Malako 14 - Nouveau Testament en Ngombe 1961

Ndungu a Bowa Yesu

¹ Edika oko masu mabae pɛ a Kola-eBonɔ, na a ehole eboyaka milɛmbɛ mia mipeliti lipetu. A mojɔ momina, basuku banganga na basɔni badumba ndungu a bopea Yesu na poloso bo bamowoe.

² Mojɔ bo babala bo, Te a ehole ekola, bo bato basaka da na ejoki.

Yesu a Ndako eSimona

³ Yesu adaka a ndako eSimona, moto omaba, a ngando kombe Betania. Yana adaka yo a mesa, okina mwali akwea. Iyo adoa na molangi moalabasata mua modaka na malasi botɔ, malasi mayumu mɛnɛ. Abuka molangi, na asopa malasi a molo moYesu.

⁴ Bakina bato bakɛnjɔ. Babala bo, Malasi ma manami boa mojɔ moye?

⁵ Mabwanaki oko a bongɛjɛ na pata mikama misato na dea, bo bato babokwali basɛ likonja limina. Na balemoa na mwali oko bolemoa.

⁶ Yesu ko abala bo, Kinani adae. Omonɔngejakani mojɔ moye? Akɔi mojɔ mopele mɛnɛ ai mbi.

⁷ Odini na bato babokwali a tei enu masu masusu, na obwanini bobaltɔ monganji yana apalaka no. Mbi ko naditi na nu na bosusu.

⁸ Iyo akɔi mua mobwani na nde a bokɔ; asuoi mokuku mombi a mojɔ moesɛmɔ.

⁹ Mbi natɔndɔkɔ no na soti bo mojɔ mokɔi mwali yo môtɔndɔmɔ a bisika bisusu bitɔndɔkɔ bato Mwako Mopele, kanga a ngondo esusu mɛnɛ, bo bato bamolɛe.

Yuda Iskalio

¹⁰ Okina obu Domi-na-babae, kombe ende Yuda Iskalio, akɛ ai basuku banganga bo amokabe ai bo.

¹¹ Ibo baka mojɔ momina na sepi enɛnɛ, na bajima bo bamopɛ likonja. Oko boa yo aduka ehole yena ebwana bo amokabe ai bo.

Kola eYesu na Bacingami Bande

¹² Yana amea busa boboso boMilɛmbɛ mia mipeliti lipetu, oko yana awaka bo mwana-bata a mojɔ moKola eBonɔ, bacingami bande babala na nde bo, Opalaka bo bokɛe jɔ a bosɛlingoa Kola-eBonɔ a mojɔ mowɛ bo oyake?

¹³ Iyo aloma bacingami bande babae na monɔkɔ bo, Kɛni oho a ngando, na ôsonganani na moto yona oto-mbaka teni emadiba; mosusani.

¹⁴ Akakwea a ekina ndako, balani na moswa ’ndako emina bo, Mokoja altɔjɔkɔ bo, Ekenge endako edi jɔ, bo nayake Kola-eBonɔ na bacingami bambi?

¹⁵ Iyo adi boneja no ekenge enɛnɛ a mboba ediko yena edi na leka lua lobwani, na edi engɛbɛnɛke. Sɛlingoani Kola-eBonɔ a mojɔ mosu oko ena.

¹⁶ Baci-ngami bakɛ a ngando, na batana o ama yo bala na bu, na basɛlingoa Kola-eBonɔ.

¹⁷ Yana adipa busa, Yesu adoa na bacingami domi-na-babae.

¹⁸ Adaka bo a mesa a boyaka, Yesu abala bo, Mbi natɔndɔkɔ no na soti bo okina onu baya bayakaka na mbi adi bokaba mbi.

¹⁹ Ibo babanga boka monɔngɔ a mojɔ momina, na bamohɔjɔ omɔci-omɔci bo, Edi mbi?

²⁰ Iyo abala na bu bo, Oko okina onu Domi-na-babae, okina yona odubeaka molɛmbɛ na mbi a saani emɔci.

²¹ Mwana ’Moto adi bokɛ oko a njea esɔnɔmɔ a Misɔnɔ a mojɔ monde. Monɔngɔ ko ai moto yona odi bokaba Mwana ’Moto! Akɔki ya da pɛ nongo bobotama, ka enɔi na bopele.

