1 Batɛsalɔnike 5 - Nouveau Testament en Ngombe 1961

¹ Baninga, ebɔngiti bo nasɔnee no a mojɔ bianga na bididi.

² Ojebakani no bɛnɛ bo Busa boKumu bodi bodoa o adoaka mobi na bulu.

³ Yana abalaka bato bo, Bowi! Bopele! bigbili bidoa bundumo ai bo a ehole emina, na batanɛ nongo njea ehohela.

⁴ Ino baninga ko oditini a modidi bo busa bomina bodoe ai no na mbɛmbɛ emobi.

⁵ Odini basusu bana babohu, bana bamose; boditi bato babulu na bamodidi.

⁶ Oko boa bobwaniti bohwɛ hiɔ o akɔkɔ bakwa; bobwani boda oko misu bo bosɛnjɛle.

⁷ Baya bahwɛkɛ, bahwɛkɛ na bulu, na baya balangoaka, balangoaka na bulu.

⁸ Iso ko, bato babohu, bobwani bosɛnjɛlɛ na bolwa ebende ebupa, yena edi ejimeli na epaeli, na kɛsike eebende a molo, yena edi njingo ebohela.

⁹ Mojɔ bo Njambe ahɔ so bo bohele a mojɔ moKumu osu Yesu Masiya, te a mojɔ mokɛnjɔ.

¹⁰ Yesu Masiya agwea so bo bodae na nde, isa a bogwa isa a bomɔ.

¹¹ A mojɔ momina, lehanani na pingejanani, o akɔkɔ no.

¹² Iso bongɔɔnɔkɔ no baninga bo odaeni na lisuma ai bato baya bakɔkɔ elomu a tei enu, baya badi basuku banu a tei eKumu na balehaka no.

¹³ Dani na epaeli enɛnɛ ai bo a mojɔ moelomu ebu.

¹⁴ Iso bongɔɔnɔkɔ no baninga bo oleheni baya balaboaka; pingejani milema Mibato baya bangwai; mbilimeja ba yɛmbu; dani na lingbangba ai bato basusu.

¹⁵ Nganjamani bo moto atasɔmbeja bobe oko na bobe; dukani njea a bokɔ bopele, moto ai mina’nde moto, na ai bato basusu.

¹⁶ Sepani bihole bisusu.

¹⁷ Ingakani, pɛ bokina.

¹⁸ Sakoani Njambe a mojɔ mongando jisusu, mojɔ bo Njambe apalaka bo Okɔeni boa a tei eMasiya Yesu.

¹⁹ T’obumeeni oko Mwembo.

²⁰ Pɛ bosɛtojani biseko.

²¹ Kokelejani ngando jisusu, na jimani oko jia jidi jipele.

²² Toma kiani tungu jibobe jisusu mɛnɛ.

²³ Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

²⁴ Iyona obea no atakputoja sako, na yo adi hokɔ.

²⁵ Baninga, ingakani a mojɔ mosu.

²⁶ Abɛjɛni baninga basusu njɛbɛ na bohia bosɛnɔke.

²⁷ Mbi nalehaka no a kombe eKumu bo olangeni mokanda mu ai baninga basusu.

²⁸ Yɛ monganji moKumu osu Yesu Masiya modae na nu.