Yoane 5 - Nouveau Testament et Psaumes en Ndandi Version 1962

Omukoni weBetesaida

¹ Enyuma wemyatsi eyi habya ekiro kikulu kyabaYuda; Yesu mwahetukira eYerusalema.

² Nikwa omo Yerusalema hakuhi neririmbo ryesyombuli ihari ekitsinga, omo KiEbrania kikahulawa mo Betesaida, iki wite esyondambi itano.

³ Omusyo ihakagotsera esyondeko esyabalwere, besyombumi, nebirema, nabumire, ibakalindirira eritabukala ryamagetsi.

⁴ Kusangwa omulaika woMukama iniakandagala iguma-iguma eripanza magetsi: neryo mundundi oyu katsuka eriya omo magetsi akinatabukere inialamibwa okwitswerwa lubi kwendwala alwere.

⁵ Neryo mundu muguma abyaho, inialwere emituta makumi asatu nomunani.

⁶ Omugulu Yesu amu langira iniagotsere, mwaminya iniabiribya atya biro bingi, mwabuga naye, ati, Wanzire erilamibwa kwehi?

⁷ Omukoni mwamusubirya, ati, Mukama, singwite mundu, omugulu ama getsi akatabukala, erimbira omo kitsinga; nikwa omugulu ngasa, ogundi akanyitanga.

⁸ Yesu mwabuga naye, ati, Hangana, uheke ekirago kyawe, uyigendere.

⁹ Neryo-neryo omundu oyo mwalamibwa mwaheka ekirago kiwe mwayige ndera. Nikwa ekiro ekyo kyabya Sabatu.

¹⁰ Neryo abaYuda moba buga noyo walamibawa, bati, Munabwire ni Sabatu, sirikutolere omo migambu ukaheka ekirago kyawe.

¹¹ Nikwa mwasubi ryabo; ati, Oyu rianyilamaya, niye yuriambwira, ati. Uheke ekirayo kyawe, uyigendere.

¹² Mobamubulya, bati, Omundu oyo nindi oyo wakubwira, ati, Uheke kirago kyawe, ugende, kwehi?

¹³ Nikwa oyo walamibawa isiasi nga ni ndi, kusangwa Yesu iniamabilwaho, kusangwa endeko yabyaho.

¹⁴ Enyuma waho Yesu mwamweya omo hekalu, mwabuga naye, ati, Lebaya, wabirilamibwa! Suswakola ebibi, ukasya swabana mwatsi mubi kwilaba oyo.

¹⁵ Omundu oyo mwayabwira abaYuda kwabya Yesu oyo wamulamaya.

¹⁶ Busana nomwatsi oyu abaYuda mobendererya Yesu, kusangwa akola emyatsi eyi omo Sabatu.

¹⁷ Nikwa Yesu mwasubiryabo, ati, Tata wage akakola erihika lino, nage ngakola.

¹⁸ Busana niomwatsi oyo kandi baYuda kwilaba aho mobasonda erimwita, kusangwa isirye eriketa eSabatu risa, nikwa kusangwa iniakahula Mungu mwise, iniakayiyira ngoMungu.

¹⁹ Neryo Yesu mwasubirya mwabuga nabo, ati, Kwenene, kwenene, ngabuga nenyu, nyiti, OMugala siangatoka erikolaki iyowene, nikwa ekyakalangira Ise akakola: kusangwa ebyosi akakola, byo Mugala akakola atya nibya.

²⁰ Kusangwa Ise anzire Mugala, akamukangaya emyatsi yosi eyakakola; nemibiri minene kweyi asyamukangya, imwasweka.

²¹ Kusangwa ngoko Tata akalubukaya abaholi akahabo engebe, ritya oMugala akaha engebe kwabo anzire.

²² Kusangwa kandi Tata siaritswera mundu nomuguma, nikwa abiriha oMugala eritswera ryosi,

²³ neryo abosi basikaye Mugala, ngoko bakasikaya Ise. Oyu tesikaya Mugala siarisikaya Ise oyo wamutuma.

²⁴ Kwenene, kwenene, ngabuga nenyu nyiti, oyu kowa eKinywa kyage, akikiriraya oyo wanyituma, ari nengebe yerikota, isiendisyahika nikwa abirilaba erilwa omo luholo eriingira omo ngebe.

²⁵ Kundu, kundu, ngabuga nenyu, nyiti, Endambi ikasa, na lino ine, omugulu abaholi basyowa omulenge wo Mugala woMungu, nabakowa basyabyaho.

²⁶ Kusangwa ngoko Tata ari nengebe omwisi wuwe iyowene, ritya abiriha Mugala eribya nengebe omwisi wuwe,

²⁷ akamuha ehamuli yeritswera esyombanza kusangwa iye ni Mugala womundu.

²⁸ Simusweke busana nekyo; kusangwa omugulu asyasa omugulu abosi bari mo masinda basyowa omulenge wuwe,

²⁹ basyalwamo, abakola byowene okwilubuka ryengebe, nabakola ebibi, okwilubuka ryolubanza.

³⁰ Kusangwa sinditoka erikola nekigoma ingyowene: ngoko ngowa, ngatswera: neritswera ryage ritunganene; kusangwa sindisonda ekyo nyanzire ingyowene, nikwa erianza ryoyo wanyituma.

³¹ Namatulago busana nage, eritulago ryage isi ryakwenene.

³² Ni gundi oyu katulago busana nage; nage nyasi eritulago eryo akatulago busana nage ni kwenene.

³³ Mwabirituma ku Yoane, naye abiritulago kwenene.

³⁴ Ni kwa sindimaya eritulago eryo kobandu: nikwa ngabuga emyatsi eyi, imwatoka erilamibwa.

³⁵ Iye abya oluseke olukaka neriko rerya, nenyu mwabya mwanzire eritsema akatambi omo kya kakala kiwe.

³⁶ Nikwa eritulago eryo ngwite ni nene kwilaba eryaYoane; kusangwa emibiri eyo Tata abirimba eribuga, emibiri eyo ngakola, ikatulago busana nage, ko Tata anyituma.

³⁷ Na Tata oyo wanyituma, iye abiritulago busana nage. Inywe simwetowa omulenge wuwe, kutse erilangira ngoko asosire.

³⁸ Simuwite eKinywa kiwe eriikala omwisi wenyu: kusangwa simwetikirirya oyo atuma.

³⁹ Mukasonda-sondaya amasako, kusangwa mukaganiraya muti muwite engebe yerikota mugo; naya wakatulago busana nage;

⁴⁰ nenyu simwembikako, imwatoka eribya nengebe.

⁴¹ Ingye sindimaya erisikibwa oko bandu.

⁴² Nikwa nyibasi simuwite olwanzo lwoMungu omwisi wenyu.

⁴³ Nabiriasa omu rina ryaTata, nenyu simwenyikokaya: ogundi amasa omo rina riwe, mwasyamukokya.

⁴⁴ Imwatoka muti erikirirya, inywe mukimaya erisikya muguma oko gundi, nerisikya erikalwa oko Mungu muguma, simwesondayaryo kwehi?

⁴⁵ Simuganiraya muti nasyabahandikirira oku Tata: hari muguma oyu kabahandikirira, ni Musa, oyu mukayiketera.

⁴⁶ Kusangwa kumbe mwikirirye Musa, nga mwanganyikirirya; kusangwa asaka ebyage.

⁴⁷ Nikwa mwamatindikirirya amasako wuwe, mwasikirirya ebinywa byage byo muti kwehi?