Baebele 10 - Nouveau Testament en Ngombe 1961

¹ Mibeko midi oko embete pɛ engando jipele jibodoa, te elimo mɛnɛ engando jimina. A mojɔ momina, Mibwaniti bolongeja na soti baya badoaka na masiko yanga na yanga.

² Isa mabwani, ka bato bakina bopa masiko. Akɔki bo sɛnoa, ka baya basakoaka batada koko na ejebeli ebobe.

³ Masiko mamina ko malɛjɛkɛ bato a mojɔ mobobe yanga na yanga.

⁴ Cina bo makia mangɔmbɔ na maka-mbɛli mabwaniti bodongeja jibe nongo mweka.

⁵ A mojɔ momina, Masiya, yana adoa yo a ngondo, abala bo, Wɛ t’opalake masiko na bipeeli; Osɛlingoi ko mokuku a mojɔ mombi;

⁶ Wɛ Posepake nongo na masiko malitumbu, na bipeeli a mojɔ mobobe.

⁷ Oko boa, mbi nabali bo, Mbi yona; Mbi nadoi bo nakɔe bolulea bowɛ Njambe; Mojɔ momina mosɔnɔmɔ a mokanda moMisɔnɔ a mojɔ mombi.

⁸ Abala boso bo, Wɛ t’opalake na t’osepake na masiko, na bipeeli, na bipeeli bilitumbu, na masiko a mojɔ mobobe (bapaka leka lomina cina eMibeko).

⁹ Na ngɔngɔ, abala bo, Mbi yona; mbi nadoi bo nakɔe bolulea bowɛ. Oko boa adongejaka mua moboso, bo abakee mua moMibae.

¹⁰ Na so bohɛngɛmɛ ai Njambe cina ebolulea bomina, a mojɔ moepeeli emokuku moYesu Masiya o lisiko ehole emɔci, yena ebwani na bosusu.

¹¹ Nganga basusu bakɔkɔ elomu ebu busa na busa; bapaka masiko bihole bisusu amɛci, maya mabwaniti bodongeja jibe nongo mweka.

¹² Masiya ko, ama yo pa lisiko limɔci lia libwani na bosusu mɛnɛ, ami da oko a ebɔ ebami eNjambe,

¹³ na ambaka oko bo soki jinde jidae ebakei a cina jibibota binde.

¹⁴ Cina bo, yo abɔngeja na bosusu, baya bahɛngɛmɛ ai Njambe, oko na lisiko limɔci.

¹⁵ Mwembo Mosɛnɔke mongamejaka koko mojɔ momina ai so. Mojɔ bo, abala boso bo,

¹⁶ Kumu abalaka bo, Imu modi Mokongo mobakeabí mbi na bu A suka emasu mamina; Nasabí Mibeko mimbi a tei emilema Mibu; Namisɔnɔbí oko a bolɛ bobu.

¹⁷ Na abala ngɔngɔ bo, Nitalɛ koko jibe jibu, na mapanga mabu, na ikina.

¹⁸ Oko boa isa jibe jikinami, jibwaniti koko na lisiko a mojɔ mojibe.

¹⁹ A mojɔ momina baninga, so bodi na njea bohu a bokwea a Esika eBosɛnɔ, cina emakia maYesu,

²⁰ oko na njea eyene, njea ebomɔ ehoja yo a ngbungbu, oko mokuku monde mɛnɛ.

²¹ Na adi so na Nganga Monɛnɛ a ndako eNjambe,

²² bobwani bobatama na molema mosoti na ejimeli enɛnɛ, pɛpɛ kitɛ, na milema misu mibɔtɔnɔke na ejebeli ebobe, na mikuku misu misosamake na madiba mapele.

²³ Yɛni so bopee boku njingo ejimaka so, pɛ nongo bokamakama, mojɔ bo yo atakputoja nongo sako ekina yo.

²⁴ Kinani bodae na mbambano a mojɔ moepaeli na bilomu bipele.

²⁵ Bobwaniti bokputoa a matitana o akɔkɔ bakwa; hɛjɛni bingi a bolehana moto na mina’nde moto, o anɛkɛ no bo Busa bomina bokɛkɛ adoe.

²⁶ Bokakɔ bobe na bolulea bosu bɛnɛ, yana adi so na ejebeli enjea esoti, likina lisiko litongo a mojɔ mojibe liditi.

²⁷ Edikai oko njingo eesambi yena ekɔkɔ maneene, na mosa monɛnɛ mua modi botumba soki.

²⁸ Isa moto yona osɛtoja Mibeko miMose agwa na sanga, cina etati ebatati babae isa basato,

²⁹ esingaiti moto yona opɔmbejaka Mwana ’Njambe, yona osɛtojaka makia maMokongo maya mamohɛngɛ ai Njamhe, o eka engasa, na asambojaka Mwembo momonganji moNjambe.

³⁰ Mojɔ bo so bojebaka yona obala bo, Likundu lidi mojɔ mombi; mbi nakundabí. Na abala koko bo, Kumu asambejabí bato bande.

³¹ Modi mojɔ mobɔ bonɛnɛ a bokwa a mɔmɔ maNjambe obomɔ.

³² Toma lɛni masu maboso. Yana asɔ no bohu a masu mamina, odakani na lingbangba a tei eminɔngɔ o bila mɛnɛ.

³³ Bikina bihole basɛkɛ no, batangola no, na bapukeja no; bihole bitongo ocinamani na bato batongo baya badaka na minɔngɔ mimina.

³⁴ Odakani na wa ai bato baya badaka a minyɔlɔ. Yana atomba bato leka lonu, odakani oko na sepi, cina bo ojebakani bo lisango linu linɔi na bopele, lia lidi boyeyoa.

³⁵ A mojɔ momina, t’obungejaeni oko eci enu mojɔ bo edi na ndese enɛnɛ.

³⁶ Etakaka na nu oko lingbangba bo okɔeni bolulea boNjambe, na bo osɛni mua modikeja yo.

³⁷ Mojɔ bo edikai oko mweka pɛ, Na yona odi na sako ebodoa adi bodoa; atayeyoa a bodoa.

³⁸ Moto ombi obodongo adi bohela oko na ejimeli. Akasɔmbɔ mandulendule ko, molema mombi motasepa na nde.

³⁹ Iso ko boditi bato baya basɔmbɔkɔ mandulendule bo bobunge, oko bato baya badi na ejimeli a boheleja miembo Mibu.