Yoane 9 - Nouveau Testament et Psaumes en Ndandi Version 1962

Oyo wabutawa endimatime

¹ Neryo abere anemolaba, mwalangira omundu abutawa inina ndimatime.

² Nabiga buwe mobamubulya, bati, Mukangi rirya, ni ndi wakola ekibi, omundu oyu kutse abamubuta, eributwa mo ndimatime kwehi?

³ Yesu mwasubirya ati, Oyu siaritakola ekibi, kutse abamubuta: nikwa emibiri yoMungu iminyikale omwisi wuwe.

⁴ Tutolere erikola emibiri yoyo wanyituma, omugulu bukinalolire: obutuku bukandisira, oko omugulu oyo isihari mundu wangatoka erikola omubiri.

⁵ Omugulu ndi omo kihugo, indi kyakakala kye kihugo.

⁶ Ama bibuga atya mwatwira amatande ahisi, mwayira olondo omo matande, mwahakabya olondo oko meso wuwe,

⁷ mwabuga naye ati, Ugende, unabe oko kitsinga kyaSiloamu (ngeribuga riti, Atumawa); naye mwagenda, mwanaba, mwasubula iniani mulangira.

⁸ Nabatula naye, nabamulangira erimbere akasa birirya, mobabulania bati, Oyu siyoyo wikala akasabirirya kwehi?

⁹ Abandi bati, Ni ye: na bandi bati, Eyihi, nikwa amusosire. Naye mwabuga, ati, Ni nangye.

¹⁰ Neryo moba mubulya, bati, Nikwa ameso wawe arialibukala ati kwehi?

¹¹ Naye mwasubirya, ati, Omundu ukahulawa mo Yesu mwa kokotya olondo, mwahakabya oko meso wage, mwambwira, ati, Genda eSiloamu, unabe: neryo monayayo monanaba, monaba na erilangira.

¹² Mobamubulya, bati, Ari hahi kwehi? Naye ati, Sinyasi.

AbaFarisayo nekiro kyeSabatu

¹³ Mobamuleta oko baFarisayo oyo wabya ndimatime.

¹⁴ Nikwa kyabya kiro kyaSabatu ekiro ekyo Yesu akokotaya olondo, nerilibula ameso wuwe.

¹⁵ Na kandi abaFarisayo mobamubulya kwariabana erilangira. Naye mwabuga nabo, ati, Ariahakabaya olondo oko meso, monanabire, neryo ngala ngira.

¹⁶ Nabandi boko baFarisayo mobabuga, bati; Omundu oyu si woMungu, kusangwa siaritegaya sabatu. Nikwa abandi bati, Omundu webibi angatoka erikola ebitikotiko ngebi kwehi? Neryo mohabya erigabana omukati-kati kabo.

¹⁷ Neryo moba swabulya oyo wabya ndimatime, bati, Nawe ukabuga utiki busana naye, kusangwa amalibula ameso wawe kwehi? Naye ati, Ni Muminyereri.

¹⁸ Nikwa abaYuda moba tikirirya busana naye kwabya ndimatime, akabana erilangira, erihika okwibirikira ababuta oyo wabana erilangira,

¹⁹ moba bulyabo, bati, Oyu ni mugala wenyu oyo mukabuga muti abutawa ini ndimatime kwehi? Na lino akalangira ati kwehi?

²⁰ Abamubuta mobasubiryabo, bati, Twasi oyo m mugala wetu, kandi kwa butawa ini ndimatime:

²¹ nikwa lino akala ngira ati, sitwasi; kutse oyu walibula ameso wuwe, sitwasi: iye ni mundu mukulu; mumubulaye; akandiyibugira.

²² Abamubuta mobabuga ebinywa ebi, kusangwa bubaha abaYuda:

²³ kusangwa ibamabiya embita, bati, Omundu amatulago kwoyo ni Kristo, ibamulusya omo nyumba yerihindana. Neryo abamubuta mobabuga, bati, Ka ni mukulu; mumubulaye.

²⁴ Neryo mobabirikira ngendo ya kabiri omundu ndimatime, mobamubwira, bati, Uhe olukengerwa oko Mungu: itwe twasi omundu oyo ni mukola nabi.

²⁵ Neryo mwasubiryabo, ati, Muri ni mukola nabi, sinyasi; ekiguma nyasi, nyiti, nabya ndimatime, na lino namalangira.

²⁶ Kandi mobamubulya, Akolaki kuwe kwehi? mwalibula ameso wawe ati kwehi?

²⁷ Naye mwasubiryabo, ati, Nabiribabwira; simwetowa; busana naki mukasonda eriowakyo kandi kwehi? mukasonda eribya abiga buwe kwehi?

²⁸ Nabo mobamutsuma, bati, Uwe uri mwiga wuwe; nikwa itwe turi biga baMusa.

²⁹ Tunasi ngoko Mungu abiribuga na Musa: nikwa omundu oyu, sitwasi ahalwa.

³⁰ Nomundu oyo mwasubirya mwabuga nabo, ati, Eki ni kyeriswekera ko mutasi eyalwa, ka mwalibula ameso wage.

³¹ Tunasi Mungu siariowa abakolanabi: nikwa omundu amabya omusabi woMungu, akakola ebyo anzire, yakowa.

³² Okwitsuka rye kihugo, sihetogubwa na kera komundu alibula ameso womundu wabutawa mo ndimatime.

³³ Kumbe omundu atarilwa oko Mungu, siangatoka erikolaki.

³⁴ Nabo mobamusu birya, bati, Uwe wabutawa omo bibi nawe ukatukangiriraya kwehi? Mobamugusa eyihya.

Oyu lwe ndimatime mwikirirya Yesu

³⁵ Yesu mowa ko bamugusa eyihya; mwamweya, mwamu bulya, ati, Wikirirye oko Mugala woMungu kwehi?

³⁶ Naye mwasubirya, ati, Ni ndi, Mukama, nyimwikiriraye?

³⁷ Yesu mwamubwira, ati, Wabirimulolako, kandi yono yukabuga nawe.

³⁸ Naye mwabuga, ati, Mukama, namikirirya. Neryo mwa mukukamira.

³⁹ Yesu mwabuga, ati, Busana neritswera monasa omo kihugo, neryo abatelangira balangire; nabaka langira, babye ndimatime.

⁴⁰ Nabandi boko baFarisayo ababya haguma naye, mobowa ebyo, neryo mobamubulya, bati, Netu turi ndimatime kwehi?

⁴¹ Yesu mwabwirabo, ati, Kumbe mulwe ndimatime, nga simuri nekibi: nikwa lino mukabuga, muti, Tukalangira: ebibi byenyu byamasigala.