Biblia Todo Logo
Bìoball air-loidhne

- Sanasan -

Baloma 16 - Nouveau Testament en Ngombe 1961


Njɛbɛ na Bileho

1 Napalaka bo osɛni ngɛnɛ esu Poibe bopele. Iyo adi mokɔmɛli oDenga diKɛnkɛlɛ.

2 Mo’sɔni yo a kombe eKumu osu, o akɔkɔ bato baDenga. Akapala bo omokɔmejaeni na ngando jinde, mokɔmejani; mojɔ bo yo mɛnɛ adi mokɔmeja obato banɛnɛ, na mbi mɛnɛ pongono.

3 Abɛjɛni Pilisila na Akwila, bma’mbi a elomu eMasiya Yesu.

4 Ibo bapa njupi a boheleja mbi. Mbi nasepaka na bu, na te mbi pɛ, oko Menga masusu mamakota matongo.

5 Abɛjɛni Denga dia didi a ndako ebu. Abɛjɛni Epainɛtɔ, mina’mbi oepaeli. Iyo adi tɔmi eMasiya oho Asia.

6 Abɛjɛni Malia; yo akɔi elomu enɛnɛ a tei enu.

7 Abɛjɛni Anduloniko na Yunia, baninga bambi baya badi a njango o adi mbi mɛnɛ. Badi na gala epele a tei ebabwɛnji, na bajima Masiya oko mbi napetakini jima.

8 Abɛjɛni Ampuliato, mina’mbi oepaeli a tei eKumu.

9 Abɛjɛni Ulubano yona okɔmejaka so a elomu eMasiya, na Setakusa mina’mbi oepaeli.

10 Abɛjɛni Apele yona olonga a elomu eMasiya. Abɛjɛni bato baKumu baya badi a ndako eAlisitɔbulo.

11 Abɛjɛni Elodiona, moto ombi mɛnɛ. Abɛjɛni bato baKumu baya badi a denga diNalukiso.

12 Abɛjɛni Tulupaina na Tuluposa; badi bakɔmɛli baKumu. Abɛjɛni Pelesida, mwali oepaeli yona okɔkɔ elomu enɛnɛ a mojɔ moKumu.

13 Abɛjɛni Lupu, mokɔmɛli obonɔ oKumu; abɛjɛni koko ngwa’nde yona odaka o ngwa’mbi mɛnɛ.

14 Abɛjɛni Asunkulito, na Pɛlɛgɔnta, na Elume, na Patuloba, na Eluma, na baninga baya badi na bu.

15 Abɛjɛni Pilologa na Yulia, na Nele na ngɛnɛ ende, na Olumpa, na bato basusu baDenga baya badi na bu.

16 Abɛjɛnɛni njɛbɛ na bohia bosɛnɔke. Menga masusu maMasiya malomaka no njɛbɛ.

17 Baninga, mbi nangɔɔnɔkɔ no bo onganjameni a mojɔ mobato baya bapangoaka na basakejaka bato libaku, baya balonaka bokoja bosɔ no; pɛ bopanganani na bu.

18 Bato bamina batakɔmɛkɛ Masiya Kumu osu; badi oko babuli basɔpɔ jibu bɛnɛ; bakoseaka milema mibato bayɛmbu na bibaeli bibu bipele, na poloso ebu.

19 Bato basusu bajebaka mojɔ molisuma linu, na mbi nasepaka a mojɔ monu. Endele ko, napalaka bo ejebeli enu edae oko a ngando jipele; a mojɔ mobobe, dani o bana.

20 Njambe obowi atayeyoa a bodɛhɛ Satana na bibota binu. Yɛ monganji moKumu osu Yesu Masiya modae na nu.

21 Timoteo, yona ocingi na mbi a elomu, abɛjɛkɛ no njɛbɛ. Lukio na Yasona na Sosipatalo yona odi bwela bombi, babɛjɛkɛ no.

22 Mbi Tɛlɛti, yona osɔnɔkɔ mokanda mu, nabɛjɛkɛ no na njɛbɛ eKumu.

23 Gayo yona osɔ mbi a ndako ende, na asɔ koko Denga disusu a ndako ende, yo abɛjɛkɛ no. Elasuto, mobanei olikonja lingando abɛjɛkɛ no, na Kwaluto mwangwa’su pongono.

24 Yɛ monganji moKumu osu Yesu Masiya modae na nu basusu. Amen.

25 Okina adi yona obwani bombilimeja no a Mwako Mopele moMasiya motɔndɔkɔ mbi. Mwako momina mobolojaka mojɔ mua modaka mobombamake a bobanga mɛnɛ.

26 Moboloi ko edɛye a mojɔ momikanda misɔnɔ batɔndɔi, cina emobeko moNjambe yona odi na bosusu. Na moboloi ai bato bamakota masusu bo badae na lisuma na ejimeli.

27 Ekumu ai Njambe—odi na bowɛi oko yo pɛ—na bosusu, a mojɔ moYesu Masiya. Amen.

Alliance Biblique de la R. D. Congo

Bible Society of the Democratic Republic of Congo
Lean sinn:



Sanasan