²² Yana ayakaka bo, Yesu atomba molɛmbɛ, ajongoa, abuka molɛmbɛ, na abapa. Abala bo, Asɔni; imu modi mokuku mombi.

²³ Atomba kɔpɔ pongono, ajongoa, abapa, na bamwaka ’bo basusu.

²⁴ Iyo abala na bu bo, Iye edi makia mambi mamokongo, maya masopei a mojɔ mobato banɛnɛ.

²⁵ Mbi natɔndɔkɔ no na soti bo nitaya mwaka Inadiba mavine, oko a busa bomwabí mbi mayene a Bokumu boNjambe.

²⁶ Asieja bo yembo bo’mba, bakɛ a Mono moOlive.

²⁷ Yesu abala na bu bo, Ino basusu ôsakani libaku; mojɔ bo mosɔnɔmɔ bo, Nâboma mobanei, na bata bânangana.

²⁸ Nakangɔ ko a bogwa, nadi bokɛ boso bonu a Galile.

²⁹ Pɛtɛlo abala na nde bo, Nongo ’bo basusu bakasaka libaku, mbi nitasaka nongo libaku.

³⁰ Yesu abala na nde bo, Mbi natɔndɔkɔ wɛ na soti bo odi bongana mbi ngana jisato na bulu bu, oko kɔkɔ abelekoakini belekoa jibae.

³¹ Pɛtɛlo ko abala na bopipo mɛnɛ bo, Nongo nakagwa na wɛ, nitangana wɛ! Ibo basusu babala koko boa.

Gɛtɛsemane

³² Bamea a ekina esika yena edaka na kombe Gɛtɛsemane. Yesu abala na bacingami bande bo, Ehole edi mbi a bo’nga, ino dikani yaya.

³³ Abea Pɛtɛlo na Yakobo na Yoane; akɛ na bu, na abanga boda na moltakwano monɛnɛ na monɔngɔ.

³⁴ Abala na bu bo, Molema mombi modi na wa enɛnɛ, oko yogo mɛnɛ. Dikani yaya na seani.

³⁵ Akɛ boso mweka, asadumba nase, na anga bo ehole emina emobambe isa njea edi.

³⁶ Abala bo, Aba, Sesa, wɛ obwani bokɔ ngando jisusu. Dongeja kɔpɔ ye ai mbi. Pɛ ko mojɔ. Te mojɔ mopalaka mbi, oko mua mopalaka wɛ.

³⁷ Yana ahula yo, anɛ bo bacingami bahwɛkɛ hiɔ. Abala na Pɛtɛlo bo, Ohwɛi hiɔ? Otahɔnɔkɔ boda mosu heure emɔci?

³⁸ Dani Inisu, na ingakani bo osaka kweani a bopamba. Mwembo modi na mokano soti, mokuku ko modi na bwɛmbu.

³⁹ Asɔmbɔ koko, na anga o ama yo nga boso.

⁴⁰ Ahula yo, abatana bahwɛli koko, mojɔ bo bangbɔngɔkɔ na hiɔ, na baijeba mojɔ mobomosɔmbeja.

⁴¹ Ahula koko, ndɔndɔ ejisato, na abatana koko bahwɛli. Abala na bu bo, Odini oko na hiɔ? ohemakani? Kinani boa. Ehole emei. Anjani, Mwana ’Moto akabami a mɔmɔ mabato babe.

⁴² Angɔni so bokɛe! Anjani, yona okabi mbi adi hulelu.

Bopea Yesu

⁴³ Yuda, okina ohu Domi-na-babae, amea bokpa yana abalaka Yesu. Bato banɛnɛ badaka bacingi na nde, baya badaka na babɛnɛ na pɛngu. Basuku banganga, na basɔni, na basuku bangando, baloma bato bamina.

⁴⁴ Mokabi oYesu ama pa bato bamina embete lɔo, Mbi nakahia okina obu, edi oko moto omina; mopeani bopele, na kɛni na nde.

⁴⁵ Yana amea yo, akɛ bojo ai Yesu bokpa. Abala na nde bo, Labi! na amohia.

⁴⁶ Oko boa bato bamina babakea Inɔtnɔ ai Yesu, na bamopea.

⁴⁷ Okina obu ko yona odaka ena ahwa abɛnɛ onde, akwɛlɛ mosuku onganga, na amolena litɔi.

⁴⁸ Yesu abala na bu bo, Ino odoini na babɛnɛ na pɛngu a bopea mbi. Mbi nadi mobengo?

