3 Yoane 1 - Nouveau Testament en Ngombe 1961

¹ Mbi mosuku oDenga ai moninga Gayo; ngɛnjɔ embi ai wɛ na soti.

² Moninga, mbi nangaka Njambe bo mijɔ miwɛ misusu Mibɔnge, na bo odae na mokuku monjilake o adi wɛ na mwembo monjilake.

³ Mojɔ bo mbi nadaka na sepi yana amea bakina baninga ya, na babala a mojɔ moSoti yena edi a tei enu, na bo odalakani a njea esoti.

⁴ Mbi naka’ka bo bana bambi badalaka a njea esoti, sepi embi enɔi oko bonɔ.

⁵ Moninga, elomu ekɔkɔ wɛ a mojɔ mobaninga, na a mojɔ momidoa, edi elomu eejimeli mɛnɛ.

⁶ Ibo batati tati a mojɔ mongɛnjɔ ewɛ a boso boDenga. Bopele bo obakɔmejae a mɔngɔ mobu; mojɔ momina mobwani na elomu eNjambe.

⁷ Mojɔ bo bakɛi a mojɔ mokombe ende, pɛ bosɔ nongo eka ai bapakano.

⁸ Oko boa bobwani bokɔmeja bato bamina, bo bokatane na bu a elomu eSoti.

⁹ Nasɔni mokanda a Denga; yo ko Diotulepe Yajimake kpaci esu; apalaka bo asakumejae a tei ebu.

¹⁰ Oko boa, mbi nakadoa nadi bolɛjɛ bato a mojɔ mobikɔmɛli binde, na bo alɔngɔkɔ so na bibaeli bibe. Te mojɔ momina pɛ,—alonaka bosɔ baninga, na alemoaka na bato baya bapalaka bosɔ baninga, na abamejaka a Denga.

¹¹ Baninga, pɛ bokoani na bobe; ikoanani oko na bopele pɛ. Moto yona okɔkɔ bopele adi moto oNjambe. Moto ko yona okɔkɔ bobe anɛkini Njambe.

¹² Bato basusu basakoaka Demetulio, na mwako mosoti motataka ai yo pongono. Mbi namosakoaka pongono, na ojebakani bo tati embi edi tati esoti.

¹³ Nadaki na mijɔ minɛnɛ a bosɔnea wɛ; mtapalaka ko bo namisɔne a mokanda.

¹⁴ Nadi na njingo bo nanɛnɛe na wɛ ngɔngɔ mweka, na bodi bobalana oko na monɔkɔ.

¹⁵ Yɛ bowi bodae ai wɛ. Binao babɛjɛkɛ wɛ njɛbɛ. Abɛjɛ bma’su, moto na moto na kombe ende.