Baloma 11 - Nouveau Testament en Ngombe 1961

BaYuda Bâhela Ngɔngɔ

¹ A mojɔ momina, mbi nahɔjɔkɔ isa Njambe aloni bato bande? Pɛpɛ nongo mweka! Mbi nadi MoYisalaele mbi mɛnɛ; nadi mwana oAbalayama, moto ohkota liBenyamina.

² Njambe alomti nongo bato bande, mojɔ bo ajeba eyou bo badi bato bande. Otaje-bakani mojɔ moElia mua modi a Misɔnɔ? Iyo anga Njambe a bodumba Yisalaele bo,

³ Kumu, bawoi batɔndɔi bawɛ. Babuki matumbu mawɛ. Mbi nadikai oko mbi buki pɛ, na badukakani bo bawoe mbi.

⁴ Njambe ko amosɔmbeja bo? Abala bo, Mbi nadikai na bato bami koto sambo baya baisumana nongo a boso boBaala.

⁵ Eketa edikai koko edɛye, bahɔmɔke bamonganji moNjambe.

⁶ Bohɔ bomina bodi a mojɔ momonganji moNjambe, te nongo a mojɔ mobilomu. Eipeta da boa, ka monganji moNjambe moditi monganji mosoti.

⁷ Cina emina edi bo? Edi bo BaYisalaele baduka mokina mojɔ, pɛ ko bomoboloja. Bahɔmɔke ko bamoholoja, na milema mibu batongo mipinga oko bopinga.

⁸ Mosɔnɔmɔ bo, Njambe abapi mwembo mongbungbuma, Miso maya mapeliti njɛnɛ, Na matoi maya mapehti njoki, Oko a busa bu.

⁹ Dawidi pongono abala bo, Kina kola ebu edae likimba na elambo ai bo, Libaku a mojɔ mobosaka, bo basɛ ndese ebu.

¹⁰ Kina miso mabu mambimbine bo bata’nɛ, Na ngundubaneja mikɔngɔ mibu na bosusu.

¹¹ Oko boa mbi nahɔjɔkɔ isa basaka libaku bo bakwɛ? Pɛpɛ nongo mweka. Njea ebohela ko ehoa ai bapakano oko a mojɔ mobokwa bobu, a bokeja bo likaka.

¹² Oko boa, isa ngondo ebɔngi a mojɔ mobokwa bobu, na isa bapakano basɔ lisango a mojɔ molibunga libu, esingaiti na bohula bobu!

¹³ Mbi yona odi obwɛnji ai bapakano, natɔndɔkɔ no bapakano bo nakumejaka elomu embi

¹⁴ oko na njingo bo nakejae bato bambi BaYuda likaka, a boheleja bakina babu.

¹⁵ Mojɔ bo, isa bosiili bongondo bocingi na bɔbɔtɔ bobu, bohula bobu bodi boda bomɔ a tei ebagwake.

¹⁶ Isa mbuma eboso edi esɛnɔke, mbuma jisusu jidi jisɛnɔke. Isa monjeli modi mosɛnɔke, bitape bimole bidi koko bisɛnɔke.

¹⁷ Bikina bitape ko bikatɛndɔmɔ, na wɛ olive oesika okakatana na mole a esika edaka bitape bimina, odi bokatana na cina emole, na odi bosɔ ngulu emole moolive.

¹⁸ Pɛ bosakumeja ko na bitape bimina. Okada na jala, pɛ bobosa bo wɛ otapeaka mole; modi oko mole mua mopeaka wɛ.

¹⁹ Odi bosɔmbeja bo, Bitape bitongo bitɛndɔmɔ bo mbi nakatane na mole.

²⁰ Soti; bitape ko bitɛndɔmɔ cina epɛndɔ, na wɛ odi a esika ewɛ a mojɔ moejimeli. Pɛ boda na egbo a mojɔ momina; da oko na bɔ.

²¹ Mojɔ bo, isa Njambe adaka na bopipo na bitape bimole mɛnɛ, âda koko na bopipo a mojɔ mowɛ.

²² Toma lɛ bo Njambe adi na monganji, na adi na bopipo pongono. Bopipo bonde bodi ai bakwake; monganji monde ko modi ai wɛ, okayeyoa a monganji monde. Omiti kɔ boa, wɛ ôtɛndɔmɔ pongono.

²³ Ibo pongono bakakina pɛndɔ ebu, bâkatana koko; mojɔ bo Njambe adi na ngulu bo abakatanejae koko.

²⁴ Isa wɛ otɛndɔmɔ a mole moolive moesika, na okatana na mole moolive mogbie, esingaiti bitape bimole na soti! Bidi bokatana koko na mole mobitape bimina.

²⁵ Baninga, mbi napalaka bo ocingeeni mojɔ mu mobombamake, osaka dani na egbo. Modi oko bo likma libondo liYisalaele lidi na miso mago, na bâda boa oko a ehole êbwana etango ebapakano.

²⁶ Oko boa BaYisalaele basusu bâhela. Mosɔnɔmɔ koko boa bo, Moheleja âhula Siona A boheleja Yakobo a bobe bonde.

²⁷ Imu modi mokongo môbakea mbi na bu Yana âdongeja mbi jibe jibu.

²⁸ Badi na Njambe soki a njea eMwako Mopele, na mojɔ momina mobɔngejai no. A njea ebohɔ boNjambe ko, yo abapalaka a mojɔ mobatata babu.

²⁹ Mojɔ bo Njambe akapa bipeeli, isa akabea bato, aditina dosa a mojɔ momina.

³⁰ Bosoboso ino odakani na lipanga ai Njambe; edɛye ko osɔkɔni monganji moNjambe mojɔ bo ’bo badi na lipanga.

³¹ Ibo koko boa; badi na lipanga edɛye, bo basɛ monganji ngɔngɔ o asɔkɔ no monganji.

³² Mojɔ bo Njambe akinea bato basusu a lipanga libu, bo anejae basusu monganji monde.

³³ Ee soti! Ndinda ebowɛi boNjambe enɔi mwɛngi momoto, na ejebeli ende pongono. Moto atahɔnɔ bokokeleja bisambi binde, na bocingea njea jinde.

³⁴ Mojɔ bo, Ocingeaka mokano moNjambe nda? Molehi onde nda?

³⁵ Omopa ekina epeeli nda, Bo Njambe adae na nongo ai yo?

³⁶ Leka kanga losusu mɛnɛ lodi ai yo, lohelaka a mojɔ monde na losukeaka oko na nde. Ekumu ai yo na bosusu. Amen.