Bagalata 5 - Nouveau Testament en Ngombe 1961

¹ Masiya asikoa so bo bodae na bosɔmi. A mojɔ momina, dani bambihmake a bosɔmi bonu; T’ojimeni oko bo opikameni koko a libuli.

² Eleho embi Paulo ai no edi oko ye; isa ojimakani mojɔ mobolena ganda, Masiya adi oko ngasa ai no.

³ Mbi najebejaka no bo moto na moto yona ojimaka mojɔ mobolena ganda, abwani bosuma Mibeko kanga misusu mɛnɛ.

⁴ Isa odukakani lilonga a njea eMibeko, obɔtɔni na Masiya oko bobɔtɔnɔ; okwani, na okwani monganji moNjambe.

⁵ Mojɔ bo njingo elilonga lisu edi oko na Mwembo, na licingi oko na ejimeli.

⁶ Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

⁷ Ino opotakani mbango bopele boso; ombɛjɛi no nda bo otasumani mwako mosoti?

⁸ Bopangoa bomina bocingiti nongo na yona obea no.

⁹ Mitɛkɛ misusu Mibongoaka oko na ekenge ekɛkɛ elipetu.

¹⁰ Mbi nadi na njingo ai Kumu bo so na no bodae na molema momɔci. Moto ko yona onɔngejaka no âsɔ mokindo monde mɛnɛ.

¹¹ Baninga, isa mbi nakojaka mojɔ mobolena ganda, banɔngejaka mbi mojɔ moye? Akɔki mbi kɔ boa, ka mole-mobokea moditi koko libaku.

¹² Yɛni baya banɔngejaka no babejae mikuku Mibu bɛnɛ.

Eleho a Bosuma Mwembo

¹³ Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

¹⁴ Mojɔ bo cina eMibeko misusu edi a ekenge ye emɔci, Toma pala motuteano mowɛ o asapalaka wɛ mɛnɛ.

¹⁵ Okaswianani na okakokalanani, nganjamani bo otawanani.

¹⁶ Mbi nabalaka bo, Sumakani Mwembo bo otagbokani na posa jimokuku.

¹⁷ Mojɔ bo posa jimokuku jinaka na Mwembo, na posa jiMwembo jinaka na mokuku; jilonanaka oko bolonana, bo otakɔni ngando jipalaka no.

¹⁸ Okasumakani Mwembo, oditini cina jiMibeko.

¹⁹ Bikɔmɛli bimokuku bidi bohu mɛnɛ, oko bibi,—bɔɔli, ndukeli, lisɔngi,

²⁰ bole, demba, lisoki, miano, likaka, kɛnjɔ, bolonana, misoo, ejimeli ebokosea,

²¹ soki, bolangoa, matanga, na ngando jisusu jia jidi boa. Mbi nalehaka no e dɛye o aleha mbi no boso, bo baya badi na bikɔmɛli bimina batasangoa bokumu boNjambe.

²² Mbuma jiMwembo ko jidi oko jiji,—ngɛnjɔ, sepi, bowi, lingbangba, monganji, bodongo, likabo, bosangbindea.

²³ Pɛpɛ nongo mokina mobeko modi bodumba ngando jimina.

²⁴ Ibaya badi bato baMasiya bakaaleja mokuku a mole-mobokea, na posa na masɔngi mamokuku pongono.

²⁵ Isa bohelaka a mojɔ moMwembo, bobwani bosuma Mwembo pongono.

²⁶ Bobwamti bosakumeja; pɛ bodingeanani; pɛ bokejanani likaka.