Luka 1 - Nouveau Testament en Ngombe 1961

¹ Bato banɛnɛ batomba bosɔnɔ mikanda a mojɔ mongando jia jikwa a tei esu,

² o aka so na bato baya banɛ na miso, baya badaka a elomu eMwako Mopele oko a bobanga.

³ Mbi nakokelejai ngando ji jisusu na bopele mɛnɛ, oko a bobanga. Oko boa, kumu Teopilo, mbi koko najimi bo nabwani bosɔnea wɛ mokanda a mojɔ mongando jimina.

⁴ Oko boa odi bojeba bo ngando jika wɛ jidi ngando jisoti.

Sako eBobotama boYoane Mobatisi

⁵ Okina nganga otempelo adaka a ehole eElode kumu oYuda, kombe ende Sekalaya. Adaka moto olibondo liAbia. Adaka na mwali olikota liAlona, kombe ende Elisabeta.

⁶ Ibo basusu babae badaka bato babodongo a miso maNjambe. Basumaka mibeko na ngando jiNjambe jisusu na soti mɛnɛ.

⁷ Baidaka ko na mwana, mojɔ bo Elisabeta adaka motete, na bo basusu babae bama kɔmɔ.

⁸ Sekalaya adaka a elomu ende enganga bokina busa a boso boNjambe, mojɔ bo libondo linde linganga lidaka a elomu.

⁹ Oko boa, yo ahɔmɔ bo akwee a tempelo a botumba kasa jilitindi, o akɔkɔ nganga basusu.

¹⁰ Bato basusu, bato banɛnɛ mɛnɛ, badaka sokolu a bonga a ehole ebotumba.

¹¹ Obwɛnji oKumu asaboloja ai yo. Adaka ami a litumbu, a dɔngɔ diebɔ ebami.

¹² Sekalaya ayegebana, na abanga bou mɛnɛ yana amonɛ yo.

¹³ Obwɛnji ko abala na nde bo, Sekalaya, yɛ bobanga! Mojɔ bo bonga bowɛ bo’kami. Mwali owɛ Elisabeta âbotea wɛ mwana-momi, na ômobakea kombe Yoane.

¹⁴ Wɛ ôda na sepi na enanga, na bato banɛnɛ badi bosepa a mojɔ mobobotama bonde.

¹⁵ Mojɔ bo, yo âda moto monɛnɛ a boso boKumu. Iyo atamwaka nongo vino, isa ekina emwakeli ebolangoa. Âluma na Mwembo Mosɛnɔke oko a bobotama bonde.

¹⁶ Âhekoja bana banɛnɛ baYisalaele ai Kumu obu Njambe.

¹⁷ Âdala a boso boNjambe na mwembo na ngulu eElia, a bohekoja milema mibasango ai bana, na hohekoja bato balipanga a howɛi bobato babodongo, bo asɛlingoe bato babɔngɔke a mojɔ moKumu.

¹⁸ Sekalaya abala na obwɛnji bo, Êjeba mbi ko mojɔ mu na ye? Mbi nadi mosuku mɛnɛ, na mwali ombi akɔmɔbi pongono.

¹⁹ Obwɛnji amosɔmbeja bo, Mbi nadi Gabaliele. Esika embi edi a boso boNjambe. Mbi nalomami a bobala na wɛ, bo natɔndɔe wɛ mwako mu mopele.

²⁰ Wɛ ko ôda emimi, na otabala nongo kɔpi, oko a busa bôkwa ngando jimina, cina bo ojimiti bikenge bibali mbi. Ehole ekamea ko, bikenge bimina bidi bongama.

²¹ Bato bambaka Sekalaya, na badaka na bokamoa a mojɔ moehole eyai eyeyoaka yo a tei etempelo.

²² Yana ko amana yo, aihɔnɔ bobala na hu. Abajebeja oko na bimbete, pɛ bobala nongo kɔpi, na basipoa bo anɛ mokina mojɔ a tei etempelo.

