Biblia Todo Logo
Bìoball air-loidhne

- Sanasan -

Boboloja 13 - Nouveau Testament en Ngombe 1961


Tito Amana a Madiba

1 Nanɛ koko Tito akamane a madiba-mamukwa. Adaka na njeka domi, na melo sambo. Makongo mabokumu domi madaka a njeka jinde, na kombe jibosambolu jidaka a melo minde.

2 Tito onɛ mbi adaka o swa. Makaka mande madaka o makaka matito kombe ours, na monɔkɔ monde modaka o monɔkɔ mogbɔngɔ. Dalakona amopa ngulu ende mɛnɛ na ngɛndɛ ende, na kpaci ende enɛnɛ.

3 Nanɛ bo mokina molo monde modi na pola ebogwa. Iyo ko ahela a pola ende ebogwa, na ngondo esusu ecingama na Tito na bokamoa.

4 Bato basakoa Dalakona mojɔ bo yo ama pa kpaci ende a Tito. Basakoa koko Tito na ebaeli ye; Obwani na Tito nda? Odi na ngulu a bona na nde nda?

5 Tito adaka na monɔkɔ a bobala bikenge biegbo, na bikenge bibosambolu; na asɔ kpaci bo akɔe o apalaka yo songe domi-inɛi na babae.

6 Adipoa monɔkɔ monde a botangola Njambe, na kombe ende, na ngando ende, na baya badi oho Diko.

7 Adaka na kpaci a bona bila na basɛnɔke na bo abagbokejae. Asɔ koko kpaci a makota masusu, na tungu jisusu, na kɔpi jisusu, na maboti masusu.

8 Bato basusu bangondo badi bomosakoa, oko baya baditi na kombe jibu a mokanda moMwana-Bata yona ogwa, kombe jia jisɔnɔmɔ ena oko a libangake lingondo.

9 Isa moto adi na matoi, yɛ ahokee.

10 Moto yona opeaka masungu âpeama lisungu yo mɛnɛ. Moto akawa na abɛnɛ, adi bogwa na abɛnɛ yo mɛnɛ. Cina elingbangba libasɛnɔke na ejimeli ebu oko yena.


Tito Yona Omana a Ngondo

11 Nanɛ koko okina Tito otongo. Iyo amana a ngondo, na adaka na njeka jibae, njeka jimwana-bata; ebaeli ende ko edaka ebaeli eDalakona.

12 Iyo adaka na kpaci esusu eTito oboso a ngando ende, na akɔ bo bato basusu bangondo, ngondo esusu mɛnɛ, basakoe Tito yona oboso, yona oma hela a pola ende ehogwa.

13 Akɔ koko mindumba minɛnɛ, na akɔ bo mosa modonge obo Diko na motite nase a boso bobato.

14 Na alɛngɛ bato bangondo cina emindumba mikɔkɔ yo a esika eTito, na abatɔndɔ bo bakɔe elimo eTito yona oma hela a pola eabɛnɛ.

15 Asɔ koko kpaci bo apɛ mohuli a elimo eTito, bo elimo eTito ebale, na bo awejae bato basusu baya balona bosakoa elimo eTito.

16 Na akɔ bo bato kanga basusu mɛnɛ basɛ embete a ebɔ ebami isa a boso, na bakɛkɛ na banɛnɛnɛ, na bato balikonja na bato babokwali, na sɔmi na babuli pongono,

17 bo, moto amiti da na embete emina, oko kombe eTito, isa etango ekombe ende, atahɔnɔ bosomba eka, isa bongɛjɛ eka.

18 Mojɔ momina modi mojɔ mobowɛi. Isa moto adi na bocingea, yɛ alange etango eTito. Mojɔ bo etango emina edi etango emoto, na etango ende edi Mikama misamano domi-isamano na isamano.

Alliance Biblique de la R. D. Congo

Bible Society of the Democratic Republic of Congo
Lean sinn:



Sanasan