Yoane 2 - Nouveau Testament et Psaumes en Ndandi Version 1962

Eriherukya eKana

¹ Noko kiro kyebisatu habya eriherukya eKana yaGalilaya; na nyinya wa Yesu abyayo;

² Na Yesu mwabirikirwa haguma na biga buwe, okwiherukya.

³ Nomugulu binyo byakeha, nyinya wa Yesu mwabuga naye ati, Sibawite binyo.

⁴ Yesu mwabuga naye ati, Indi naki kyerikola nawe kwehi? Endambi yage siriyahika.

⁵ Nyinya wuwe mwabuga na bakoli bomubiri, ati, Ebyosi akababwira, mukolebyo.

⁶ Neryo habya ihahirirwe amalega ndatu ngemitsye ya BaYuda yeriyerya, omo riguma imukaya esiondengi ngibiri kutse isatu.

⁷ Yesu mwa buga nabo, ati, Musulaya amalega wamagetsi. Nabo mobusu lyago kutsibu.

⁸ Neryo mwabwirabo, ati, Mutehe lino, muheke oko mukama mwenye erirya. Nabo mobahekabyo.

⁹ Nomu gulu mukama mwenye erirya amabigerya magetsi iniabiribya binyo, isiasi aharialwa (nikwa bakoli bomubiri abateha magetsi ibanasi), omukama mwenye erirya mwabirikira iba womuhe ruki

¹⁰ mwabuga naye, ati, Oburi mundu akatsuka erihira ebinyo byowene; nomugulu bamabipulya ndeke, neryo ibito wene; uwe wabiribika ebinyo byowene erihika lino.

¹¹ Eri tsuka eri ryebitikotiko Yesu mwakola eKana ya Galilaya, mwaminyisya olukengerwa luwe; nabiga biwe mobamwi kirirya.

Yesu akahiga abahingania omo hekalu

¹² Enyuma weki mwandagalira eKapernauma, iye na nyinya wuwe, na bagala babo, nabiga; neyo mobatikalayo biro bingi.

¹³ Erilabwako ryabaYuda ryabya hakuhi, na Yesu mwahetu kira Yerusalema.

¹⁴ Neryo mweya omo hekalu abagulaya esyonume nesyombuli nehilikuku nabahinganaya esyofaranka ibanikere.

¹⁵ Neryo mwakokotya enyambi yomukoba, mwa gusa ebyosi eyihaya ko hekalu, esyombuli, nesyonume; muta esyofaranka syabahinganaya, muta esyomesa syabo,

¹⁶ neryo mwabuga nabagulaya hilikuku, ati, Mulusaye ehi muno; simuyire enyumba ya Tata wage mo nyumba yeriguliryamo.

¹⁷ Abiga biwe mobibuka ngoko kyasakawa, kiti, Obuha bwe nyumba yawe bwasyanyirya.

¹⁸ Neryo abaYuda mobasubirya mobabuga naye, bati, Ekiminyikalo kyahi ekyo ukatukangaya busana nerikola emyatsi eyi kwehi?

¹⁹ Yesu mwasubirya mwabuga, ati, Muheraye ehekalu eyi, nage nasyahanganiayo oko biro bisatu.

²⁰ Neryo abaYuda bati, Oko mituta makumi ani nendatu hekalu eyi yahimbawa, nawe wasyahanganiayo oko biro bisatu kwehi?

²¹ Nikwa abuga busana nehekalu yomubiri wuwe.

²² Neryo omugulu alubukibawa omo baholi, abiga biwe mobibuka ekyabuga mobikirirya ekisakire, nekinywa ekyo Yesu abuga.

Erirya ryaPasaka

²³ Omugulu abya eYerusalema okwilabwako, omo biro ebyerirya, abangi mobikirirya oko rina riwe, ibakalangira ebitikotiko biwe ebyo akola.

²⁴ Nikwa Yesu mwatayiketerabo, kusangwa abya asi abandu bosi,

²⁵ neryo kusangwa siabya nobwaga womundu nomuguma eritula mwatsi wabandu; kusangwa iye abya asi ebiri omwisi syabandu.