²³ Ama sia masu mande maelomu, ami yana oko a ngando ende.

²⁴ Ngɔngɔ jimina, mwali onde Elisabeta alwa demi, na adaka a ndako songe batano.

²⁵ Iyo abala bo, Kumu akɔi mbi monganji mu, yana anjaki yo mbi, bo adongejae sɔni embi a miso mabato.

Sako eBobotama boYesu

²⁶ Njambe aloma obwɛnji onde Gabaliele a Nasaleta, ngando eGalile, a songe obasamano,

²⁷ ai okina moseka yona oijebeana nongo na momi, kombe ende Malia. Okina momi amopanda, kombe ende Yosepa, moto ombota eDawidi.

²⁸ Obwɛnji akwea a esika edaka Malia. Amobɛjɛ njɛbɛ bo, Mbalea! wɛ yona osi monganji. Kumu adi na wɛ.

²⁹ Iyo agasima a mojɔ moekenge emina, na alɛ a molema monde a boduka cina enjɛbɛ emina.

³⁰ Obwɛnji ko abala na nde bo, Malia, yɛ bobanga! mojɔ bo Njambe akɔi wɛ monganji.

³¹ Ika! wɛ ôlwa demi; ôbota mwana-momi, na ômobakea kombe Yesu.

³² Iyo âda na ekumu enɛnɛ. Bâmobakea kombe Mwana oYona oBonɔ. Kumu Njambe âmopa mongbɛlɛngɔ mobokumu bo-Tata onde Dawidi.

³³ Iyo ada Kumu ombota eYakobo oko na bosusu mɛnɛ, na bokumu bonde botasia nongo.

³⁴ Malia abala na obwɛnji bo, Mojɔ momina môda boa na ye, adi mbi pɛ bojeba nongo momi?

³⁵ Obwɛnji amosɔmbeja bo, Mwembo Mosɛnɔke môdoa ai wɛ. Ndangasa eYona oBonɔ êhua wɛ, na yona ôbotama na wɛ âbeama mosɛnɔke, Mwana oNjambe.

³⁶ Anja pako ewɛ Elisabeta. Nongo akɔmɔbi yo, alwabi demi, oko mwana momi. Bamobea motete; edɛye ko songe bande basi basamano.

³⁷ Mojɔ bo Njambe abwani bokɔ ngando jisusu.

³⁸ Maha abala bo, Ika, mbi nadi mobuli oKumu; yɛ modae na mbi o ami wɛ bala. Obwɛnji amokina oko bokina boa.

Malia Akɛ ai Blisabeta

³⁹ Malia angɔ a masu mamina, na akɛ pelepele a ekina ngando eYuda a tei emeno.

⁴⁰ Akwea a ndako eSekalaya, na abɛjɛ Ehsabeta njɛbɛ.

⁴¹ Yana aka Elisabeta njɛbɛ eMaha, mwana akumana a tei esɔpɔ ende. Elisabeta aluma na Mwembo Mosɛnɔke

⁴² na abekoa na bopipo bo, Bojongoa bowɛ bonɔi bua bobali basusu; bojongoa ai yona ôbotama na wɛ!

⁴³ Ekɔi mbi ndeni bo nange ’Kumu ombi adoe ai mbi?

⁴⁴ Ika! Aki mbi doi linjɛbɛ ewɛ, mwana akumani na sepi a sɔpɔ a ehole emina.

⁴⁵ Wɛ odi na bojongoa soti, wɛ yona ojima bo mijɔ mibala Kumu na wɛ midi bongama.

⁴⁶ Malia abala bo, Molema mombi mokumejaka Kumu;

⁴⁷ Na mwembo mombi mosepaka na Njambe Moheleja omhi,

⁴⁸ Mojɔ bo anji bokwali bombi mobuli onde. Ika; banga na busa bu, bato babilulu bisusu bâbala bo mbi nadi na bojongoa;

⁴⁹ Mojɔ bo Yona onɔi na ndangasa akɔi mbi ngando jinɛnɛnɛ, Na kombe ende edi esɛnɔke.

