Baebele 13 - Nouveau Testament en Ngombe 1961

Bileho Bisuka

¹ Pɛ bokinani bopalana o baninga.

² T’obosaeni oko bokɔ monganji ai midoa, mojɔ bo bakina baya bakɔ boa basɔ babwɛnji, pɛ ko bojeba.

³ Pɛ bobosani bato baya badi a blɔkɔ; lɛni bo odini na bu a blɔkɔ no bɛnɛ. Pɛ bobosani bato baya badingoaka, mojɔ bo odini na mikuku no bɛnɛ.

⁴ Bolongana bobwani boda mojɔ molisuma ai bato basusu, na esambe emomi na mwali ebwani boda na bosɛnɔ. Mojɔ bo Njambe adi bosambeja bato balisɔngi na bato babɔɔli.

⁵ T’odaeni oko na posa elikonja. Dani na sepi a mojɔ moleka lopeli no, mojɔ bo Njambe abala bo, Mbi nitakwa wɛ, nitabulɛ wɛ nongo mweka.

⁶ A mojɔ momina bobwani bobala na ejimeli esu esusu bo, Kumu adi Mokɔmeja ombi; nitabanga nongo eka. Moto adi bokɔ ai mbi ndeni?

⁷ Pɛ bobosani basuku banu baya batɔndɔ no mwako moNjambe. Lɛni suka emihelo Mibu; ikoanani na ejimeli ebu.

⁸ Yesu Masiya adi busa bu, o adaka yo busa bi, na adi boda boa oko na bosusu mɛnɛ.

⁹ T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

¹⁰ Iso bodi na litumbu limasiko, na baya bakɔkɔ elomu ebu a Etondo baditi na kpaci a boyaka a litumbu limina.

¹¹ Mojɔ bo Nganga Monɛnɛ akweaka a Esika-eBosɛnɔ na makia matito, o lisiko a mojɔ mobobe, na batumbaka njemba jitito bamina a sokolu engando.

¹² Oko boa, Yesu pongono adingoa a sokolu emongba mongando, bo asɛnojae bato na makia mande mɛnɛ.

¹³ A mojɔ momina, atombaka so muna mobiloli a mojɔ monde, kinani bomane ai yo a sokolu engando.

¹⁴ Mojɔ bo boditi na ngando eboyeyoa ya nase. Ngando edukaka so edi ngando ebodoa.

¹⁵ Yɛni so bopɛ lisiko libosakoa ai Njambe bihole bisusu, oko na nde; cina emina edi mbuma jimaposo maminɔkɔ maya majimaka kombe ende.

¹⁶ Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

¹⁷ Sumakani basuku banu, na kɔni o apalaka bo, mojɔ bo badi o banjeli bamilema minu, o bato baya badi boneja elomu ebu. Kɔni bo elomu ebu edae na sepi, te nongo na manji, osaka samboani no bɛnɛ.

¹⁸ Ingakani a mojɔ mosu. Bojimaka bo boditi na mojɔ a molema. Posa esu edi bo bodae na ekɔmɛli epele a njea jisusu.

¹⁹ Mbi nalebaka no na bopipo bo Okɔeni boa, bo nasɔmbe ai no bokpa.

²⁰ Njambe obowi angɔjɔ koko Kumu osu Yesu a bogwa, Monjeli Monɛnɛ obata, na makia maMokongo mua modi na bosusu.

²¹ Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

²² Mbi nangɔɔnɔkɔ no baninga bo osɛni bopele ekenge ye eeleho embi, mojɔ bo nasɔnei no oko mokanda mokue.

²³ Obwanmi bojeba bo bacingoi mwangwa’su Timoteo. Akamea bokpa, iso na nde bodi bo’nɛnɛ na nu.

²⁴ Abɛjɛni basuku banu basusu, na bato baDenga basusu. Bato baltalia babɛjɛkɛ no njɛbɛ.

²⁵ Yɛ monganji moNjambe modae na nu basusu. Amen.