Boboloja 3 - Nouveau Testament en Ngombe 1961

Denga diSaludi

¹ Sɔnea obwɛnji oDenga diSaludi bo, Iyona odi na Miembo miNjambe sambo, na njɔtɔ sambo, aba-laka mijɔ mi. Mbi najebaka bikɔmɛli biwɛ. Odi na kombe emoto yona odi mɔ, na odi oko mogwake.

² Sisoa, na pingeja ngando jia jidikai, jia jidi hulelu na bogwa; mojɔ bo mbi nanɛkɛ bo bikɔmɛli biwɛ bibɔngiti nongo a miso maNjambe ombi.

³ Toma lɛ mijɔ misɔ wɛ, na mijɔ mika wɛ. Banea mijɔ mimina, na hekoja molema mowɛ. Omiti nganjama, mbi nâdoa o mobi, na otajeba ehole êdoa mbi ai wɛ.

⁴ Endele ko, odi na bakina bato a Saludi baya baibeja bilwaeli bibu. Ibo badi bodala na mbi na bisenja bipu, mojɔ bo babɔngi.

⁵ Iyona ogbokejaka adi bolwa bisenja bipu boa, na mbi nitahakoa kombe ende a mokanda mobomɔ. Nâjima kombe ende a boso boSangwa’mbi na a boso bobabwɛnji bande baDiko.

⁶ Moto yona odi na matoi, yɛ ahokee mojɔ mobalaka Mwembo na Menga maMasiya.

Denga diPdadelupia

⁷ Sɔnea obwɛnji oDenga diPiladelupia bo, Iyona mosɛnɔke, yona osoti, yona odi na sabe eDawidi, yona odipoaka na pɛpɛ nongo moto odi bodipa, yona odipaka na pɛpɛ nongo moto odi bodipoa, yo abalaka mijɔ mimi.

⁸ Mbi najebaka bikɔmɛli biwɛ. Hokea; mbi nakini modipe bwase a boso bowɛ, na pɛpɛ nongo moto Obwani bomodipa. Najebaka bo ngulu ewɛ ehɛhti; endele ko, osumaka ebaeli embi, na oigana nongo kombe embi.

⁹ Baya badi basinagoge eSatana, baya babalaka bo badi BaYuda na baditi BaYuda, na bakoseaka, mbi nadi bobahuda ai wɛ bo basasunee a boso bobibota biwɛ, bo bajebe bo mbi napalaka wɛ.

¹⁰ Ehole ebomeka ekɛkɛ adoe a ngondo esusu a bomeka bato bangondo. Mbi ko nadi bobanea wɛ a ehole emina, mojɔ bo obanea ebaeli embi na lingbangba.

¹¹ Mbi nakɛkɛ adoe bokpa. Pea boku mua mopeli wɛ, bo moto asaka katoa likongo liwɛ.

¹² Moto yona odi mogbokoli, mbi nâmokɔ likwe a tempelo eNjambe ombi, na ataya mana. Nâsɔnɔ kombe eNjambe ombi ai yo, na kombe engando eNjambe ombi, oko Yelusalema eyene yena ekahule oho Diko ai Njambe ombi, na kombe embi mɛnɛ eyene pongono.

¹³ Yona odi na matoi, yɛ ahokee mojɔ mobalaka Mwembo na Menga maMasiya.

Denga diLaodikia

¹⁴ Sɔnea obwɛnji oDenga diLaodikia bo, Iyona odi Amen, yona odi motati osoti na oejimeli, yona odi litandei lielomu eNjambe eboyoa, yo abalaka mijɔ mimi.

¹⁵ Mbi najebaka bikɔmɛli biwɛ. Najebaka bo oditi nongo na pio isa na mosa. Akɔki wɛ da na pio isa na mosa, bopele.

¹⁶ A mojɔ momina, mbi nâbunja wɛ a monɔkɔ mombi, cina bo odi oko na bodu, pɛpɛ pio, pɛpɛ mosa.

¹⁷ Obalaka bo, Mbi nadi konji; nakonji makonja manɛnɛ; pɛpɛ nongo eka etakaka na mbi. Otajebaka bo odi na esɔpi, na eduku, na bopu, na miso magwake, na bo odi mbundu.

¹⁸ Mbi nalehaka wɛ bo osombe ai mbi wɔlɔ yena eluama na mosa, bo odae konji soti, na bisenja bipu bo odae na elwaeli, na bo sɔni embundu ewɛ esaka boloa, na sengo a bosuoa ta miso mawɛ bo onɛe.

¹⁹ Mbi nakapala bato, nabasiaka, na nabatuaka. Oko boa, kɔ na bopipo bo ohekojae molema mowɛ.

²⁰ Hokea; mbi nami mema a modipe, na nabomaka. Moto aka’ka monɔkɔ mombi, na akadipoa modipe, mbi nâkwea ai yo; nâyaka na nde, na yo âyaka na mbi.

²¹ Mbi nâjima bo yona ogbokejaka adae na mbi a ngɛndɛ embi, o ami mbi gbokeja, na adi mbi na Sangwa’mbi a ngɛndɛ ende.

²² Yona odi na matoi, yɛ abokee mojɔ mobalaka Mwembo na Menga maMasiya.