⁵⁰ Monganji monde modi ai baya bamosumaka a bilulu bisusu.

⁵¹ Iyo anejai ngulu eebɔ ende, Ananganejai baya badaka na egbo a milema.

⁵² Adongejai bakumu a ngɛndɛ jibu, Na akumejai bato bangasa.

⁵³ Agolejai bato banja na leka lopele, Na ayaneja bato balikonja boangasa.

⁵⁴ Akɔmejai mokɔmɛli onde Yisalaele, Mojɔ bo aibosa monganji monde,

⁵⁵ O akinea Yo batata basu sako, Abalayama na bana bande oko na bosusu.

⁵⁶ Malia ayeyoa na nde songe basato, na ahula a ngando ende mɛnɛ.

Bobotama boYoane Mobatisi

⁵⁷ Ehole emea bo Elisabeta abote, na abota mwana-momi.

⁵⁸ Mituteano minde, na bato badenga dinde, baka bo Kumu amokɔ monganji monɛnɛ, na basepa na nde.

⁵⁹ Bakɛ a bolena mwana ganda a busa bobomwambe, na bapala bo bamobakee kombe esangwa ’nde Sekalaya.

⁶⁰ Ngwa ’nde ko ajɔ na bu bo, Te boa; kombe ende edi oko Yoane.

⁶¹ Ibo babala na nde bo, Pɛpɛ nongo moto odenga diwɛ odi na kombe emina.

⁶² Na bakɔ bimbete ai sangwa ’nde bo bajebe kombe epalaka yo a mojɔ momwana.

⁶³ Iyo abea litai libosɔnɔ, na asɔnɔ bo, Kombe ende edi Yoane; na bo basusu bakamoa.

⁶⁴ Yemi ende eloloa, na kɔpi ehula a monɔkɔ monde a ehole emina, na abanga bobala na bosakoa Njambe.

⁶⁵ Mituteano mibu misusu midaka na bɔ mɛnɛ, na mijɔ mimina minangana a ngondo esusu emeno miYuda.

⁶⁶ Bato basusu baya baka mijɔ mimina bamilɛ a milema mibu, na babala bo, Iyo mwana âda boni? Mojɔ bo ebɔ eKumu edaka na nde.

⁶⁷ Sangwa’nde Sekalaya aluma na Mwembo Mosɛnɔke, na abala o motɔndɔi bo,

⁶⁸ Bojongoa ai Kumu, Njambe oYisalaele, Mojɔ bo adoi ai bato bande na abasikoi.

⁶⁹ Iyo abolojai Mohelejai monɛnɛ a mojɔ mosu A tei edenga dimokɔmɛli onde Dawidi,

⁷⁰ O ama yo bala ehele na minɔkɔ mibatɔndɔi bande basɛnɔke,

⁷¹ A boheleja so a soki jisu Na a mɔmɔ mabato baya balonaka so;

⁷² Akɔi monganji modikeja yo ai basangwa’su, Na alɛi mokongo monde mosɛnɔke,

⁷³ Na bɛli ebɛlɛ yo ai tata osu Abalayama

⁷⁴ Bo, bokahela a mɔmɔ masoki jisu,

⁷⁵ Bodi bomokɔmɛ masu ma’su masusu

⁷⁶ Wɛ mwana, ôbeama motɔndɔi oNjambe oBonɔ, Mojɔ bo ôdala boso boKumu a bosɛlingoa njea jinde,

⁷⁷ Bo ojebejae bato bande mojɔ moboheleja, Oko na boyɛ bojibe jibu,

⁷⁸ A mojɔ mowa enɛnɛ eNjambe osu Yona ohojai so husa,

⁷⁹ Bo ahojae baya badi a modidi na a esie ebogwa, Na a bodaleja mako masu a njea ebowi.

⁸⁰ Mwana akandoa, apinga a mwembo, na ayeyoa a esika oko a busa boboloa yo ai Yisalaele.