Yoane 20 - Nouveau Testament et Psaumes en Ndandi Version 1962

Erilubuka rya Yesu. Olugendo lwa Maria okwisinda

¹ Noko kiro kyeritsuka kyeyenga Maria Magdalene mwasa okwisinda omo ngyakyangyakya omwirimya iniakineyo, mwalangira eribwe iryabirilusibwa okwisinda.

² Neryo mwa tibita, mwaya iri Simoni Petero, nogundi mwiga oyo Yesu anzire, mwabwirabo, ati, Balusirye oMukama omwisinda, sitwasi aho bamuhirire.

³ Neryo Petero nogundi mwiga oyo mobaya okwisinda.

⁴ Mobatibitira iguma: nogundi mwiga mwalengya Petero yamagulu, mwatsuka erihika okwisinda;

⁵ neriunama mwasamariramo, mwalangira esyongimba isini kirye; nikwa mwatingiramo.

⁶ Simoni Petero mwahikaho, inianamukwamire, mwingira omwisinda; naye mwalangira esyongimba isinikirye,

⁷ nekihande kyolukimba, ekyabya okomutwe, isikikirye haguma nesyongimba syemisohe, nikwa ikilingire huwakyo.

⁸ Neryo ogundi mwiga oyo mwingira oyo watsuka erihika okwisinda, mwalangira, mwikirirya.

⁹ Ku­sangwa isibebaminya amasako, kwatolere erilubuka oko baholi.

¹⁰ Neryo abiga mobasuba oko wabo.

¹¹ Nikwa Maria abya imene okwisinda akarira: neryo abere enemorira, munama mwasamarira omwisinda;

¹² mwalola oko balaika babiri ibambite nyeronyero ibanikere, muguma aho bisegemo, nogundi aho bilambiryo, aho omubiri waYesu abya agotseribwe.

¹³ Nabo mobamubulya, bati, Mukali, ukarira busana naki kwehi? Naye mwabwirabo, ati, Kusangwa batwere Mukama wage, nage sinyasi aho bamuhirire.

¹⁴ Neryo ama bibuga atya, mwakeba, mwalola oko Yesu inianimene, isiasi kwari ini Yesu.

¹⁵ Yesu mwamubulya ati. Mukali, ukarira busana naki kwehi? ukasondayandi kwehi? Naye, iniakagani raya ati yo mulimi weririma, mwamubwira ati, Mukama, wamabya ini we wamutwere handi, umbwire aho wamuhirire nage ngandimuheka.

¹⁶ Yesu mwamubwira, ati, Maria. Naye mwamukebera, mwabuga naye omo kiEbrania ati, Raboni; riringene neribuga riti, Mukangirirya.

¹⁷ Yesu mwamubwira ati, Sunyituleko; kusangwa sindinahetukira ewa Tata; nikwa ugende uyabwire abagala betu, ubuge uti, Namahetukira ku Tata wage na Tata wenyu, noko Mungu wage noMungu wenyu.

¹⁸ Maria Magdalene mwagenda mwayabwira biga, ati, Nabirilola oko Mukama; kandi ngoko akanaya naye emyatsi eyo.

Abakwenda butsira Toma

¹⁹ Nikwa omwigolo, ryekiro ekyo, ekyo kyeritsuka kyeyenga, omugulu esyonyuyi syabya isyamabikingwa aho abiga babya busana neriubaha baYuda, Yesu mwasa mwahangana omukati kati kabo, mwabwirabo, ati, Obuholo kwinywe.

²⁰ Neryo amabibuga atya, mwakangyabo ebyala biwe nolukanga luwe. Abiga mobatsema omugulu balola oko Mukama.

²¹ Neryo Yesu mwaswabwirabo, ati, Obuholo kwinywe: ngoko Tata anyituma, nage kongabatuma nyitya.

²² Amabibuga atya, mwahumulira kubo, ati, Mwangirire eKirimu Kibuyirire:

²³ abo bosi mwasyabuyira ebibi ibyamabibuyirwa kubo; nabo bosi, mwamabyegeka kwebibi byabo, ibyamabyegekwa kubo.

Abakwenda haguma na Toma

²⁴ Nikwa Toma, muguma wokwikumi na babiri, iniakahu lawa mo Muhasa, syabya haguma nobo omugulu Yesu asa.

²⁵ Neryo abandi biga mobamubwira bati, Twabirilola oko Mukama. Nikwa mwabwirabo, ati. Namatindalola oko syo ngolu syesyotutu omo byala biwe, nerihira omunwe wage omo ngolu yesyotutu, nerihira ebyala byage omo lukanga luwe, sindiendisikirirya.

²⁶ Nenyuma webiro munani kandi abiga babyamo, na Toma haguma nabo. Yesu mwasa, esyonyui isinakingire, mwahangana omukati-kati kabo, mwabuga ati, Obuholo kwinywe.

²⁷ Neryo mwabuga na Toma, ati, Leta omunwe wawe, ulebaye ebyala byage; leta ebyala byawe, uhirebyo omo lukanga lwage: subye butsira erikirirya, nikwa ubye iwikirirye.

²⁸ Toma mwamu subirya, ati, Mukama wage noMungu wage.

²⁹ Yesu mwamu bwira, ati, Kusangwa wabirinyilolako, wamikirirya: ni batsu mulwa abakikiriraya batebalangira.

³⁰ Nikwa ebindi bitikotiko bingi Yesu mwakola embere yabiga buwe, sibyetasakwa omu kitabu eki:

³¹ nikwa ebi bisakire, imwikirirya ko Yesu ari Kristo, Mugala woMungu; nerikirirya imwabya nengebe omo rina riwe.