2 Bakolinto 7 - Nouveau Testament en Ngombe 1961

¹ Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

² Pani so pokiso a tei emilema minu. Iso boikɔ nongo bobe ai moto. Boilaboja nongo moto. Boikɔ nongo moto poloso.

³ Nita-balaka boa a bodumba no. Odini a tei emilema misu, isa bokahela, Isa bokagwa, o ami mbi bala na nu boso.

⁴ Mbi najimaka no na soti mɛnɛ. Nasakumejaka bou a mojɔ monu. Molema mombi mogɔmbi soti, na sepi embi epetoaka a tei eminɔngɔ misu.

⁵ Mojɔ bo, yana amea so a Makedonia, boinɛ nongo bowi; bopukaka a bisika bisusu, mane a sokolu, na bɔ a tei.

⁶ Njambe ko, yona ogɔmbejaka baya badi na milema mititake, agɔmbeja so na bodoa boTito,

⁷ te na bodoa bonde pɛ, oko a mojɔ mobogɔmbeja bosɔ yo ai no, yana atɔndɔ yo so mojɔ moposa enu enɛnɛ ai so, na wa enu, na bingi enu a mojɔ mombi. Sepi embi edaka enɛnɛ a mojɔ momina.

⁸ Isa nakeja no wa na mokanda mombi, naditi na dosa a mojɔ momina. Yana anɛ mbi bo odini na wa a mojɔ momokanda mombi—eiyeyoa ko—mbi nadaka na wa pongono.

⁹ Edɛye ko nasepaka, te a mojɔ mowa enu, oko cina bo wa emina ehekoja milema minu. Njambe ajima bo odaeni na wa, bo otadingoani na mojɔ mokɔ so.

¹⁰ Mojɔ bo, Njambe akakeja moto wa, wa emina esukeaka oko na bohekoja bomolema a mojɔ mobohela, te nongo na bio. Suka ko ewa engondo edi oko bogwa.

¹¹ Anjani bingi yena edi na nu edɛye a mojɔ mowa ekeja Njambe no, na posa enu bo osalongejaeni, na kɛlɛ enu, na posa enu, na bingi enu, na bodingoa bonu. Onejaini bo oditini nongo na lindo.

¹² Oko boa, isa mbi nasɔnea no mokanda, naisɔnɔ a mojɔ momoto yona okɔ bobe, isa a mojɔ momoto yona osɔ monɔngɔ momina; nasɔnɔ bo epaeli enu enɛnɛ ai mbi eboloe ai no bɛnɛ a boso boNjambe.

¹³ Milema misu midi mihahanake a mojɔ momina. Te nongo bo milema misu pɛ midi mihahanake; sepi esu ehɛ bou mɛnɛ a mojɔ mosepi eTito, mojɔ bo ohahanejani molema monde.

¹⁴ Isa mbi nasakoa no ai yo, naisamboa na nu; o ami mbi bala na nu mijɔ misoti, mua mobala mbi na Tito a bosakoa no modaka soti pongono.

¹⁵ Epaeli emolema monde ai no edi enɛnɛ mɛnɛ, mojɔ bo atabosaka bo omosɔni na lisuma na mongongoma.

¹⁶ Mbi nadi na sepi, mojɔ bo naditi nongo na mokakwano a mojɔ monu.