⁴⁹ Adaka mbi na nu busa na busa a bokoja a tempelo, oipeani mbi. Mojɔ mu ko modi boa a bongameja Misɔnɔ.

⁵⁰ Bacingami basusu basi ko bamokini; na bacia oko bocia.

⁵¹ Okina mwenga ko amosusa. Iyo amadinga esenja eyai epu a mokuku monde, pɛpɛ bisenja bitongo.

⁵² Bamopea; iyo ko akina esenja eyai epu a mɔmɔ mabu, na apinoa a mɔmɔ mabu oko mbundu.

Bsambi eYesu

⁵³ Bakɛ na Yesu ai mosuku onganga. Basuku banganga basusu, na basuku bangando, na basɔni, batitana oko ena.

⁵⁴ Pɛtɛlo amosusa bohali mweka, na akwea a lopango lomosuku onganga. Ada na mobondo a dɔngɔ dibapolisi, na akaka mosa.

⁵⁵ Basuku banganga, na likita lisusu libasuku, baduka mokina mojɔ mua mobwana bodumba Yesu bo agwɛ, pɛ ko boboloja mojɔ.

⁵⁶ Banɛnɛ babala ngando jibokosea a mojɔ monde; bibaeli bibu ko bikɛsɛnɛ.

⁵⁷ Bakina batongo, batati babokosea, bangɔ na babala bo,

⁵⁸ Iso bomoka yana abala yo bo, Mbi nadi bobuka tempelo ye, yena eyoama na mɔmɔ mabato, na nâyoa etongo, te nongo na mɔmɔ ko.

⁵⁹ Bikenge bibu bikɛsɛnɛ koko a mojɔ momina.

⁶⁰ Mosuku onganga angɔ a ndanda ebu, na ahɔjɔ Yesu bo, Wɛ pɛ bosɔmbeja nongo ekenge? Gina emijɔ mibalaka bato ba a mojɔ mowɛ edi bo?

⁶¹ Yesu ko ahogoga oko bogo, pɛ bosɔmbeja. Mosuku onganga amohɔjɔ koko bo, Wɛ odi Masiya, Mwana oYona oBojongoa?

⁶² Yesu amosɔmbeja bo, Mbi nadi yo. Ino ônɛni Mwana ’Moto akadae a ebɔ ebami endangasa eNjambe, na akadoe na biyembi biDiko.

⁶³ Mosuku onganga ala kasaka ende. Abala bo, Bôduka koko batati mojɔ moye?

⁶⁴ Ino o’kini bikenge binde bibosambolu. Odini bolena mojɔ o bo? Ibo basusu bamodumba, na bajima bo abwana bosɔ mokindo mobogwa.

⁶⁵ Bakina babanga bomotwea masɔi. Bahuoa boso bonde na litambala. Bamo’la ndumo, na babala na nde bo, Pa eseko. Bapolisi bamo’la bipapata pongono.

Bɛtɛlo Angana Yesu

⁶⁶ Adaka Pɛtɛlo sokolu a lopango, okina moseka, mokɔmɛli omosuku onganga, adoa.

⁶⁷ Yana anɛ yo Pɛtɛlo a mosa, amonja ngbe, na abala na nde bo, Wɛ odaki koko na Yesu oNasaleta.

⁶⁸ Iyo ko angana oko bongana. Abala bo, Nitajebaka, nitacingeaka nongo mojɔ mobalaka wɛ. Asi ko amani a lopango, na kɔkɔ abelekoa a ehole emina.

⁶⁹ Moseka omina amonja koko, na abala na bato baya badaka ena bo, Moto yoyo adi okina obu.

⁷⁰ Iyo ko angana koko. Ngɔngɔ mweka, baya badaka ena babala na Pɛtɛlo bo, Wɛ odi moto obu soti mɛnɛ, mojɔ bo odi moto oGalile.

⁷¹ Pɛtɛlo abanga bosinga, na abɛlɛ bɛli bo, Mbi nitajebaka nongo moto obalaka no.

⁷² A ehole emina, kɔkɔ abelekoa koko. Pɛtɛlo asi ko alɛi ekenge ema bala Yesu na nde bo, Wɛ ôngana mbi ngana jisato oko kɔkɔ abelekoakini belekoa jibae. Alɛ yo mojɔ momina, ayea bio.