Akonda ko modika-busa, jiwɔsɔsɔ na jihɔlɔngɔnɔ, cina bo jitaka njeli.

⁷ Jikina ngua jitongo jikwa a tei enjani. Njani jidaka na bohohu, na jidimoja ngua, na jiibota nongo.

⁸ Jikina ngua jitongo jikwa a kpɔtɔ jipele. Ngua jimina jitɔ, jihɛ, na jibota, jikina domi-isato, jitongo domi-isamano, na jitongo koko mokama.

⁹ Yesu abala na bu koko bo, Isa moto adi na matoi manjoki, yɛ ahokee.

¹⁰ Yana adaka Yesu yo buki, bacingami domi-na-babae, na batongo baya badaka na nde, bamohɔjɔ cina emondɛ momina.

¹¹ Iyo abasɔmbeja bo, Mojɔ moBokumu boNjambe mua modaka mobo-mbamake, modi oko bohu ai no. Baya badi sokolu ko basɔkɔ ngando jimina na mindɛ.

¹² Oko boa, yana anjaka bo, banjaka pɛ ko bonɛ. Yana akaka bo na matoi, bakakadea, pɛ ko bocingea, bo basaka hekoa, na iihe iibu iisaka kinama.

¹³ Abala na bu koko bo, Otaci-ngeakani mondɛ momina Ekada boa, odini bocingea mindɛ mitongo na ye?

¹⁴ Iyona omɛsɛkɛ ngua, amɛsɛkɛ oko Ebaeli.

¹⁵ Bakina badi a dɔngɔ disanjea, esika ekwaka ngua. Ibo baka’ka, Satana adoaka bokpa, na acinoaka Ebaeli yena emɛsɛmi a milema mibu.

¹⁶ Bakina batongo basɔko ngua boa a kpɔtɔ jia iidi na matai. Akaka bo Ebaeli, baesɔkɔ bokpa na sepi;

¹⁷ te bayeyoake ko ekoka, mojɔ bo bapeliti nongo njeli a tei ebu. Mokina monɔngɔ mokadoa, isa bokina bodingoa a mojɔ moEbaeli, badi bongwa.

¹⁸ Batongo koko basɔkɔ ngua a tei eniani. Ibo badi oko bato baya bakaka Ebaeli;

¹⁹ Ebaeli ko egboki, na edikaka edada, mojɔ bo minɔngɔ mingondo ye, na bokosea bolikonia, na posa engando jitongo, jikweaka a tei ebu.

²⁰ Bakina batongo basɔkɔ ngua a kpɔtɔ iipele. Ibo badi oko bato baya bajimaka Ebaeli yana akaka bo, na babotaka, bakina domi-isato, batongo domi-isamano, na batongo koko mokama.

Mindɛ Mitongo

²¹ Abala na bu koko bo, Moto adi bodoa na paka bo aese a cina eteni, isa a cina egbagba Ataebakea a mesa?

²² Oko boa ngando jibombamake jîkundoama kanga iisusu, na ndungu jisusu jilibombi iiboloa a bohu.

²³ Isa moto adi na matoi manjoki, yɛ ahokee.

²⁴ Ahala na bn koko bo, Toma ’nganjamani na mijɔ mikaka no. Libondo likabaka wɛ, libondo lisɔkɔ wɛ mɛnɛ, oko libondo limina, na babakea koko diko.

²⁵ Mojɔ bo yona opeli âsɔ koko; yona odi oko ngasa kobadi bokatoa ai yo oko yena epeli yo.

²⁶ Abala koko bo, Bokumu boNjambe bodi o moto yona omɛsɛ ngua a gbie.

²⁷ Ngua jidi botɔ na leka lodi bokandoa, moto omina akada mosu isa akahwɛ pɛ mojɔ, na atacingea mojɔ momina.

²⁸ Mojɔ ho kpɔtɔ mɛnɛ jibotaka; boso mɛnɛ oko ekasa, mbakeli ko epapa, na ngɔngɔ ndongo mɛnɛ.

²⁹ Jikakpeta, ajijuaka, mojɔ bo ehole ebojua ebwani.

³⁰ Abala koko bo, Bodi bongɛ Bokumu boNjambe na ye? Mokina mondɛ mobwani boneja so cina emina?

³¹ Bokumu boNjambe bodi o mongua mosinape. Monɔi ngua iisusu jingondo na bojio a ehole ebomɛsɛ a gbie.

³² Mokamɛsɛmɛ ko, na mokatɔ, modi lɔokaa na bohobu a bonɔ njua jisusu na buke. Momejaka bitape binɛnɛnɛ, na mbulu badiko babwani bohwɛ a esie emina.

³³ Yesu abatɔndɔ mwako na mindɛ minɛnɛ boa, o adaka bo na matoi a bohokea.

³⁴ Abala na bu oko na mindɛ pɛ. Acingea ko bacingami bande mijɔ misusu yana adaka yo na bu oko bo buki pɛ.

Yesu Agɔleja Mopomba

³⁵ A busa bomina, oko a ehole emɔkɔmɔkɔ, Yesu abala na bu bo, Kinani bolekele oho dɔngɔ dia.

³⁶ Bakina emumu ebato, bamotambeja a bwato o adaka yo, na bakɛ na nde. Makina mato matongo makɛ koko na bu.

³⁷ Mopomba monɛnɛ ko modoa. Bwato bobanga bolɛbɛbɛ a mojɔ momula, na edika mweka pɛ bo bwato bodinde.

³⁸ Yesu ko adaka oko ahwɛli a esukakulu a mbolo engɔngɔ. Bamosisoja, bajɔ na nde bo, Mokoja, iso bogwi; wɛ ko pɛ nongo mokakwano!

³⁹ Iyo asisoa, alemoa na pwea, na abala na madiba bo, Yɛyɔ; da bogo! Mopomba mogɔlɔ oko bogɔlɔ, na bowi bodaka bowi mɛnɛ.

⁴⁰ Iyo abala na bu bo, Odakani na bɔ mojɔ moye? Ejimeli enu edoni?

⁴¹ Ibo ko baluluma na bɔ, na babalana bo, Iyo moto ndani? Nongo pwea na madiba mamosumaka.