Malako 1 - Nouveau Testament en Ngombe 1961

¹ Bobanga boMwako Mopele moYesu Masiya, Mwana oNjambe.

² Mosɔnɔmɔ a mokanda momotɔndɔi Yisaya bo, Mbi nalomaka obwɛnji ombi a boso bowɛ. Iyo âsɛlingoa njea ewɛ.

³ Kɔpi emoto yona obekoaka a lisobe bo, Sɛlingoani njea emokɛngɛ moKumu; Tangbojani njea iinde.

⁴ Yoane Mobatisi amana na akɛ a lisobe a botɔndɔ mwako bo bato bahekojae milema mibu a mojɔ moboyɛ bojibe, na a mojɔ mobatisimo.

⁵ Bato badonga a makota masusu maYuda na Yelusalema a bokɛ ai yo. Baboloja jibe jibu, na yo ababatisa a dua yena edi na kombe Yoladene.

⁶ Yoane alwaka bisenja bia biyoama na ngungi jikamela. Asadinga na ekpoka eyobo etito a bongo bonde. Mia mande madaka oko bapaala na pɔki eesika.

⁷ Bwɛnji bonde bodaka oko bu,—Okina akɛkɛ adoe ngɔngɔ jimbi yona onɔi mbi na ngulu. Mbi nabɔngiti bo nasumane a bocingoa mokɔ li mosapata jinde.

⁸ Mbi nabatisi no a madiba. Iyo ko âbatisa no a Mwembo Mosenɔke.

Yesu Abanga Elomu Ende

⁹ Yesu adonga a Nasaleta, ngando eGalile, a masu mamina, na Yoane amobatisa a Yoladene.

¹⁰ Yana aduboaka yo a madiba, Yesu anɛ bokpa bo Diko didipoama, na anɛ Mwembo mokatite ai yo o ekɔmɛli esungu.

¹¹ Kɔpi emana koko oho Diko bo, Wɛ odi Mwana ’mbi ongɛnjɔ; sepi embi esusu edi ai wɛ.

¹² Mwembo momolindea bokpa a lisobe,

¹³ Ayeyoa masu domi-inɛi a lisobe, na Satana amomeka a masu mvinaigre. amina. Adaka oho na tito baesika, na babwɛnji baDiko bamokɔmɛ.

¹⁴ Iyana asa bo Yoane a blɔkɔ, Yesu akɛ a Galile a botɔndɔ Mwako Mopele moNjambe.

¹⁵ Abala bo, Ehole ebwani. Bokumu boNjambe bobengi bodoa. Hekojani milema minu. Jimani Mwako Mopele.

¹⁶ Adaka Yesu akadale a mbongu elibale liGalile, anɛ Simona, na Andalea mwanange ’Simona, bakasope biyoma bibu ta madiba, mojɔ bo badaka badukeli baswi.

¹⁷ Yesu abala na bu bo, Doani, cingamani na mbi, na mbi nâkɔ no badukeli babato.

¹⁸ Ibo bakina bwato bobu bokpa mɛnɛ, na bacingama na nde.

¹⁹ Anɔ yo koko mweka, ane Yakobo mwana oSebede, na mwangwa’nde Yoane. Ibo badaka koko a bwato bobu, na batataka biyoma bibu.

²⁰ Yesu ababea bokpa, na bakina sangwa’bu Sebede na basali a bwato a bocingama na nde.

Yesu a Kapalanauma

²¹ Bakɛ a Kapalanauma. Yana ahoa busa a busa boSabata, Yesu akwea a sinagoge a bokoja.

²² Bato bakamoa a mojɔ mobokoja bonde, cina bo abakoja na kpaci, te nongo na ekɔmɛli ebasɔni.

²³ Okina moto yona odaka na mwembo mobe adaka a sinagoge ebu a ehole emina.

²⁴ Iyo abekoa bo, Wɛ, Yesu oNasaleta; mojɔ mosu na wɛ modi bo? Odoi a bowa so? Mbi najebaka wɛ. Odi yona Mosɛ nɔke oNjambe.

²⁵ Yesu amosia. Abala na nde bo, Da bogo; imana ai yo.

²⁶ Mwembo mobe momolulumeja, na momana ai yo na bobekoa bopipo.

²⁷ Bato basusu bakamoa bou. Bahɔjɔnɔ bo, Iye ndeni? Bokina bokoja boyene? Iyo adi na kpaci. Nongo abekeaka yo miembo mibe, mimosumaka.

²⁸ A mojɔ momina, gala ende enangana bokpa a likota lisusu liGalile.

²⁹ Amana Yesu a sinagoge, akɛ na Yakobo na Yoane a ndako eSimona na Andalea.

³⁰ Bokio boSimona adaka asambi na yogo, na batɔndɔ Yesu bokpa mojɔ monde.

³¹ Iyo akɛ ai yo, apea ebɔ ende, na amongɔjɔ. Mɔɔlɔ monde mosia bokpa boa, na yo abanga bobakɔmɛ.

³² Yana adipa busa a ehole emɔkɔ, badoa ai yo na bato basusu baya badaka na bego, na bato baya badaka na Iniembo mibe.

³³ Bato basusu bangando batitana a boso bondako.

³⁴ Iyo aheleja bato banɛnɛ baya badaka na bego tungu na tungu. Ameja miembo mibe minɛnɛ, na aijima bo miembo mibe mibale, cina bo miembo milɔe mimojebaka.

Yesu a Bonga

³⁵ Yesu asisoa a ehole emojukakeli, oko yana adaka busa pɛ bopeta hoa. Amana na akɛ a ekina esika a lisobe a bonga oho.

³⁶ Simona na batongo baya badaka na nde bamosusa oho.

³⁷ Iyana aholoja lɔo Yesu, babala na nde bo, Bato basusu badukaka wɛ.

³⁸ Iyo abasɔmbeja bo, Kinani bokɛe a ngando jitongo jia jidi hulelu, ho natɔndɔe mwako oho pongono. Mbi nadoi oko a mojɔ momina.

³⁹ Oko boa adala a likota lisusu liGalile, akatɔndɔe mwako a sinagoge jibu na akamejae miembo mibe.

Yesu Aheleja Moto oMaba

⁴⁰ Okina moto omaba adoa ai Yesu, atita na magbunda a boso bonde, na amongɔɔnɔ bo, Wɛ okapala, odi boheleja mbi.

⁴¹ Yesu amokea wa enɛnɛ, aninoja ebɔ, na amobɛnjɛ oko bobɛnjɛ. Abala na nde bo, Mbi najimi; hela oko bohela.

⁴² Maba mande masia bokba mɛnɛ, na asɛnoa oko bosɛnoa.

⁴³ Yesu amoyaneja bokpa na eleho epipo.

⁴⁴ Abala na nde bo, Yɛ bobala na moto. Kɛ ko, saneja ai nganga, na pa epeeli ebekea Mose a mojɔ mobohela bowɛ, bo bato bajebe.

⁴⁵ Iyo ko akɛ, abanga botɔndɔ bato mojɔ momina, na ananganeja mwako momina. Oko boa, Yesu aihɔnɔ bokwea koko a ngando a bohu. Ayeyoa oko a esika, na bato badonga a ngando jisusu bo badoe ai yo.