1 Yoane 1 - Nouveau Testament en Ngombe 1961

¹ Imua modaka kanga a bobanga mɛnɛ, mua moka so, mua monɛ so na miso, mua monja so, mua mobanda so na mɔmɔ, modaka oko Ebaeli ebomɔ.

² Bomɔ bomana a bohu. Iso bonɛ bomɔ bomina, botɔndɔkɔ mojɔ momina. Bwɛnji botɔndɔkɔ so no bodi oko bomɔ bua bodi na bosusu, bua bodaka na Sango, na boboloa ai so.

³ Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.

⁴ Bosɔneaka no ngando jiji bo sepi enu enɛngɛe oko bonɛngɛ.

Njambe adi Bohu

⁵ Bwɛnji bosɔ so ai yo, bwɛnji botɔndɔkɔ so no, bodi oko bu;—Njambe adi bohu. Modidi moditi nongo a tei ende.

⁶ Bokabala bo bodi na nde limbaci yana adalaka so a modidi, bokoseaka; na mida misu, na mijɔ misoti misangiti nongo mweka.

⁷ Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.

⁸ Boka-bala bo boditi na bobe, bosakoseaka So bɛnɛ, na Soti editi a tei esu.

⁹ Bokajima jibe jisu, yo t’akputojake nongo sako, adi bojo, na a yɛ jibe jisu, na âsɛnoja so a bobe bosusu.

¹⁰ Bokabala bo bokoiti nongo bobe, bomolangaka o mokosei, na ebaeli ende editi a tei esu.